ਪ੍ਰੋ. ਕਰਮਜੀਤ ਸਿੰਘ ਵਾਈਸ-ਚਾਂਸਲਰ ਓਪਨ ਯੂਨੀਵਰਸਿਟੀ ਦੇ ਕਾਰਜਕਾਲ ’ਚ ਵਾਧਾ

by Jasbeer Singh
February 28, 2024

ਪਟਿਆਲਾ, 28 ਫਰਵਰੀ (ਜਸਬੀਰ)-ਪੰਜਾਬ ਸਰਕਾਰ ਦੀਆਂ ਸਿਫਾਰਿਸ਼ਾਂ ’ਤੇ ਰਾਜਪਾਲ ਬਨਵਾਰੀ ਲਾਲ ਪੁਰੋਹਿਤ ਨੇ ਜਗਤ ਗੁਰੂ ਨਾਨਕ ਪੰਜਾਬ ਸਟੇਟ ਓਪਨ ਯੂਨੀਵਰਸਿਟੀ ਪਟਿਆਲਾ ਦੇ ਵਾਈਸ-ਚਾਂਸਲਰ ਵਜੋਂ ਪ੍ਰੋ. ਕਰਮਜੀਤ ਸਿੰਘ ਦਾ ਕਾਰਜਕਾਲ ਹੋਰ ਛੇ ਮਹੀਨਿਆਂ ਲਈ ਵਧਾ ਦਿੱਤਾ ਹੈ। ਪ੍ਰੋ. ਕਰਮਜੀਤ ਸਿੰਘ, ਵਾਈਸ ਚਾਂਸਲਰ ਨੂੰ ਪੰਜਾਬ ਸਰਕਾਰ ਦੁਆਰਾ ਸਤੰਬਰ 2020 ਵਿਚ ਜਗਤ ਗੁਰੂ ਨਾਨਕ ਪੰਜਾਬ ਸਟੇਟ ਓਪਨ ਯੂਨੀਵਰਸਿਟੀ ਦੇ ਬਾਨੀ ਵਾਈਸ ਚਾਂਸਲਰ ਵਜੋਂ ਤਿੰਨ ਸਾਲਾਂ ਦੀ ਮਿਆਦ ਲਈ ਨਿਯੁਕਤ ਕੀਤਾ ਗਿਆ ਸੀ। ਉਨ੍ਹਾਂ ਨੂੰ ਸਤੰਬਰ 2023 ਵਿਚ ਛੇ ਮਹੀਨਿਆਂ ਲਈ ਐਕਸਟੈਂਸਨ ਮਿਲਿਆ ਸੀ। ਜਗਤ ਗੁਰੂ ਨਾਨਕ ਦੇਵ ਪੰਜਾਬ ਸਟੇਟ ਓਪਨ ਯੂਨੀਵਰਸਿਟੀ ਪਟਿਆਲਾਨੇ ਵਧੀਆ ਅਭਿਆਸਾਂ ਨਾਲ ਯੂਨੀਵਰਸਿਟੀ ਨੂੰ ਇਕ ਪ੍ਰਗਤੀਸ਼ੀਲ ਮਾਰਗ ’ਤੇ ਤੋਰਿਆ ਹੈ। ਪ੍ਰੋ. ਕਰਮਜੀਤ ਵਾਈਸ ਚਾਂਸਲਰ ਸਿੰਘ ਦੀ ਗਤੀਸ਼ੀਲ ਅਗਵਾਈ ਹੇਠ ਜਗਤ ਗੁਰੂ ਨਾਨਕ ਪੰਜਾਬ ਸਟੇਟ ਓਪਨ ਯੂਨੀਵਰਸਿਟੀ ਨੇ ਯੂਨੀਵਰਸਿਟੀ ਗ੍ਰਾਂਟਸ ਕਮਿਸ਼ਨ ਅਤੇ ਪੰਜਾਬ ਸਰਕਾਰ ਦੀਆਂ ਪਹਿਲਕਦਮੀਆਂ ਨੂੰ ਲਾਗੂ ਕੀਤਾ ਹੈ। ਇਨ੍ਹਾਂ ਵਿਚ ਕਰਮਚਾਰੀਆਂ, ਅਧਿਆਪਕਾਂ, ਦਿਵਿਆਂਗਜਨਾਂ ਅਤੇ ਜੇਲ੍ਹ ਦੇ ਕੈਦੀਆਂ (ਸਿੱਖਿਆਦਾਤ) ਲਈ ਵਿਸ਼ੇਸ਼ ਯੋਜਨਾਵਾਂ ਸ਼ਾਮਲ ਹਨ। ਪ੍ਰੋ. ਕਰਮਜੀਤ ਸਿੰਘ ਵਾਈਸ ਚਾਂਸਲਰ ਵਲੋਂ ਲਾਗੂ ਕੀਤੀਆਂ ਗਈਆਂ ਸਕੀਮਾਂ ਦਾ ਪੰਜਾਬ ਭਰ ਦੇ ਟੀਚਿੰਗ ਅਤੇ ਨਾਨ ਟੀਚਿੰਗ ਸਟਾਫ ਨੂੰ ਲਾਭ ਹੋਇਆ ਹੈ। ਪ੍ਰੋ. ਕਰਮਜੀਤ ਸਿੰਘ ਵਾਈਸ ਚਾਂਸਲਰ ਦੀ ਅਗਵਾਈ ਵਿਚ ਯੂਨੀਵਰਸਿਟੀ ਨੇ ਕਈ ਖੋਜ ਗ੍ਰਾਂਟਾਂ ਪ੍ਰਾਪਤ ਕੀਤੀਆਂ ਹਨ। ਕਰਵਾਈਆਂ ਗਈਆਂ ਖੋਜ ਗਤੀਵਿਧੀਆਂ ਵਿਚ ਨਵੀਂ ਦਿੱਲੀ ਦੁਆਰਾ ‘ਪੰਜਾਬ ਦੇ ਟਿਕਾਊ ਖੇਤੀ ਵਿਗਿਆਨ ਲਈ ਬਾਜਰੇ ਦੇ ਮੁੱਲ ਲੜੀ ਦਾ ਵਿਕਾਸ’ ’ਤੇ 6-ਮਹੀਨੇ ਦਾ ਛੋਟਾ ਪ੍ਰੋਜੈਕਟ, ਸਟੇਟ ਕਾਉਂਸਿਲ ਆਫ ਐਜੂਕੇਸਨਲ ਟ੍ਰੇਨਿੰਗ ਐਂਡ ਰਿਸਰਚ ਪੰਜਾਬ ਦੁਆਰਾ 6,38,000 ਰੁਪਏ ਦਾ ਮੁੱਖ ਪ੍ਰੋਜੈਕਟ ‘ਸਕੂਲ ਸਿੱਖਿਆ ਵਿਚ ਪਹੁੰਚ, ਬਰਾਬਰੀ ਅਤੇ ਗੁਣਵੱਤਾ ਵਿਚ ਸੁਧਾਰ ਕਰਨ ਵਿਚ ਸਮਾਰਟ ਸਕੂਲ ਦਾ ਪ੍ਰਭਾਵ’, ਸਟੇਟ ਕਾਉਂਸਿਲ ਆਫ ਐਜੂਕੇਸ਼ਨਲ ਟ੍ਰੇਨਿੰਗ ਐਂਡ ਰਿਸਰਚ, ਪੰਜਾਬ ਵਲੋਂ 6,29,640 ਰੁਪਏ ਦੀ ਲਾਗਤ ਵਾਲਾ ਮੁੱਖ ਪ੍ਰੋਜੈਕਟ ‘ਨਾਮਾਂਕਣ ਅਤੇ ਸਕੂਲ ਹਾਜ਼ਰੀ ਵਿਚ ਸੁਧਾਰ ਕਰਨ ਵਿਚ ਭਾਈਚਾਰਕ ਸ਼ਮੂਲੀਅਤ ਦਾ ਪ੍ਰਭਾਵ ਪੰਜਾਬ ਦਾ ਅਧਿਐਨ’ ਅਤੇ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਤੋਂ ਸੈਮੀਨਾਰ ਗ੍ਰਾਂਟ (60000 ਰੁਪਏ) ਸ਼ਾਮਲ ਹਨ।