ਜੇ ਇੰਝ ਹੀ ਖੇਡਦੇ ਰਹੇ ਤਾਂ Sir Don Bradman ਦਾ ਰਿਕਾਰਡ ਤੋੜ ਸਕਦੇ ਹਨ ਯਸ਼ਸਵੀ ਜੈਸਵਾਲ

ਭਾਰਤੀ ਟੀਮ ਦੇ ਨੌਜਵਾਨ ਸਲਾਮੀ ਬੱਲੇਬਾਜ਼ ਯਸ਼ਸਵੀ ਜੈਸਵਾਲ (Yashasvi Jaiswal) ਨੇ ਆਪਣੀ ਧਮਾਕੇਦਾਰ ਖੇਡ ਨਾਲ ਸਭ ਨੂੰ ਪ੍ਰਭਾਵਿਤ ਕੀਤਾ ਹੈ। ਇਸ 22 ਸਾਲਾ ਬੱਲੇਬਾਜ਼ ਨੇ ਇੰਗਲੈਂਡ ਖਿਲਾਫ ਟੈਸਟ ਮੈਚਾਂ ‘ਚ ਲਗਾਤਾਰ ਦੋ ਮੈਚਾਂ ‘ਚ ਦੋਹਰੇ ਸੈਂਕੜੇ ਲਗਾ ਕੇ ਸਨਸਨੀ ਮਚਾ ਦਿੱਤੀ ਸੀ। ਰਾਜਕੋਟ ਟੈਸਟ ਦੀ ਦੂਜੀ ਪਾਰੀ ‘ਚ ਦੋਹਰਾ ਸੈਂਕੜਾ ਲਗਾ ਕੇ ਉਸ ਨੇ ਕੁਝ ਅਜਿਹਾ ਕਮਾਲ ਕਰ ਦਿੱਤਾ ਜੋ ਇਸ ਤੋਂ ਪਹਿਲਾਂ ਕੋਈ ਵੀ ਭਾਰਤੀ ਨਹੀਂ ਕਰ ਸਕਿਆ ਸੀ। ਯਸ਼ਸਵੀ ਇੰਗਲੈਂਡ ਖਿਲਾਫ ਲਗਾਤਾਰ ਦੋ ਟੈਸਟ ਮੈਚਾਂ ‘ਚ ਦੋਹਰੇ ਸੈਂਕੜੇ ਲਗਾਉਣ ਵਾਲੇ ਪਹਿਲੇ ਭਾਰਤੀ ਹਨ। ਹੁਣ ਜੇਕਰ ਉਹ ਇਸ ਫਾਰਮ ਨੂੰ ਜਾਰੀ ਰੱਖਦਾ ਹੈ ਤਾਂ ਉਹ ਆਸਟ੍ਰੇਲੀਆ ਦੇ ਮਹਾਨ ਡੌਨ ਬ੍ਰੈਡਮੈਨ (Don bradman) ਦੇ ਬਰਾਬਰ ਆ ਜਾਵੇਗਾ।ਆਪਣੇ ਪਹਿਲੇ ਟੈਸਟ ‘ਚ ਦੋਹਰੇ ਸੈਂਕੜੇ ਦੇ ਨੇੜੇ ਪਹੁੰਚ ਚੁੱਕੇ ਯਸ਼ਸਵੀ ਜੈਸਵਾਲ (Yashasvi Jaiswal) ਨੇ ਇੰਗਲੈਂਡ ਦੇ ਖਿਲਾਫ ਹਾਲੀਆ ਟੈਸਟ ਸੀਰੀਜ਼ ਦੇ ਲਗਾਤਾਰ ਦੋ ਮੈਚਾਂ ‘ਚ ਸ਼ਾਨਦਾਰ ਪਾਰੀਆਂ ਖੇਡੀਆਂ ਹਨ। ਭਾਰਤ ਨੇ ਰਾਜਕੋਟ ਟੈਸਟ ‘ਚ 434 ਦੌੜਾਂ ਦੀ ਵੱਡੀ ਜਿੱਤ ਦਰਜ ਕਰਕੇ ਇੰਗਲੈਂਡ ਖਿਲਾਫ ਸੀਰੀਜ਼ ‘ਚ ਬੜ੍ਹਤ ਬਣਾ ਲਈ ਹੈ। ਇਸ ਜਿੱਤ ਵਿੱਚ ਯਸ਼ਸਵੀ ਜੈਸਵਾਲ (Yashasvi Jaiswal) ਦਾ ਦੂਜੀ ਪਾਰੀ ਵਿੱਚ ਦੋਹਰਾ ਸੈਂਕੜਾ ਅਹਿਮ ਰਿਹਾ। ਭਾਰਤ ਨੇ ਇੰਗਲੈਂਡ ਨੂੰ 557 ਦੌੜਾਂ ਦਾ ਵੱਡਾ ਟੀਚਾ ਦਿੱਤਾ ਸੀ, ਜਿਸ ਦੇ ਜਵਾਬ ‘ਚ ਪੂਰੀ ਟੀਮ ਸਿਰਫ 122 ਦੌੜਾਂ ‘ਤੇ ਹੀ ਢੇਰ ਹੋ ਗਈ।ਯਸ਼ਸਵੀ ਬ੍ਰੈਡਮੈਨ ਦਾ ਰਿਕਾਰਡ ਤੋੜ ਸਕਦੇ ਹਨ ਯਸ਼ਸਵੀ ਜੈਸਵਾਲ (Yashasvi Jaiswal) ਭਾਰਤੀ ਟੀਮ ਦੇ ਇਸ ਨੌਜਵਾਨ ਸਲਾਮੀ ਬੱਲੇਬਾਜ਼ ਦੀ ਉਮਰ 22 ਸਾਲ ਹੈ ਅਤੇ ਉਹ ਇਸ ਸਮੇਂ ਆਪਣੀ ਦਮਦਾਰ ਖੇਡ ਨਾਲ ਇੰਗਲੈਂਡ ਦੇ ਗੇਂਦਬਾਜ਼ਾਂ ‘ਚ ਨਾਮਣਾ ਖੱਟ ਰਿਹਾ ਹੈ। ਆਸਟ੍ਰੇਲੀਆ ਦੇ ਮਹਾਨ ਸਰ ਡੌਨ ਬ੍ਰੈਡਮੈਨ (Don bradman) ਨੇ ਇਸ ਉਮਰ ਵਿੱਚ ਖੇਡਦੇ ਹੋਏ ਇੱਕ ਅਜਿਹਾ ਰਿਕਾਰਡ ਬਣਾਇਆ ਸੀ ਜਿਸ ਨੂੰ ਅੱਜ ਤੱਕ ਕੋਈ ਛੂਹ ਨਹੀਂ ਸਕਿਆ ਹੈ। ਯਸ਼ਸਵੀ ਜੈਸਵਾਲ (Yashasvi Jaiswal) ਨੇ ਪਿਛਲੇ ਲਗਾਤਾਰ ਦੋ ਮੈਚਾਂ ਵਿੱਚ ਦੋਹਰੇ ਸੈਂਕੜੇ ਲਗਾਏ ਹਨ। ਸੀਰੀਜ਼ ‘ਚ ਅਜੇ ਦੋ ਮੈਚ ਖੇਡੇ ਜਾਣੇ ਬਾਕੀ ਹਨ ਅਤੇ ਜੇਕਰ ਯਸ਼ਸਵੀ ਇੱਥੇ ਆਪਣੀ ਫਾਰਮ ਨੂੰ ਜਾਰੀ ਰੱਖਦਾ ਹੈ ਤਾਂ ਉਹ 22 ਸਾਲ ਦੀ ਉਮਰ ‘ਚ ਚਾਰ ਦੋਹਰੇ ਸੈਂਕੜੇ ਲਗਾਉਣ ਦੇ ਬ੍ਰੈਡਮੈਨ ਦੇ ਰਿਕਾਰਡ ਦੀ ਬਰਾਬਰੀ ਕਰ ਸਕਦਾ ਹੈ।ਯਸ਼ਸਵੀ ਦੇ ਕੋਲ 8 ਟੈਸਟ ਮੈਚ ਹਨ ਜੇਕਰ ਯਸ਼ਸਵੀ ਜੈਸਵਾਲ (Yashasvi Jaiswal) ਇੰਗਲੈਂਡ ਦੇ ਖਿਲਾਫ ਦੋਹਰਾ ਸੈਂਕੜਾ ਲਗਾਉਣ ‘ਚ ਅਸਫਲ ਰਹਿੰਦੇ ਹਨ ਤਾਂ ਉਨ੍ਹਾਂ ਦੇ ਹੱਥ ‘ਚ ਅਗਲੀਆਂ ਦੋ ਸੀਰੀਜ਼ ਹੋਣਗੀਆਂ। ਇਹ ਬੱਲੇਬਾਜ਼ ਦਸੰਬਰ ‘ਚ 23 ਸਾਲ ਦਾ ਹੋਣ ਜਾ ਰਿਹਾ ਹੈ ਅਤੇ ਇਸ ਤੋਂ ਪਹਿਲਾਂ ਉਸ ਕੋਲ ਬੰਗਲਾਦੇਸ਼ ਅਤੇ ਨਿਊਜ਼ੀਲੈਂਡ ਖਿਲਾਫ ਟੈਸਟ ਸੀਰੀਜ਼ ਖੇਡਣ ਦਾ ਮੌਕਾ ਹੋਵੇਗਾ। ਭਾਰਤ ਨੂੰ ਸਤੰਬਰ-ਅਕਤੂਬਰ ‘ਚ ਬੰਗਲਾਦੇਸ਼ ਨਾਲ 2 ਟੈਸਟ ਅਤੇ ਅਕਤੂਬਰ-ਨਵੰਬਰ ‘ਚ ਨਿਊਜ਼ੀਲੈਂਡ ਨਾਲ 3 ਟੈਸਟ ਮੈਚ ਖੇਡਣੇ ਹਨ। ਚੰਗੀ ਗੱਲ ਇਹ ਹੈ ਕਿ ਦੋਵੇਂ ਸੀਰੀਜ਼ ਭਾਰਤ ‘ਚ ਹੀ ਖੇਡੀਆਂ ਜਾਣਗੀਆਂ। ਅਜਿਹੇ ‘ਚ ਯਸ਼ਸਵੀ ਕੋਲ ਬ੍ਰੈਡਮੈਨ ਦੇ 22 ਸਾਲਾਂ ‘ਚ ਚਾਰ ਦੋਹਰੇ ਸੈਂਕੜੇ ਦੇ ਰਿਕਾਰਡ ਨੂੰ ਤੋੜਨ ਦਾ ਮੌਕਾ ਹੋਵੇਗਾ।