Golden Hour ਸਕੀਮ ਕੀ ਹੈ? ਜ਼ਖਮੀਆਂ ਨੂੰ ਮਿਲੇਗਾ ਮੁਫਤ ਕੈਸ਼ਲੈੱਸ ਇਲਾਜ, ਸਰਕਾਰ ਕਰ ਸਕਦੀ ਹੈ ਐਲਾਨ

by Jasbeer Singh
March 13, 2024

ਦੇਸ਼ ਵਿੱਚ ਸੜਕ ਹਾਦਸਿਆਂ ਵਿੱਚ ਹੋਣ ਵਾਲੀ ਮੌਤ ਦੇ ਆਂਕੜੇ ਵਿੱਚ ਪ‍ਿਛਲੇ ਕੁਝ ਦ‍ਿਨਾਂ ਵਿੱਚ ਗ‍ਿਰਾਵਟ ਆਈ ਹੈ। ਪਰ ਅਜੇ ਵੀ ਬਹੁਤ ਵੱਡੀ ਸੰਖਿਆਂ ਵਿੱਚ ਲੋਕਾਂ ਦੀ ਸੜਕ ਹਾਦਸੇ ਵਿੱਚ ਮੌਤ ਇਸ ਲਈ ਹੋ ਜਾਂਦੀ ਹੈ ਕਿਉਂਕਿ ਉਨ੍ਹਾਂ ਨੂੰ ਸਮੇਂ ਤੇ ਟ੍ਰੀਟਮੈਂਟ ਨਹੀਂ ਮਿਲ ਪਾਉਂਦਾ। ਹੁਣ ਸੜਕ ਆਵਾਜਾਈ ਮੰਤਰਾਲਾ ਰੋਡ ਐਕਸੀਡੈਂਟ ਵਿੱਚ ਜ਼ਖਮੀ ਲੋਕਾਂ ਨੂੰ ਜਲਦੀ ਇਲਾਜ ਦਿਵਾਉਣ ਲਈ ਨਵੀਂ ਯੋਜਨਾ ਲਿਆਉਣ ਦੀ ਪਲਾਨਨਿੰਗ ਕਰ ਰਿਹਾ ਹੈ। ਇਸ ਸਕੀਮ ਨੂੰ ‘ਗੋਲਡਨ ਔਵਰ’ ਨਾਮ ਦਿੱਤਾ ਗਿਆ ਹੈ। ਇਸ ਯੋਜਨਾ ਦੇ ਤਹਿਤ, ਦੁਰਘਟਨਾ ਤੋਂ ਬਾਅਦ ਪਹਿਲੇ ਇੱਕ ਘੰਟੇ ਦੇ ਅੰਦਰ, ਜ਼ਖਮੀਆਂ ਨੂੰ 1.5 ਲੱਖ ਰੁਪਏ ਤੱਕ ਜਾਂ 7 ਦਿਨਾਂ ਤੱਕ ਮੁਫਤ ਹਸਪਤਾਲ ਇਲਾਜ (ਬਿਨਾਂ ਕਿਸੇ ਪੈਸੇ ਦੇ) ਮਿਲੇਗਾ। ਹਾਲਾਂਕਿ, ਇਹਨਾਂ ਦੋਨਾਂ ਵਿੱਚੋਂ ਜਿਸਦਾ ਵੀ ਖ਼ਰਚਾ ਘੱਟ ਹੋਵੇਗਾ, ਇਹ ਵੈਧ ਹੋਵੇਗਾ। ਇਹ ਸਕੀਮ ਸੋਧੇ ਹੋਏ ਮੋਟਰ ਵਾਹਨ ਐਕਟ 2019 ਦਾ ਹਿੱਸਾ ਹੋਵੇਗੀ ਅਤੇ ਦੇਸ਼ ਭਰ ਵਿੱਚ ਲਾਗੂ ਕੀਤੀ ਜਾਵੇਗੀ। ‘ਗੋਲਡਨ ਆਵਰ’ ਦਾ ਸ਼ਾਬਦਿਕ ਅਰਥ ਹੈ ਸੜਕ ਦੁਰਘਟਨਾ ਵਿੱਚ ਜ਼ਖਮੀ ਹੋਏ ਵਿਅਕਤੀ ਦਾ ਇਲਾਜ ਮਿਲਣ ਦੇ ਲਈ ਸ਼ੁਰੂਆਤੀ 60 ਮਿੰਟ ਨਾਲ ਹੈ। 100 ਕਰੋੜ ਰੁਪਏ ਦਾ ਫੰਡ ਬਣਾਇਆ ਜਾਵੇਗਾ ਈਟੀ ਨਾਓ ਦੇ ਅਨੁਸਾਰ, ਯੋਜਨਾ ਲਈ ਜਨਰਲ ਇੰਸੋਰੈਂਸ ਕੰਪਨੀਆਂ ਥਰਡ ਪਾਰਟੀ ਪ੍ਰੀਮੀਅਮ ਦਾ 0.5 ਪ੍ਰਤੀਸ਼ਤ ਰਾਸ਼ੀ ਜਮ੍ਹਾ ਕਰਨਗੀਆਂ। ਇਸ ਨਾਲ ਕਰੀਬ 100 ਕਰੋੜ ਰੁਪਏ ਦਾ ਫੰਡ ਬਣ ਜਾ ਸਕੇਗਾ। ਕੇਂਦਰ ਦੀ ‘ਗੋਲਡਨ ਆਵਰ’ ਯੋਜਨਾ ਨੂੰ ਸਹੀ ਢੰਗ ਨਾਲ ਚਲਾਇਆ ਜਾ ਸਕੇ। ਇਸ ਦੇ ਲਈ ਇਸ ਨੂੰ ਪਹਿਲਾਂ ਹਰਿਆਣਾ ਅਤੇ ਚੰਡੀਗੜ੍ਹ ਵਿੱਚ ਪਾਇਲਟ ਪ੍ਰਾਜੈਕਟ ਦੇ ਤੌਰ ‘ਤੇ ਲਾਗੂ ਕੀਤਾ ਜਾਵੇਗਾ। ਇਸ ਯੋਜਨਾ ਨੂੰ ਸ਼ੁਰੂ ਕਰਨ ਦਾ ਸਰਕਾਰ ਦਾ ਉਦੇਸ਼ ‘ਗੋਲਡਨ ਆਵਰ’ ਦੌਰਾਨ ਇਲਾਜ ਕਰਵਾ ਕੇ ਸੜਕ ਹਾਦਸਿਆਂ ਵਿੱਚ ਹੋਣ ਵਾਲੀਆਂ ਮੌਤਾਂ ਦੀ ਗਿਣਤੀ ਨੂੰ 50% ਤੱਕ ਘਟਾਉਣਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਾਲ 2022 ਵਿੱਚ ਦੇਸ਼ ਵਿੱਚ ਸੜਕ ਹਾਦਸਿਆਂ ਵਿੱਚ ਰਿਕਾਰਡ 1.68 ਲੱਖ ਲੋਕਾਂ ਦੀ ਮੌਤ ਹੋਈ ਸੀ। ਹਾਈਵੇਅ ‘ਤੇ ਚੱਲਣ ਵਾਲੇ ਲੋਕਾਂ ਦੀ ਸੁਰੱਖਿਆ ਨੂੰ ਧਿਆਨ ‘ਚ ਰੱਖਦੇ ਹੋਏ ਦੇਸ਼ ‘ਚ ਵਾਹਨਾਂ ਦੀਆਂ ਸੁਰੱਖਿਆ ਵਿਸ਼ੇਸ਼ਤਾਵਾਂ ਨੂੰ ਵਧਾਉਣ ਲਈ ਪਹਿਲਾਂ ਹੀ ਕਈ ਅਹਿਮ ਕਦਮ ਚੁੱਕੇ ਗਏ ਹਨ। ਇਸ ਤਹਿਤ ਗੱਡੀਆਂ ਵਿੱਚ ਵਾਹਨ ਨਿਰਮਾਤਾ ਕੰਪਨੀਆਂ ਲਈ ਬ੍ਰੇਕ ਲਗਾਉਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਵਾਹਨ ਦੀ ਸਪੀਡ ਬਹੁਤ ਜ਼ਿਆਦਾ ਹੋਣ ‘ਤੇ ਡਰਾਈਵਰ ਨੂੰ ਸੁਚੇਤ ਕਰਨ ਵਾਲਾ ਸਿਸਟਮ, ਸੀਟ ਬੈਲਟ ਯਾਦ ਦਿਵਾਉਣ ਵਾਲਾ ਸਿਸਟਮ ਅਤੇ ਭਾਰਤ ਕਰੈਸ਼ ਸੇਫਟੀ ਰੇਟਿੰਗ ਟੈਸਟ ਵੀ ਲਾਗੂ ਕਰ ਦਿੱਤਾ ਗਿਆ ਹੈ। ਇਹ ਸਹੂਲਤ ਨੂੰ ਸਰਕਾਰ ਦੀ ਮਨਜ਼ੂਰੀ ਤੋਂ ਬਾਅਦ ਆਯੁਸ਼ਮਾਨ ਭਾਰਤ ਹਸਪਤਾਲਾਂ ਰਾਹੀਂ ਸ਼ੁਰੂ ਕੀਤਾ ਜਾ ਸਕਦਾ ਹੈ।