ਅਨਿਲ ਕਪੂਰ ਨੇ ਕਿਰਨ ਖੇਰ ਦੇ ਲਾਏ ਪੈਰੀ ਹੱਥ, ਅਭਿਨਵ ਬਿੰਦਰਾ ਦੀ ਲੰਚ ਪਾਰਟੀ ਦੀਆਂ ਤਸਵੀਰਾਂ ਹੋਈਆਂ ਵਾਇਰਲ

by Jasbeer Singh
February 20, 2024

ਨਵੀਂ ਦਿੱਲੀ- ਅਨਿਲ ਕਪੂਰ ਦੀ ਬਾਲੀਵੁੱਡ ਅਦਾਕਾਰ ਅਨੁਪਮ ਖੇਰ ਅਤੇ ਉਨ੍ਹਾਂ ਦੀ ਪਤਨੀ ਕਿਰਨ ਨਾਲ ਬਹੁਤ ਚੰਗੀ ਬਾਂਡਿੰਗ ਹੈ। ਹਾਲ ਹੀ ਵਿੱਚ ਉਹ ਅਭਿਨਵ ਬਿੰਦਰਾ ਦੁਆਰਾ ਆਯੋਜਿਤ ਦੁਪਹਿਰ ਦੇ ਖਾਣੇ ਵਿੱਚ ਅਨੁਪਮ ਖੇਰ, ਕਿਰਨ ਖੇਰ, ਕੰਵਲ, ਜਤਿੰਦਰ ਪੰਨੂ ਨੂੰ ਮਿਲੇ ਸਨ। ਇਸ ਦੌਰਾਨ ਅਨਿਲ ਨੇ ਕਿਰਨ ਦੇ ਪੈਰ ਛੂਹ ਕੇ ਆਸ਼ੀਰਵਾਦ ਲਿਆ। ਇਹ ਤਸਵੀਰ ਆਉਂਦੇ ਹੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਨ੍ਹੀਂ ਦਿਨੀਂ ਅਨੀਸ ਕਪੂਰ ਹਰਸ਼ਵਰਧਨ ਸਟਾਰਰ ਅਭਿਨਵ ਬਿੰਦਰਾ ਦੇ ਸਫਰ ‘ਤੇ ਬਾਇਓਪਿਕ ਬਣਾ ਰਹੇ ਹਨ। ਇਹ ਫਿਲਮ ਇਸੇ ਸਾਲ ਰਿਲੀਜ਼ ਹੋਣ ਜਾ ਰਹੀ ਹੈ।ਕਿਰਨ ਖੇਰ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਵਾਇਰਲ ਹੋ ਰਹੀ ਤਸਵੀਰ ਸ਼ੇਅਰ ਕੀਤੀ ਹੈ। ਇਸ ਫੋਟੋ ਨੂੰ ਉਨ੍ਹਾਂ ਨੇ ਸ਼ਾਨਦਾਰ ਕੈਪਸ਼ਨ ਦੇ ਨਾਲ ਆਪਣੇ ਪ੍ਰਸ਼ੰਸਕਾਂ ਨਾਲ ਸ਼ੇਅਰ ਕੀਤਾ ਹੈ। ਉਨ੍ਹਾਂ ਨੇ ਲਿਖਿਆ- ਅਨਿਲ ਕਪੂਰ ਅਤੇ ਮੇਰੀ ਭੈਣ ਕੰਵਲ ਅਤੇ ਜੀਜਾ ਜਤਿੰਦਰ ਪੰਨੂ ਅਭਿਨਵ ਬਿੰਦਰਾ ਦੀ ਲੰਚ ਪਾਰਟੀ ਵਿੱਚ ਸ਼ਾਮਲ ਹੋਏ। ਸੁੰਦਰ ਘਰ, ਸ਼ਾਨਦਾਰ ਮੇਜ਼ਬਾਨ ਅਤੇ ਪੁਰਾਣੇ ਦੋਸਤ। ਸਾਡੇ ਨਾਲ ਇਸ ਪਲ ਨੂੰ ਸਾਂਝਾ ਕਰਨ ਲਈ ਧੰਨਵਾਦ। ਤਸਵੀਰ ‘ਚ ਅਨਿਲ ਕਪੂਰ ਇਸ ਮੌਕੇ ‘ਤੇ ਕਿਰਨ ਦੇ ਪੈਰ ਛੂਹ ਕੇ ਉਨ੍ਹਾਂ ਦਾ ਆਸ਼ੀਰਵਾਦ ਲੈਂਦੇ ਨਜ਼ਰ ਆ ਰਹੇ ਹਨ। ਦਿਲਚਸਪ ਗੱਲ ਇਹ ਹੈ ਕਿ ਅਨਿਲ ਕਪੂਰ ਅਭਿਨਵ ਬਿੰਦਰਾ ਦੇ ਸਫਰ ‘ਤੇ ਬਾਇਓਪਿਕ ਬਣਾ ਰਹੇ ਹਨ। ਇਸ ਵਿੱਚ ਉਨ੍ਹਾਂ ਦੇ ਬੇਟੇ ਹਰਸ਼ਵਰਧਨ ਮੁੱਖ ਭੂਮਿਕਾ ਵਿੱਚ ਹਨ। ਇਸ ਬਾਰੇ ਹਾਲ ਹੀ ‘ਚ ਅਦਾਕਾਰ ਨੇ ਖੁਦ ਦੱਸਿਆ ਸੀ। ਉਨ੍ਹਾਂ ਨੇ ਪੋਸਟ ‘ਚ ਲਿਖਿਆ ਸੀ ਕਿ ਉਸ ਫਿਲਮ ‘ਚ ਅਦਾਕਾਰੀ ਦੇ ਨਾਲ-ਨਾਲ ਮੈਂ ਆਪਣੇ ਪਿਤਾ (ਅਨਿਲ ਕਪੂਰ) ਨਾਲ ਇਸ ਦਾ ਨਿਰਮਾਣ ਵੀ ਕਰ ਰਹੇ ਹਨ।