ਸਈਅਦ ਮੁਸ਼ਤਾਕ ਅਲੀ ਟਰਾਫੀ-2025

by Jasbeer Singh
December 14, 2025

ਸਈਅਦ ਮੁਸ਼ਤਾਕ ਅਲੀ ਟਰਾਫੀ-2025 ਅੰਬੀ, 14 ਦਸੰਬਰ 2025 : ਮੈਨ ਆਫ ਦਿ ਮੈਚ ਕੁਮਾਰ ਕੁਸ਼ਾਗ (ਅਜੇਤੂ 86) ਦੀ ਧਮਾਕੇਦਾਰ ਅਰਧ ਸੈਂਕੜੇ ਵਾਲੀ ਪਾਰੀ ਦੀ ਬਦੌਲਤ ਝਾਰਖੰਡ ਨੇ ਸਈਅਦ ਮੁਸ਼ਤਾਕ ਅਲੀ ਟਰਾਫੀ 2025 ਵਿਚ ਸੁਪਰ ਲੀਗ ਗਰੁੱਪ-ਏ ਮੁਕਾਬਲੇ ਵਿਚ ਪੰਜਾਬ ਨੂੰ 11 ਗੇਂਦਾਂ ਬਾਕੀ ਰਹਿੰਦਿਆਂ 6 ਵਿਕਟਾਂ ਨਾਲ ਹਰਾ ਦਿੱਤਾ। ਝਾਰਖੰਡ ਨੇ ਪੰਜਾਬ ਨੂੰ 6 ਵਿਕਟਾਂ ਨਾਲ ਹਰਾਇਆ 236 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਝਾਰਖੰਡ ਨੇ ਕੁਮਾਰ ਕੁਸ਼ਾਗ (ਅਜੇਤੂ 86) ਦੀ ਧਮਾਕੇਦਾਰ ਬੱਲੇਬਾਜ਼ੀ ਦੇ ਦਮ `ਤੇ 18.1 ਓਵਰਾਂ ਵਿਚ 4 ਵਿਕਟਾਂ `ਤੇ 237 ਦੌੜਾਂ ਬਣਾ ਕੇ ਮੁਕਾਬਲਾ ਜਿੱਤ ਲਿਆ। ਕੁਮਾਰ ਕੁਸ਼ਾਗ ਨੇ ਆਪਣੀ ਪਾਰੀ ਵਿਚ 42 ਗੇਂਦਾਂ ਦਾ ਸਾਹਮਣਾ ਕੀਤਾ ਤੇ 8 ਚੌਕੇ ਤੇ 4 ਛੱਕੇ ਲਾਏ। ਉਸ ਤੋਂ ਇਲਾਵਾ ਇਸ਼ਾਨ ਕਿਸ਼ਨ ਨੇ 23 ਗੇਂਦਾਂ ਵਿਚ 47, ਅਨੁਕੂਲ ਰਾਏ ਨੇ 17 ਗੇਂਦਾਂ ਵਿਚ 37 ਦੌੜਾਂ ਬਣਾਈਆਂ। ਪੰਕਜ ਕੁਮਾਰ ਨੇ 18 ਗੇਂਦਾਂ ਵਿਚ ਇਕ ਚੌਕੇ ਤੇ 4 ਛੱਕਿਆਂ ਦੀ ਮਦਦ ਨਾਲ ਅਜੇਤੂ 39 ਦੌੜਾਂ ਬਣਾਈਆਂ। ਕਿਸ ਨੇ ਕਿਸਨੂੰ ਕਿੰਨੀਆਂ ਦੌੜਾਂ ਨਾਲ ਹਰਾਇਆ ਇਸ ਤੋਂ ਪਹਿਲਾਂ ਅੱਜ ਇੱਥੇ ਪੰਜਾਬ ਨੇ ਸਲੀਲ ਅਰੋੜਾ (ਅਜੇਤੂ 125) ਦੇ ਸੈਂਕੜੇ ਦੇ ਦਮ `ਤੇ ਨਿਰਧਾਰਿਤ 20 ਓਵਰਾਂ ਵਿਚ 6 ਵਿਕਟਾਂ `ਤੇ 235 ਦੌੜਾਂ ਦਾ ਵੱਡਾ ਸਕੋਰ ਬਣਾਇਆ ਸੀ । ਸਲੀਲ ਅਰੋੜਾ ਨੇ ਆਪਣੀ ਪਾਰੀ ਵਿਚ 45 ਗੇਂਦਾਂ ਵਿਚ 4 ਚੌਕੇ ਤੇ 11 ਛੱਕੇ ਲਾਏ। ਇਸ ਤੋਂ ਇਲਾਵਾ ਨਮਨ ਧੀਰ (27), ਅਨਮੋਲਪ੍ਰੀਤ ਸਿੰਘ (23), ਪ੍ਰਭਸਿਮਰਨ ਸਿੰਘ (10) ਤੇ ਸਨਵੀਰ ਸਿੰਘ (10) ਦੌੜਾਂ ਬਣਾ ਕੇ ਆਊਟ ਹੋਏ।