Punjab
ਹੁਸਿਆਰਪੁਰ-ਫਗਵਾੜਾ ਰੋਡ ਹਾਦਸੇ `ਚ ਇਕੋ ਪਰਿਵਾਰ ਦੇ 3 ਜੀਆਂ ਦੀ ਮੌਤ
ਹੁਸਿਆਰਪੁਰ-ਫਗਵਾੜਾ ਰੋਡ ਹਾਦਸੇ `ਚ ਇਕੋ ਪਰਿਵਾਰ ਦੇ 3 ਜੀਆਂ ਦੀ ਮੌਤ
ਹੁਸਿਆਰਪੁਰ, 1 ਅਗਸਤ 2026 : ਹੁਸਿਆਰਪੁਰ-ਫਗਵਾੜਾ ਮੁੱਖ ਮਾਰਗ ਸਥਿਤ ਅੱਡਾ ਡਵਿੱਡਾ ਅਹਿਰਾਣਾ ਵਿਖੇ ਸੜਕ ਹਾਦਸੇ (Road accidents) `ਚ ਇਕੋ ਪਰਿਵਾਰ ਦੇ ਤਿੰਨ ਜੀਆਂ ਦੀ ਮੌਤ (Death) ਹੋ ਗਈ ਹੈ ।
ਕੌਣ ਕੌਣ ਹਨ ਤਿੰਨੇ ਜਣੋ
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਸ਼ੌਕਤ ਅਲੀ (32) ਪੁੱਤਰ ਸ਼ੇਰ ਮੁਹੰਮਦ ਆਪਣੀ ਪਤਨੀ ਕਨੇਜਾ ਬੀਬੀ (29), ਚਾਰ ਸਾਲਾ ਪੁੱਤਰ ਰਿਹਾਨ ਅਤੇ ਦੋ ਸਾਲਾ ਧੀ ਰਿਦਾ ਬਾਨੋ ਨਾਲ ਮੋਟਰਸਾਈਕਲ `ਤੇ ਸਵਾਰ ਹੋ ਕੇ ਫਗਵਾੜਾ ਸਾਈਡ ਤੋਂ ਹੁਸ਼ਿਆਰਪੁਰ ਵੱਲ ਆ ਰਿਹਾ ਸੀ ਕਿ ਜਦੋਂ ਉਹ ਅੱਡਾ ਡਵਿੱਡਾ ਅਹਿਰਾਣਾ ਨੇੜੇ ਪਹੁੰਚੇ ਤਾਂ ਕਿਸੇ ਤੇਜ਼ ਰਫ਼ਤਾਰ ਅਣਪਛਾਤੇ ਵਾਹਨ (Unidentified vehicle) ਨੇ ਉਨ੍ਹਾਂ ਦੇ ਮੋਟਰਸਾਈਕਲ ਨੂੰ ਜ਼ੋਰਦਾਰ ਫੇਟ ਮਾਰ ਦਿੱਤੀ । ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਸਾਰਾ ਪਰਿਵਾਰ ਸੜਕ `ਤੇ ਜਾ ਡਿੱਗਿਆ, ਜਿਸ ਕਾਰਨ ਸ਼ੌਕਤ ਅਲੀ, ਉਸ ਦੀ ਪਤਨੀ ਕਨੇਜਾ ਬੀਬੀ ਅਤੇ ਪੁੱਤਰ ਰਿਹਾਨ ਦੀ ਮੌਕੇ `ਤੇ ਹੀ ਦਮ ਤੋੜ ਦਿੱਤਾ ।
ਹਾਦਸੇ ਵਾਲੀ ਥਾਂ ਤੋਂ ਵਾਹਨ ਚਾਲਕ ਹੋਇਆ ਫਰਾਰ
ਹਾਦਸੇ `ਚ ਦੋ ਸਾਲਾ ਬੱਚੀ ਰਿਦਾ ਬਾਨੋ ਗੰਭੀਰ ਰੂਪ `ਚ ਜ਼ਖ਼ਮੀ (Injured) ਹੋ ਗਈ, ਜਿਸ ਦੀ ਹਾਲਤ ਫਿਲਹਾਲ ਸਥਿਰ ਦੱਸੀ ਜਾ ਰਹੀ ਹੈ । ਵਾਰਦਾਤ ਤੋਂ ਬਾਅਦ ਅਣਪਛਾਤਾ ਵਾਹਨ ਚਾਲਕ ਮੌਕੇ ਤੋਂ ਵਾਹਨ ਸਮੇਤ ਰਫ਼ੂ-ਚੱਕਰ ਹੋ ਗਿਆ । ਮ੍ਰਿਤਕ ਪਰਿਵਾਰ ਮੌਜੂਦਾ ਸਮੇਂ ਚੱਬੇਵਾਲ ਦਾ ਵਸਨੀਕ ਸੀ, ਜਿਨ੍ਹਾਂ ਦਾ ਪਿਛੋਕੜ ਜੰਮੂ-ਕਸ਼ਮੀਰ ਨਾਲ ਦੱਸਿਆ ਜਾ ਰਿਹਾ ਹੈ ।
