ਭਾਰਤ ਤੋਂ ਮਿਲੀ ਹਾਰ ਤੋਂ ਬਾਅਦ ਇੰਗਲੈਂਡ ਦੇ ਕੋਚ ਦਾ ਵੱਡਾ ਬਿਆਨ, ਕਿਹਾ "ਅਸੀਂ ਤਾਂ ਇੰਝ ਹੀ ਖੇਡਾਂਗੇ..."

by Jasbeer Singh
February 21, 2024

India Vs England ਟੈਸਟ ਸੀਰੀਜ਼ ਵਿੱਚ ਭਾਰਤ ਨੇ ਪਹਿਲਾ ਮੈਚ ਹਾਰਨ ਤੋਂ ਬਾਅਦ ਲਗਾਤਾਰ ਦੋ ਟੈਸਟ ਜਿੱਤੇ ਹਨ। ਇਸ ਤੋਂ ਬਾਅਦ ਹੁਣ ਇੰਗਲੈਂਡ ਦੇ ਕੋਚ ਦਾ ਵੱਡਾ ਬਿਆਨ ਸਾਹਮਣੇ ਆਇਆ ਹੈ। ਇੰਗਲੈਂਡ ਦੀ ਕ੍ਰਿਕਟ ਟੀਮ ਭਾਰਤ ਖ਼ਿਲਾਫ਼ ਸੀਰੀਜ਼ ਵਿੱਚ ਲਗਾਤਾਰ ਦੋ ਮੈਚ ਹਾਰਨ ਤੋਂ ਬਾਅਦ ਵੀ ਬਾਜਬਾਲ ਨੂੰ ਸਹੀ ਠਹਿਰਾ ਰਹੀ ਹੈ। ਇੰਗਲੈਂਡ ਦੇ ਕੋਚ ਬ੍ਰੈਂਡਨ ਮੈਕੁਲਮ ਨੇ ਕਿਹਾ ਕਿ ਭਾਰਤ ਖਿਲਾਫ ਤੀਜੇ ਟੈਸਟ ‘ਚ ਮਿਲੀ ਕਰਾਰੀ ਹਾਰ ਯਕੀਨੀ ਤੌਰ ‘ਤੇ ਦੁਖਦਾਈ ਹੈ। ਉਹ ਪੰਜ ਮੈਚਾਂ ਦੀ ਲੜੀ ਦੇ ਬਾਕੀ ਬਚੇ ਮੈਚਾਂ ਵਿੱਚ ਹਮਲਾਵਰ ਬੱਲੇਬਾਜ਼ੀ ਕਰਨ ਦੀ ਆਪਣੀ ‘ਬਾਜਬਾਲ’ ਅਪਰੋਚ ‘ਤੇ ਕਾਇਮ ਰਹੇਗਾ। ਹੈਦਰਾਬਾਦ ਟੈਸਟ (Hyderabad Test) ਜਿੱਤਣ ਤੋਂ ਬਾਅਦ ਲਗਾਤਾਰ ਦੋ ਮੈਚ ਹਾਰ ਚੁੱਕੀ ਇੰਗਲਿਸ਼ ਟੀਮ ਆਪਣਾ ਰਵੱਈਆ ਨਹੀਂ ਬਦਲੇਗੀ।ਇੰਗਲੈਂਡ ਦਾ ਬਾਜਬਾਲ ਰਵੱਈਆ ਉਸ ਸਮੇਂ ਉਲਟ ਗਿਆ ਜਦੋਂ ਭਾਰਤ ਨੇ ਤੀਜੇ ਟੈਸਟ ਕ੍ਰਿਕਟ ਮੈਚ ਵਿੱਚ ਉਨ੍ਹਾਂ ਨੂੰ 434 ਦੌੜਾਂ ਨਾਲ ਹਰਾਇਆ। 1934 ਤੋਂ ਬਾਅਦ ਦੌੜਾਂ ਦੇ ਲਿਹਾਜ਼ ਨਾਲ ਇੰਗਲੈਂਡ ਦੀ ਇਹ ਸਭ ਤੋਂ ਵੱਡੀ ਹਾਰ ਹੈ। ਇੰਗਲੈਂਡ ਦੇ ਕੋਚ ਨੇ ਬੀਬੀਸੀ ਸਪੋਰਟਸ (BBC Sports) ਨੂੰ ਕਿਹਾ ਕਿ ਮੈਕੁਲਮ ਨੇ ਕਿਹਾ ਕਿ ਉਸ ਨੂੰ ਹਮਲਾਵਰ ਬੱਲੇਬਾਜ਼ੀ ਦੀ ਰਣਨੀਤੀ ‘ਤੇ ਅੜੇ ਰਹਿਣ ਦਾ ਕੋਈ ਪਛਤਾਵਾ ਨਹੀਂ ਹੈ। ਲੋਕ ਆਪਣੀ ਰਾਏ ਜ਼ਾਹਰ ਕਰਨ ਲਈ ਆਜ਼ਾਦ ਹਨ ਪਰ ਅਸੀਂ ਆਪਣੀ ਰਣਨੀਤੀ ‘ਤੇ ਕਾਇਮ ਰਹਾਂਗੇ। ਕੁਝ ਮੌਕਿਆਂ ‘ਤੇ ਸਾਨੂੰ ਅਸਫਲਤਾਵਾਂ ਦਾ ਸਾਹਮਣਾ ਵੀ ਕਰਨਾ ਪਵੇਗਾ। ਇੰਗਲੈਂਡ ਦੇ ਸਾਬਕਾ ਕਪਤਾਨ ਨੇ ਮੈਕੁਲਮ ਦੀ ਰਣਨੀਤੀ ‘ਤੇ ਸਵਾਲ ਖੜ੍ਹੇ ਕੀਤੇ ਹਨ। ਵਾਨ ਨੇ ‘Telegraph.co.uk’ ‘ਤੇ ਆਪਣੇ ਕਾਲਮ ‘ਚ ਲਿਖਿਆ, ‘ਬੇਨ ਸਟੋਕਸ ਅਤੇ ਬ੍ਰੈਂਡਨ ਮੈਕੁਲਮ ਦੀ ਅਗਵਾਈ ‘ਚ ਇਹ ਸਭ ਤੋਂ ਬੁਰੀ ਹਾਰ ਸੀ। ਇਸ ਨਾਲ ਉਸ ਦੀ ਰਣਨੀਤੀ ਦਾ ਪਰਦਾਫਾਸ਼ ਹੋ ਗਿਆ ਹੈ। ਤੁਹਾਨੂੰ ਇਸ ਲਈ ਖਾਸ ਮੌਕਿਆਂ ਦੀ ਚੋਣ ਕਰਨੀ ਹੋਵੇਗੀ, ਉਹ ਹਰ ਮੌਕੇ ‘ਤੇ ਹਮਲਾਵਰ ਨਹੀਂ ਹੋ ਸਕਦੇ। ਹੁਸੈਨ ਵੀ ਵਾਨ ਨਾਲ ਸਹਿਮਤ ਜਾਪਦੇ ਨਜ਼ਰ ਆ ਰਹੇ ਸੀ। ਹੁਸੈਨ ਨੇ ਸਕਾਈ ਸਪੋਰਟਸ ਨੂੰ ਦੱਸਿਆ, “ਬਾਜਬਾਲ ਹਮਲਾਵਰ ਹੋਣ ਬਾਰੇ ਹੈ ਪਰ ਇਹ ਦਬਾਅ ਨੂੰ ਸੰਭਾਲਣ ਬਾਰੇ ਵੀ ਹੈ।”