ਦੋ ਵਿਅਕਤੀਆਂ ਵਿਰੁੱਧ ਚੋਰੀ ਕਰਨ ਤੇ ਕੇਸ ਦਰਜ

by Jasbeer Singh
November 1, 2025

ਦੋ ਵਿਅਕਤੀਆਂ ਵਿਰੁੱਧ ਚੋਰੀ ਕਰਨ ਤੇ ਕੇਸ ਦਰਜ ਪਟਿਆਲਾ, 1 ਨਵੰਬਰ 2025 : ਥਾਣਾ ਕੋਤਵਾਲੀ ਪਟਿਆਲਾ ਪੁਲਸ ਨੇ ਦੋ ਵਿਅਕਤੀਆਂ ਵਿਰੁੱਧ ਵੱਖ-ਵੱਖ ਧਾਰਾਵਾਂ 303 (2) ਬੀ. ਐਨ. ਐਸ. ਤਹਿਤ ਚੋਰੀ ਕਰਨ ਦਾ ਕੇਸ ਦਰਜ ਕੀਤਾ ਹੈ। ਕਿਹੜੇ ਦੋ ਵਿਅਕਤੀਆਂ ਵਿਰੁੱਧ ਦਰਜ ਕੀਤਾ ਗਿਆ ਹੈ ਕੇੇਸ ਜਿਹੜੇ ਦੋ ਵਿਅਕਤੀਆਂ ਵਿਰੁੱਧ ਕੇੇਸ ਦਰਜ ਕੀਤਾ ਗਿਆ ਹੈ ਵਿਚ ਮਨਪ੍ਰੀਤ ਸਿੰਘ, ਸੋਮੀ ਸਿੰਘ ਵਾਸੀਆਨ ਪਿੰਡ ਤਰੰਜੀਖੇੜੀ ਸ਼ਾਮਲ ਹਨ। ਪੁਲਸ ਕੋਲ ਦਰਜ ਕਰਵਾਈ ਸਿ਼ਕਾਇਤ ਵਿਚ ਕੀ ਦੱਸਿਆ ਸਿ਼ਕਾਇਤਕਰਤਾ ਨੇੇ ਪੁਲਸ ਕੋਲ ਦਰਜ ਕਰਵਾਈ ਸਿ਼ਕਾਇਤ ਵਿਚ ਸਿ਼ਕਾਇਤਕਰਤਾ ਮੋਨੂੰ ਨਾਰੰਗ ਪੁੱਤਰ ਰਤਨ ਚੰਦ ਵਾਸੀ ਮਕਾਨ ਨੰ. 527 ਗਲੀ ਨੰ. 05 ਹੀਰਾ ਬਾਗ ਪਟਿਆਲਾ ਨੇ ਦੱਸਿਆ ਕਿ 25 ਅਕਤੂਬਰ 2025 ਨੂੰ ਜਦੋਂ ਉਹ ਆਪਣੀ ਰੇਹੜੀ ਵਿੱਚ ਲੱਕੜ ਮੰਡੀ ਪਟਿਆਲਾ ਤੋਂ ਬਦਾਮਾਂ ਦੇ 5 ਬੰਦ ਡੱਬੇ ਜੋ ਕਿ ਤਕਰੀਬਨ-ਤਕਰੀਬਨ 15-15 ਕਿਲੋ ਦੇ ਸਨ ਗੁੜਮੰਡੀ ਪਟਿਆਲਾ ਵਿਖੇ ਭਗਵੰਤੀ ਟ੍ਰੇਡਰਜ ਨਾਮ ਦੀ ਦੁਕਾਨ ਤੇ ਉਤਾਰਨ ਗਿਆ ਸੀ ਤਾਂ ਜਦੋਂ ਉਹ ਰੇਹੜੀ ਵਿੱਚੋ ਬਦਾਮਾਂ ਦਾ ਡੱਬਾ ਚੁੱਕ ਕੇ ਦੁਕਾਨ ਅੰਦਰ ਰੱਖਣ ਗਿਆ ਅਤੇ ਜਦੋਂ ਬਾਹਰ ਆ ਕੇ ਦੇਖਿਆ ਤਾਂ ਦੋ ਡੱਬੇ ਘੱਟ ਸਨ। ਜਿਸ ਤੇ ਜਦੋਂ ਸੀ. ਸੀ. ਟੀ. ਵੀ. ਕੈਮਰਾ ਚੈਕ ਕੀਤਾ ਗਿਆ ਤਾਂ ਪਾਇਆ ਗਿਆ ਕਿ ਉਪਰੋਕਤ ਦੋਵੇਂ ਵਿਅਕਤੀ ਜੋ ਕਿ ਮੋਟਰਸਾਇਕਲ ਤੇ ਆਏ ਸਨ ਰੇਹੜੀ ਵਿਚੋ ਦੋ ਡੱਬੇ ਚੋਰੀ ਕਰਕੇ ਲੈ ਗਏ ।ਪੁਲਸ ਨੇ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।