ਮਿਊਚੁਅਲ ਫੰਡ ਜਾਇਦਾਦਾਂ `ਚ 2025 `ਚ 14 ਲੱਖ ਕਰੋੜ ਰੁਪਏ ਦਾ ਵਾਧਾ

ਮਿਊਚੁਅਲ ਫੰਡ ਜਾਇਦਾਦਾਂ `ਚ 2025 `ਚ 14 ਲੱਖ ਕਰੋੜ ਰੁਪਏ ਦਾ ਵਾਧਾ ਨਵੀਂ ਦਿੱਲੀ, 1 ਜਨਵਰੀ 2026 : ਮਿਊਚੁਅਲ ਫੰਡ ਉਦਯੋਗ ਨੇ 2025 `ਚ ਇਕ ਨਵਾਂ ਇਤਿਹਾਸ ਰਚਦੇ ਹੋਏ ਜਾਇਦਾਦ ਆਧਾਰ `ਚ 14 ਲੱਖ ਕਰੋੜ ਰੁਪਏ ਦਾ ਰਿਕਾਰਡ ਵਾਧਾ ਕੀਤਾ ਹੈ। ਇਸ ਦੌਰਾਨ ਕੁਲ ਪ੍ਰਬੰਧਨ ਅਧੀਨ ਜਾਇਦਾਦਾਂ (ਏ. ਯੂ. ਐੱਮ.) ਨਵੰਬਰ ਤੱਕ 81 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਈਆਂ, ਜੋ 2024 ਦੇ 67 ਲੱਖ ਕਰੋੜ ਰੁਪਏ ਤੋਂ 21 ਫੀਸਦੀ ਵੱਧ ਹਨ। ਐਸ. ਆਈ. ਪੀ. ਦੇ ਲਗਾਤਾਰ ਪ੍ਰਵਾਹ ਨੇ ਕੀਤੀ ਵਿਦੇਸ਼ੀ ਨਿਵੇਸ਼ਕਾਂ ਦੀ ਨਿਕਾਸੀ ਦੀ ਪੂਰਤੀ ਐਸੋਸੀਏਸ਼ਨ ਆਫ ਮਿਊਚੁਅਲ ਫੰਡਜ਼ ਇਨ ਇੰਡੀਆ (ਐੱਮ. ਫੀ.) ਦੇ ਸੀ. ਈ. ਓ. ਵੇਂਕਟ ਚਾਲਸਾਨੀ ਨੇ ਦੱਸਿਆ ਕਿ ਪ੍ਰਚੂਨ ਨਿਵੇਸ਼ਕਾਂ ਦੀ ਵਧਦੀ ਭਾਈਵਾਲੀ ਅਤੇ ਸਿਸਟਮੈਟਿਕ ਨਿਵੇਸ਼ ਯੋਜਨਾ (ਐੱਸ. ਆਈ. ਪੀ.) `ਚ ਰਿਕਾਰਡ ਨਿਵੇਸ਼ ਨਾਲ ਇਹ ਵਾਧਾ `ਸੰਭਵ ਹੋਇਆ। ਉਨ੍ਹਾਂ ਕਿਹਾ ਕਿ ਐੱਸ. ਆਈ. ਪੀ. ਦੇ ਲਗਾਤਾਰ ਪ੍ਰਵਾਹ ਨੇ ਵਿਦੇਸ਼ੀ ਨਿਵੇਸ਼ਕਾਂ ਦੀ ਨਿਕਾਸੀ ਦੀ ਪੂਰਤੀ ਕੀਤੀ ਅਤੇ ਬਾਜ਼ਾਰ ਨੂੰ. ਮਜ਼ਬੂਤ ਬਣਾਈ ਰੱਖਿਆ। ਸ਼ੁੱਧ ਵਿਆਹ ਪ੍ਰਵਾਹ 20025 ਵਿਚ ਕੀਤਾ ਗਿਆ 7 ਲੱਖ ਕਰੋੜ ਰੁਪਏ ਦਰਜ 2025 `ਚ ਸ਼ੁੱਧ ਨਿਵੇਸ਼ ਪ੍ਰਵਾਹ 7 ਲੱਖ ਕਰੋੜ ਰੁਪਏ ਦਰਜ ਕੀਤਾ ਗਿਆ, ਜਦੋਂਕਿ ਨਿਵੇਸ਼ਕ ਆਧਾਰ `ਚ 3.36 ਕਰੋੜ ਦਾ ਵਾਧਾ ਹੋਇਆ। ਸਿਰਫ ਐੱਸ. ਆਈ. ਪੀ. ਰਾਹੀਂ ਕਰੀਬ 3 ਲੱਖ ਕਰੋੜ ਰੁਪਏ ਦਾ ਨਿਵੇਸ਼ ਆਇਆ । ਮਾਰਨਿੰਗਸਟਾਰ ਦੇ ਹਿਮਾਂਸ਼ੂ ਸ਼੍ਰੀਵਾਸਤਵ ਨੇ ਕਿਹਾ ਕਿ ਮਜ਼ਬੂਤ ਸ਼ੇਅਰ ਬਾਜ਼ਾਰ ਪ੍ਰਦਰਸ਼ਨ ਅਤੇ ਐੱਸ. ਆਈ. ਪੀ. `ਚ ਵਾਧੇ ਨੇ ਇਸ ਵਾਧੇ ਨੂੰ ਸਮਰਥਨ ਦਿੱਤਾ। 2025 `ਚ ਮਿਊਚੁਅਲ ਫੰਡ ਉਦਯੋਗ ਨੇ 13ਵੇਂ ਸਾਲ ਵੀ ਏ. ਯੂ. ਐੱਮ. `ਚ ਵਾਧਾ ਦਰਜ ਕੀਤਾ, ਜੋ ਲੰਮੀ ਮਿਆਦ ਦੇ ਨਿਵੇਸ਼ ਅਤੇ ਵਿੱਤੀ ਜਾਗਰੂਕਤਾ ਦੇ ਵਧਦੇ ਰੁਝੇਵਿਆਂ ਨੂੰ ਦਰਸਾਉਂਦਾ ਹੈ। ਐੱਸ. ਆਈ. ਪੀ. ਰਾਹੀਂ ਲਗਾਤਾਰ ਨਿਵੇਸ਼ ਨੇ ਇਸ ਵਿਕਾਸ ਨੂੰ ਸਥਿਰ ਬਣਾਈ ਰੱਖਿਆ।