ਭਾਰਤੀ ਕੰਪਾਊਂਡ ਤੀਰਅੰਦਾਜ਼ਾਂ ਤਮਗੇ ਜਿੱਤ ਕੇ ਕੀਤਾ ਦਬਦਬਾ ਕਾਇਮ

by Jasbeer Singh
March 28, 2026

ਭਾਰਤੀ ਕੰਪਾਊਂਡ ਤੀਰਅੰਦਾਜ਼ਾਂ ਤਮਗੇ ਜਿੱਤ ਕੇ ਕੀਤਾ ਦਬਦਬਾ ਕਾਇਮ ਬੈਂਕਾਕ, 28 ਮਾਰਚ 2026 : ਭਾਰਤ ਦੇਸ਼ ਦੇ ਖਿਡਾਰੀਆਂ ਦਾ ਤੀਰਅੰਦਾਜ਼ੀ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਦੇ ਚਲਦਿਆਂ ਬਣੇ ਦਬਦਬੇ ਕਾਰਨ ਤਮਗੇ ਹੀ ਤਮਗੇ ਜਿੱਤਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਕਿਸ ਟੂਰਨਾਮੈਂਟ ਵਿਚ ਤੀਰਅੰਦਾਜ਼ਾਂ ਨੇ ਕੀਤਾ ਸ਼ਾਨਦਾਰ ਪ੍ਰਦਰਸ਼ਨ ਮਿਲੀ ਜਾਣਕਾਰੀ ਅਨੁਸਾਰ ਭਾਰਤ ਦੇ ਕੰਪਾਊਂਡ ਤੀਰਅੰਦਾਜ਼ਾਂ ਨੇ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਦੇ ਹੋਏ ਸ਼ੁੱਕਰਵਾਰ ਨੂੰ ਇੱਥੇ ਏਸ਼ੀਆ ਕੱਪ ਵਿਸ਼ਵ ਰੈਂਕਿੰਗ ਟੂਰਨਾਮੈਂਟ ਦੇ ਪਹਿਲੇ ਪੜਾਅ `ਚ ਮਿਕਸਡ ਟੀਮ ਦਾ ਸੋਨ ਤਮਗਾ ਤੇ ਮਹਿਲਾ ਟੀਮ ਦਾ ਚਾਂਦੀ ਤਮਗਾ ਜਿੱਤਿਆ ਤੇ ਪੁਰਸ਼ਾਂ ਦੇ ਨਿੱਜੀ ਵਰਗ `ਚ ਕਲੀਨ ਸਵੀਪ ਕੀਤਾ । ਕਿਹੜੇ ਤਮਗੇ ਕਿੰਨੇ ਜਿੱਤੇ ਭਾਰਤ ਨੇ ਦੁਪਹਿਰ ਦੇ ਸੈਸ਼ਨ `ਚ ਰਿਕਰਵ ਵਰਗ `ਚ 2 ਚਾਂਦੀ ਤਮਗੇ ਵੀ ਜਿੱਤੇ । ਇਸ ਤਰ੍ਹਾਂ ਉਸ ਨੇ ਇਸ ਪ੍ਰਤੀਯੋਗਿਤਾ `ਚ 2 ਸੋਨ, 4 ਚਾਂਦੀ ਤੇ 4 ਕਾਂਸੀ ਤਮਗੇ ਜਿੱਤੇ । ਭਾਰਤ ਨੇ ਕੁੱਲ 10 ਤਮਗੇ ਹਾਸਲ ਕੀਤੇ ਜੋ ਪਿਛਲੀ ਵਾਰ ਦੇ 8 ਤਮਗਿਆਂ ਤੋਂ ਵੱਧ ਹਨ। ਭਾਰਤ ਨੇ ਹਾਲਾਂਕਿ ਪਿਛਲੀ ਵਾਰ 5 ਸੋਨ ਤਮਗੇ ਜਿੱਤੇ ਸਨ । ਭਾਰਤ ਨੂੰ ਰਿਕਰਵ ਵਰਗ `ਚ ਝਟਕਾ ਲੱਗਾ ਜਿਸ `ਚ ਕੋਈ ਵੀ ਤੀਰਅੰਦਾਜ਼ ਸੋਨ ਤਮਗਾ ਹਾਸਲ ਨਹੀਂ ਕਰ ਸਕਿਆ ।