ਸੈਲੂਨ ਬੰਦ ਕਰਵਾਉਣ ਆਏ ਨਿਹੰਗਾ ਦਾ ਪਿੰਡ ਵਾਸੀਆਂ ਨਾਲ ਹੋਇਆ ਟਕਰਾਅ

by Jasbeer Singh
February 19, 2026

ਸੈਲੂਨ ਬੰਦ ਕਰਵਾਉਣ ਆਏ ਨਿਹੰਗਾ ਦਾ ਪਿੰਡ ਵਾਸੀਆਂ ਨਾਲ ਹੋਇਆ ਟਕਰਾਅ ਸੰਗਰੂਰ, 19 ਫਰਵਰੀ 2026 : ਪੰਜਾਬ ਦੇ ਜਿ਼ਲਾ ਸੰਗਰੂਰ ਦੇ ਪਿੰਡ ਭੱਟੀਵਾਲ ਵਿਖੇ ਇਕ ਸੈਲੂਨ ਨੂੰ ਬੰਦ ਕਰਵਾਉਣ ਆਏ ਨਿਹੰਗ ਸਿੰਘਾਂ ਤੇ ਪਿੰਡ ਵਾਸੀਆਂ ਵਿਚਾਲੇ ਟਕਰਾਅ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਕੀ ਕਾਰਨ ਸੀ ਨਿਹੰਗਾਂ ਵਲੋਂ ਸੈਲੂਨ ਬੰਦ ਕਰਵਾਉਣ ਦਾ ਮਿਲੀ ਜਾਣਕਾਰੀ ਅਨੁਸਾਰ ਸੰਗਰੂਰ ਦੇ ਪਿੰਡ ਭੱਟੀਵਾਲ ਵਿਖੇ ਖੁੱਲ੍ਹੇ ਜਿਸ ਸੈਲੂਨ ਨੂੰ ਅੱਜ ਨਿਹੰਗ ਸਿੰਘ ਬੰਦ ਕਰਵਾਉਣ ਪਹੁੰਚੇ ਸਨ ਉਹ ਦਰਅਸਲ ਇਕ ਗੁਰਸਿੱਖ ਵਿਅਕਤੀ ਵਲੋਂ ਖੋਲ੍ਹਿਆ ਗਿਆ ਸੀ ਤੇ ਨਿਹੰਗ ਸਿੰਘਾਂ ਦਾ ਇਸ ਗੱਲ ਨੂੰ ਲੈ ਕੇ ਵਿਰੋਧ ਸੀ। ਜਦੋਂ ਹੀ ਨਿਹੰਗ ਸਿੰਘ ਸੈਲੂਨ ਦੇ ਬਾਹਰ ਪਹੁੰਚੇ ਤੇ ਸੈਲੂਨ ਮਾਲਕ ਨਾਲ ਬਹਿਸਬਾਜੀ ਕਰਦਿਆਂ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ ਤਾਂ ਪਿੰਡ ਵਾਸੀਆਂ ਨੇ ਵੀ ਪਤਾ ਲੱਗਦਿਆਂ ਹੀ ਸੈਲੂਨ ਕੋਲ ਪਹੁੰਚ ਕੇ ਨਿਹੰਗ ਸਿੰਘਾਂ ਦਾ ਵਿਰੋਧ ਕੀਤਾ ਤੇ ਕਾਬੂ ਆਏ ਇਕ ਨਿਹੰਗ ਦੀ ਕੁੱਟਮਾਰ ਕੀਤੀ। ਜਦੋਂ ਕਿ ਬਾਕੀ ਦੇ ਮੌਕੇ ਦੀ ਨਜ਼ਾਕਤ ਨੂੰ ਦੇਖਦਿਆਂ ਉਥੋਂ ਭੱਜ ਗਏ। ਜਿਸ ਨਾਲ ਹਾਲਾਤ ਕਾਫੀ ਤਣਾਅਪੂਰਨ ਹੋ ਗਏ। ਪੁਲਸ ਨੇ ਮੌਕੇ ਤੇ ਪਹੁੰਚ ਕੀਤਾ ਹਾਲਾਤਾਂ ਤੇ ਕਾਬੂ ਘਟਨਾ ਦੀ ਸੂਚਨਾ ਮਿਲਦੇ ਹੀ ਸਥਾਨਕ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਸਥਿਤੀ ਨੂੰ ਕਾਬੂ ਹੇਠ ਕੀਤਾ । ਪੁਲਸ ਵੱਲੋਂ ਜ਼ਖ਼ਮੀਆਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਹੈ ਅਤੇ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਪਿੰਡ ਵਿੱਚ ਅਜੇ ਵੀ ਤਣਾਅਪੂਰਨ ਸ਼ਾਂਤੀ ਬਣੀ ਹੋਈ ਹੈ।