ਦੋ ਸਕੇ ਭਰਾਵਾਂ ਨੇ ਘਰ ਵਿਚ ਹੀ ਬਣਾ ਲਈ ਉੱਡਣ ਵਾਲੀ ਕਾਰ, ਉਡਾਣ ਭਰਨ ਤੋਂ ਪਹਿਲਾਂ ਹੀ ਪਹੁੰਚ ਗਈ ਪੁਲਿਸ

by Jasbeer Singh
March 18, 2024

ਪੈਸਾ ਕਮਾਉਣ ਲਈ ਲੋਕ ਕੀ ਕੁਝ ਨਹੀਂ ਕਰਦੇ। ਉੱਤਰ ਪ੍ਰਦੇਸ਼ ਦੇ ਅੰਬੇਡਕਰਨਗਰ ਵਿਚ ਵੀ ਅਜਿਹਾ ਹੀ ਇੱਕ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਜਲਦੀ ਅਮੀਰ ਬਣਨ ਲਈ ਦੋ ਭਰਾਵਾਂ ਨੇ ਆਪਣੀ ਕਾਰ ਨੂੰ ਮੋਡੀਫਾਈ ਕਰਕੇ ਹੈਲੀਕਾਪਟਰ ਵਿੱਚ ਬਦਲ ਦਿੱਤਾ। ਜ਼ਿਕਰਯੋਗ ਹੈ ਕਿ ਸਕੇ ਭਰਾਵਾਂ ਨੇ ਵੈਗਨੀਅਰ ਕਾਰ ਨੂੰ ਹੈਲੀਕਾਪਟਰ ‘ਚ ਬਦਲ ਦਿੱਤਾ ਸੀ। ਦਰਅਸਲ, ਦੋਵਾਂ ਭਰਾਵਾਂ ਦਾ ਸੁਪਨਾ ਸੀ ਕਿ ਜੇਕਰ ਅਸੀਂ ਕਾਰ ਨੂੰ ਮੋਡੀਫਾਈ ਕਰਕੇ ਹੈਲੀਕਾਪਟਰ ਬਣਾ ਦੇਈਏ ਤਾਂ ਇਸ ਜੁਗਾੜੂ ਹੈਲੀਕਾਪਟਰ ਨੂੰ ਲਾੜੇ-ਲਾੜੀ ਲਈ ਵਿਆਹ ਦੀ ਬੁਕਿੰਗ ‘ਤੇ ਚਲਾ ਸਕਦੇ ਹਾਂ ਅਤੇ ਇਸ ਤੋਂ ਅਸੀਂ ਚੰਗੀ ਕਮਾਈ ਵੀ ਕਰ ਸਕਦੇ ਹਾਂ। ਇਸੇ ਸੋਚ ਤਹਿਤ ਦੋਵਾਂ ਭਰਾਵਾਂ ਨੇ ਮਿਲ ਕੇ ਕੰਮ ਕੀਤਾ।ਦੋਵਾਂ ਭਰਾਵਾਂ ਨੇ ਕਾਰ ਦੇ ਉੱਪਰ ਸਹੀ ਢੰਗ ਨਾਲ ਪੱਖਾ ਲਗਾਇਆ, ਪਿਛਲੇ ਪਾਸੇ ਲੋਹੇ ਦੀਆਂ ਚਾਦਰਾਂ ਨੂੰ ਗੋਲ ਕੀਤਾ ਅਤੇ ਇਸ ਨੂੰ ਉਹੀ ਆਕਾਰ ਦਿੱਤਾ ਜੋ ਹੈਲੀਕਾਪਟਰ ਦੇ ਪਿਛਲੇ ਪਾਸੇ ਟੇਲ ਵਜੋਂ ਹੈ। ਇਸ ਨੂੰ ਪੂਰਾ ਕਰਨ ਤੋਂ ਬਾਅਦ ਜਦੋਂ ਦੋਵੇਂ ਭਰਾ ਇਸ ਨੂੰ ਅੰਤਿਮ ਛੋਹ ਦੇਣ ਲਈ ਭੀਟੀ ਤੋਂ ਅੰਬੇਡਕਰ ਨਗਰ ਜ਼ਿਲ੍ਹਾ ਹੈੱਡਕੁਆਰਟਰ ਲੈ ਕੇ ਗਏ ਤਾਂ ਲੋਕ ਇਹ ਦੇਖ ਕੇ ਹੈਰਾਨ ਰਹਿ ਗਏ ਕਿ ਹੈਲੀਕਾਪਟਰ ਉੱਡਣ ਦੀ ਬਜਾਏ ਸੜਕ ‘ਤੇ ਘੁੰਮ ਰਿਹਾ ਸੀ। ਉਹ ਜਿਥੋਂ ਵੀ ਲੰਘ ਰਿਹਾ ਸੀ, ਲੋਕ ਉਸ ਨੂੰ ਦੇਖ ਕੇ ਹੈਰਾਨ ਰਹਿ ਗਏ।ਜਿਵੇਂ ਹੀ ਉਹ ਬੱਸ ਅੱਡੇ ਨੇੜੇ ਪਹੁੰਚਿਆ ਤਾਂ ਪੁਲਿਸ ਨੇ ਉਸ ਨੂੰ ਕਾਬੂ ਕਰ ਲਿਆ। ਵਧੀਕ ਪੁਲਿਸ ਕਪਤਾਨ ਨੇ ਦੱਸਿਆ ਕਿ ਟਰਾਂਸਪੋਰਟ ਵਿਭਾਗ ਦੇ ਨਿਯਮਾਂ ਤਹਿਤ ਬਿਨਾਂ ਪਰਮਿਟ ਤੋਂ ਕੋਈ ਵੀ ਵਾਹਨ ਮੋਡੀਫਾਈ ਨਹੀਂ ਕੀਤਾ ਜਾ ਸਕਦਾ, ਜਦੋਂ ਅੱਜ ਇਸ ਵਾਹਨ ਦਾ ਪਤਾ ਲੱਗਾ ਤਾਂ ਇਸ ਨੂੰ ਜ਼ਬਤ ਕਰਕੇ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।