ਟਿਊਬਵੈੱਲ ਦੇ ਖੁੱਲ੍ਹੇ ਟੋਏ `ਚ ਡਿੱਗਣ ਨਾਲ ਹੋਈ 10 ਸਾਲਾ ਬੱਚੇ ਦੀ ਮੌਤ

by Jasbeer Singh
April 3, 2026

ਟਿਊਬਵੈੱਲ ਦੇ ਖੁੱਲ੍ਹੇ ਟੋਏ `ਚ ਡਿੱਗਣ ਨਾਲ ਹੋਈ 10 ਸਾਲਾ ਬੱਚੇ ਦੀ ਮੌਤ ਬਾਗਪਤ, 3 ਅਪ੍ਰੈਲ 2026 : ਭਾਰਤ ਦੇਸ ਦੇ ਸੂਬੇ ਉਤਰ ਪ੍ਰਦੇਸ਼ ਦੇ ਜਿ਼ਲਾ ਬਾਗਪਤ ਦੇ ਸ਼ਹਿਰ ਬੜੌਤ ਦੇ ਬੜਕਾ ਰੋਡ ਖੇਤਰ ਵਿਖੇ ਇਕ ਬੱਚੇ ਦੀ ਮੌਤ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਕੌਣ ਹੈ ਇਹ ਬੱਚਾ ਮਿਲੀ ਜਾਣਕਾਰੀ ਮੁਤਾਬਕ ਬੜੌਤ ਦੇ ਬੜਕਾ ਰੋਡ ਖੇਤਰ `ਚ ਟਿਊਬਵੈੱਲ ਦੇ ਖੁੱਲ੍ਹੇ ਟੋਏ `ਚ ਡਿੱਗਣ ਨਾਲ ਜਿਸ 10 ਸਾਲਾ ਬੱਚੇ ਦੀ ਮੌਤ ਹੋ ਗਈ ਹੈ ਦਾ ਨਾਮ ਇਰਸ਼ਾਦ ਹੈ । ਦੱਸਿਆ ਗਿਆ ਹੈ ਕਿ ਉਹ ਬੁੱਧਵਾਰ ਸ਼ਾਮ ਖੇਡਦੇ ਸਮੇਂ ਡੂੰਘੇ ਟੋਏ `ਚ ਡਿੱਗ ਗਿਆ । ਸਥਾਨਕ ਲੋਕਾਂ ਨੇ ਉਸ ਨੂੰ ਬਾਹਰ ਕੱਢਣ ਦੀ ਕੋਸਿ਼ਸ਼ ਕੀਤੀ ਪਰ ਉਸ ਦੀ ਜਾਨ ਨਹੀਂ ਬਚ ਸਕੀ। ਘਟਨਾ ਤੋਂ ਬਾਅਦ ਖੇਤਰ `ਚ ਰੋਸ ਫੈਲ ਗਿਆ । ਲੋਕਾਂ ਨੇ ਦੋਸ਼ ਲਾਇਆ ਕਿ ਨਿਰਮਾਣ ਕਾਰਜ ਦੌਰਾਨ ਟਿਊਬਵੈੱਲ ਦਾ ਟੋਆ ਖੁੱਲ੍ਹਾ ਛੱਡ ਦਿੱਤਾ ਗਿਆ ਸੀ ਅਤੇ ਸੁਰੱਖਿਆ ਦੇ ਕੋਈ ਪ੍ਰਬੰਧ ਨਹੀਂ ਕੀਤੇ ਗਏ ਸਨ। ਕੀ ਦੱਸਿਆ ਨਗਰ ਪਾਲਿਕਾ ਦੇ ਕਾਰਜਕਾਰੀ ਅਧਿਕਾਰੀ ਨੇ ਉਨ੍ਹਾਂ ਨੇ ਇਸ ਨੂੰ ਪ੍ਰਸ਼ਾਸਨਿਕ ਲਾਪ੍ਰਵਾਹੀ ਦੱਸਦਿਆਂ ਮੁਲਜ਼ਮਾਂ ਖਿ਼ਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ। ਨਗਰ ਪਾਲਿਕਾ ਦੇ ਕਾਰਜਕਾਰੀ ਅਧਿਕਾਰੀ ਮਨੋਜ ਰਸਤੋਗੀ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਕਰਵਾਈ ਜਾਵੇਗੀ ਅਤੇ ਲਾਪਰਵਾਹੀ ਪਾਏ ਜਾਣ `ਤੇ ਸਬੰਧਤ ਮੁਲਾਜ਼ਮਾਂ ਤੇ ਠੇਕੇਦਾਰ ਖਿ਼ਲਾਫ਼ ਕਾਰਵਾਈ ਹੋਵੇਗੀ। ਉੱਥੇ ਹੀ, ਪੁਲਸ ਦਾ ਕਹਿਣਾ ਹੈ ਕਿ ਸ਼ਿਕਾਇਤ ਮਿਲਣ `ਤੇ ਅੱਗੇ ਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।