ਪ੍ਰਤਾਪਗੜ੍ਹ `ਚ ਤਲਾਅ `ਚ ਡੁੱਬਣ ਨਾਲ 3 ਭੈਣ-ਭਰਾਵਾਂ ਦੀ ਮੌਤ

by Jasbeer Singh
April 21, 2026

ਪ੍ਰਤਾਪਗੜ੍ਹ `ਚ ਤਲਾਅ `ਚ ਡੁੱਬਣ ਨਾਲ 3 ਭੈਣ-ਭਰਾਵਾਂ ਦੀ ਮੌਤ ਪ੍ਰਤਾਪਗੜ੍ਹ, 21 ਅਪ੍ਰੈਲ 2026 : ਉੱਤਰ ਪ੍ਰਦੇਸ਼ ਦੇ ਪ੍ਰਤਾਪਗੜ੍ਹ ਜ਼ਿਲੇ `ਚ ਸੋਮਵਾਰ ਵਾਪਰੀ ਇਕ ਦੁਖਦਾਈ ਘਟਨਾ ਦੌਰਾਨ ਤਿੰਨ ਭੈਣ-ਭਰਾਵਾਂ ਦੀ ਤਲਾਅ `ਚ ਨਹਾਉਂਦੇ ਸਮੇਂ ਡੁੱਬਣ ਨਾਲ ਮੌਤ ਹੋ ਗਈ । ਕਿਥੇ ਵਾਪਰੀ ਇਹ ਘਟਨਾ ਮਿਲੀ ਜਾਣਕਾਰੀ ਅਨੁਸਾਰ ਤਿੰਨ ਭੈਣ-ਭਰਾਵਾਂ ਦੇ ਤਲਾਬ ਵਿਚ ਡੁੱਬ ਕੇ ਮੌਤ ਦੇ ਘਾਟ ਉਤਰ ਜਾਣ ਦੀ ਘਟਨਾ ਕੰਧਾਈ ਥਾਣਾ ਖੇਤਰ ਅਧੀਨ ਆਉਂਦੇ ਪਿੰਡ ਸ਼ਲਹੀਪੁਰ ਕੰਜਸ `ਚ ਵਾਪਰੀ ਹੈ । ਮਿਲੀਆਂ ਰਿਪੋਰਟਾਂ ਅਨੁਸਾਰ ਪਿੰਡ ਦੇ ਇਕ ਵਾਸੀ ਵਿਜੇ ਬਹਾਦੁਰ ਯਾਦਵ ਦੇ ਤਿੰਨ ਬੱਚੇ ਰਾਣੀ (12), ਮੋਹਿਤ (8) ਤੇ ਰੋਹਿਤ (5) ਆਪਣੇ ਘਰ ਦੇ ਨੇੜੇ ਇਕ ਤਲਾਅ `ਚ ਨਹਾਉਣ ਗਏ ਸਨ। ਨਹਾਉਂਦੇ ਸਮੇਂ ਉਹ ਡੂੰਘੇ ਪਾਣੀ `ਚ ਚਲੇ ਗਏ ਤੇ ਡੁੱਬ ਗਏ। ਪਰਿਵਾਰ ਦੀ ਵਿੱਤੀ ਸਥਿਤੀ ਬਹੁਤ ਮਾੜੀ ਦੱਸੀ ਜਾ ਰਹੀ ਹੈ। ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਕੀਤਾ ਘਟਨਾ ਤੇ ਦੁੱਖ ਪ੍ਰਗਟ ਪਿਤਾ ਵਿਜੇ ਬਹਾਦੁਰ ਨੂੰ ਅਧਰੰਗ ਹੈ । ਉਹ ਪਿੰਡ `ਚ ਭੀਖ ਮੰਗ ਕੇ ਪਰਿਵਾਰ ਦਾ ਪਾਲਣ-ਪੋਸ਼ਣ ਕਰਦਾ ਹੈ, ਜਦੋਂ ਕਿ ਮਾਂ ਮਜ਼ਦੂਰੀ ਕਰਦੀ ਹੈ। ਘਟਨਾ ਸਮੇਂ ਮਾਂ ਘਰ ਅੰਦਰ ਬੱਚਿਆਂ ਲਈ ਖਾਣਾ ਬਣਾ ਰਹੀ ਸੀ । ਪਰਿਵਾਰ ਦਾ ਇਕ 8 ਮਹੀਨੇ ਦਾ ਪੁੱਤਰ ਵੀ ਹੈ ਜੋ ਸੁਰੱਖਿਅਤ ਹੈ। ਤਿੰਨੋਂ ਬੱਚੇ ਕੰਜਸ ਪ੍ਰਾਇਮਰੀ ਸਕੂਲ `ਚ ਪੜ੍ਹਦੇ ਸਨ ਪਰ ਉਹ ਨਿਯਮਿਤ ਤੌਰ `ਤੇ ਸਕੂਲ ਨਹੀਂ ਜਾਂਦੇ ਸਨ। ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਘਟਨਾ `ਤੇ ਦੁੱਖ ਪ੍ਰਗਟ ਕੀਤਾ ਹੈ। ਉਨ੍ਹਾਂ ਅਧਿਕਾਰੀਆਂ ਨੂੰ ਤੁਰੰਤ ਘਟਨਾ ਵਾਲੀ ਥਾਂ `ਤੇ ਪਹੁੰਚਣ ਤੇ ਲੋੜੀਂਦੀ ਕਾਰਵਾਈ ਕਰਨ ਦੇ ਨਿਰਦੇਸ਼ ਦਿੱਤੇ। ਪ੍ਰਸ਼ਾਸਨ ਵੱਲੋਂ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ ।