ਬੰਬ ਦੀ ਧਮਕੀ ਮਿਲਣ ਤੇ ਕਰਵਾਇਆ ਫ਼ਿਰੋਜ਼ਪੁਰ ਕੋਰਟ ਕੰਪਲੈਕਸ ਖਾਲੀ

by Jasbeer Singh
January 8, 2026

ਬੰਬ ਦੀ ਧਮਕੀ ਮਿਲਣ ਤੇ ਕਰਵਾਇਆ ਫ਼ਿਰੋਜ਼ਪੁਰ ਕੋਰਟ ਕੰਪਲੈਕਸ ਖਾਲੀ ਫਿਰੋਜਪੁਰ, 8 ਜਨਵਰੀ 2026 : ਪੰਜਾਬ ਦੇ ਸ਼ਹਿਰ ਫ਼ਿਰੋਜ਼ਪੁਰ ਵਿਖੇ ਬਣੇ ਕੋਰਟ ਕੰਪਲੈਕਸ ਨੂੰ ਉਸ ਵੇਲੇ ਖ਼ਾਲੀ ਕਰਵਾ ਲਿਆ ਗਿਆ ਜਦੋਂ ਉਸ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ। ਧਮਕੀ ਭਰੀ ਈਮੇਲ ਕਿਸ ਦੀ ਈਮੇਲ ਤੇ ਆਈ ਕੋਰਟ ਕੰਪਲੈਕਸ ਨੂੰ ਜੋ ਬੰਬ ਨਾਲ ਉਡਾਉਣ ਦੀ ਧਮਕੀ ਆਈ ਹੈ ਸਬੰਧੀ ਧਮਕੀ ਜ਼ਿਲ੍ਹਾ ਤੈ ਸੈਸ਼ਨ ਜੱਜ ਦੀ ਈਮੇਲ ਤੇ ਭੇਜੀ ਗਈ ਹੈ। ਧਮਕੀ ਵਿਚ ਕੋਰਟ ਨੂੰ ਆਰ. ਡੀ. ਐਕਸ ਨਾਲ ਉਡਾਉਣ ਦੀ ਧਮਕੀ ਦਿੱਤੀ ਗਈ ਹੈ। ਜਿਸ ਦੇ ਚਲਦਿਆਂ ਵੱਡੀ ਗਿਣਤੀ ਵਿਚ ਪੁਲਸ ਫੋਰਸ ਤਾਇਨਾਤ ਕਰ ਦਿੱਤੀ ਗਈ ਹੈ। ਇਸ ਦੌਰਾਨ ਪੁਲਸ ਕੀਤੀ ਜਾ ਰਹੀ ਜਾਂਚ ਦਰਮਿਆਨ ਕਿਸੇ ਨੂੰ ਵੀ ਕੋਰਟ ਕੰਪਲੈਕਸ ਦੇ ਅੰਦਰ ਨਹੀਂ ਜਾਣ ਦਿੱਤਾ ਜਾ ਰਿਹਾ ਹੈ। ਪਹਿਲਾਂ ਵੀ ਵੱਖ ਵੱਖ ਸਮੇਂ ਤੇ ਮਿਲ ਚੁੱਕੀਆਂ ਹਨ ਧਮਕੀਆਂ ਕਦੇ ਸਕੂਲਾਂ, ਕਦੇ ਕੋਰਟ ਕੰਪਲੈਕਸਾਂ, ਕਦੇ ਜਹਾਜ਼ਾਂ ਨੂੰ ਬੰਬ ਨਾਲ ਉਡਾਉਣ ਦੀਆਂ ਮਿਲ ਰਹੀਆਂ ਧਮਕੀਆਂ ਦੇ ਮੱਦੇਨਜ਼ਰ ਪੁਲਸ ਵੱਲੋਂ ਚੌਕਸੀ ਵਰਤਦਿਆਂ ਜਾਂਚ ਕੀਤੀ ਜਾਂਦੀ ਹੈ ਪਰ ਅਕਸਰ ਹੀ ਈਮੇਲ ਭੇਜ ਕੇ ਧਮਕੀ ਦੇਣ ਵਾਲਿਆਂ ਦੀ ਧਮਕੀ ਸਿਰਫ਼ ਧਮਕੀ ਹੀ ਰਹਿ ਜਾਂਦੀ ਹੈ ਨਿਕਲਦਾ ਕੁੱਝ ਵੀ ਨਹੀਂ ਹੈ। ਪਰ ਅਜਿਹਾ ਸਭ ਕਰਨ ਨਾਲ ਇਕ ਵਾਰ ਤਾਂ ਚੁਫੇਰਿਓਂ ਤੋਂ ਇਲਾਵਾ ਸਮੁੱਚੇ ਪੰਜਾਬ ਦਾ ਮਾਹੌਲ ਦਹਿਸ਼ਤ ਭਰਿਆ ਹੋ ਜਾਂਦਾ ਹੈ। ਜਿਸ ਲਈ ਇਹ ਬੜਾ ਜ਼ਰੂਰੀ ਹੋ ਗਿਆ ਹੈ ਕਿ ਅਜਿਹੇ ਵਿਅਕਤੀਆਂ ਜਿਨ੍ਹਾਂ ਵੱਲੋਂ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ ਨੂੰ ਸਮਾਂ ਰਹਿੰਦੇ ਫੜਿਆ ਜਾਵੇ ਤਾਂ ਜੋ ਪੰਜਾਬ ਵਿਚ ਸ਼ਾਂਤੀ ਕਾਇਮ ਰਹਿ ਸਕੇ।