ਬਲੀਆ `ਚ ਗੰਗਾ ਇਸ਼ਨਾਨ ਦੌਰਾਨ 4 ਵਿਅਕਤੀ ਡੁੱਬੇ

by Jasbeer Singh
May 4, 2026

ਬਲੀਆ `ਚ ਗੰਗਾ ਇਸ਼ਨਾਨ ਦੌਰਾਨ 4 ਵਿਅਕਤੀ ਡੁੱਬੇ ਬਲੀਆ, 4 ਮਈ 2026 : ਇਕ ਦਰਦਨਾਕ ਦੁਖਾਂਤ `ਚ ਉੱਤਰ ਪ੍ਰਦੇਸ਼ ਦੇ ਬਲੀਆ ਜਿ਼ਲੇ `ਚ ਬੀਤੇ ਦਿਨੀਂ ਸਵੇਰੇ ਗੰਗਾ `ਚ ਇਸ਼ਨਾਨ ਕਰਨ ਦੌਰਾਨ ਇਕ ਨਾਬਾਲਗ ਸਮੇਤ 4 ਵਿਅਕਤੀ ਡੁੱਬ ਗਏ । ਕਿਥੇ ਵਾਪਰੀ ਇਹ ਘਟਨਾ ਇਹ ਘਟਨਾ ਫੇਫਨਾ ਥਾਣਾ ਖੇਤਰ ਦੇ ਕਲਿਆਣੀਪੁਰ ਪਿੰਡ `ਚ ਮੁੰਡਨ ਸਮਾਰੋਹ ਦੌਰਾਨ ਸ਼ਿਵਰਾਮਪੁਰ ਘਾਟ `ਤੇ ਵਾਪਰੀ । ਪੁਲਸ ਦੇ ਸੁਪਰਡੈਂਟ ਓਮਵੀਰ ਸਿੰਘ ਅਨੁਸਾਰ ਵਸਿ਼ਸ਼ਠ ਚੌਹਾਨ ਦੇ ਪਰਿਵਾਰਕ ਮੈਂਬਰ ਅਤੇ ਰਿਸ਼ਤੇਦਾਰ ਮੁੰਡਨ ਸਮਾਰੋਹ ਲਈ ਘਾਟ `ਤੇ ਪਹੁੰਚੇ ਸਨ । ਰਸਮ ਤੋਂ ਬਾਅਦ ਕੁਝ ਲੋਕ ਸਵੇਰੇ 7 : 30 ਵਜੇ ਦੇ ਕਰੀਬ ਗੰਗਾ `ਚ ਇਸ਼ਨਾਨ ਕਰ ਰਹੇ ਸਨ । ਕੌਣ ਕੌਣ ਜੋ ਡੁੱਬ ਕੇ ਉਤਰ ਗਏ ਮੌਤ ਦੇ ਘਾਟ ਦੁਪਹਿਰ ਤੱਕ ਸਥਾਨਕ ਮਛੇਰਿਆਂ ਤੇ ਫਾਇਰ ਵਿਭਾਗ ਦੀ ਮਦਦ ਨਾਲ ਚਲਾਈ ਗਈ ਇਕ ਖੋਜ ਮੁਹਿੰਮ ਦੌਰਾਨ ਹਰਸ਼ਿਤਾ ਚੌਹਾਨ (19), ਅਰੁਣ ਚੌਹਾਨ (19), ਨੰਦਿਤਾ ਚੌਹਾਨ (14) ਤੇ ਅਰਜੁਨ ਚੌਹਾਨ (20) ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ। ਕਿਵੇਂ ਵਾਪਰਿਆ ਸਮੁੱਚਾ ਘਟਨਾਕ੍ਰਮ ਇਕ ਨਾਬਾਲਗ ਕੁੜੀ ਆਪਣੇ ਮੋਬਾਈਲ ਫੋਨ ਤੋਂ ਸੈਲਫੀ ਲੈਂਦੇ ਸਮੇਂ ਅਚਾਨਕ ਫਿਸਲ ਗਈ ਤੇ ਨਦੀ `ਚ ਡਿੱਗ ਗਈ । 5 ਹੋਰਾਂ ਨੇ ਉਸ ਨੂੰ ਬਚਾਉਣ ਲਈ ਨਦੀ `ਚ ਛਾਲ ਮਾਰ ਦਿੱਤੀ ਪਰ ਸਾਰੇ ਡੂੰਘੇ ਪਾਣੀ `ਚ ਡੁੱਬ ਗਏ । ਸਥਾਨਕ ਪਿੰਡ ਵਾਸੀਆਂ ਨੇ ਤੇਜ਼ੀ ਨਾਲ ਕਾਰਵਾਈ ਕਰਦਿਆਂ 2 ਵਿਅਕਤੀਆਂ ਨੂੰ ਬਚਾਅ ਲਿਆ, ਜਦੋਂ ਕਿ 4 ਹੋਰ ਲਾਪਤਾ ਹੋ ਗਏ। ਘਟਨਾ ਦੀ ਜਾਣਕਾਰੀ ਮਿਲਣ `ਤੇ ਜਿ਼ਲਾ ਮੈਜਿਸਟ੍ਰੇਟ ਮੰਗਲਾ ਪ੍ਰਸਾਦ ਸਿੰਘ ਪ੍ਰਸ਼ਾਸਨਿਕ ਤੇ ਪੁਲਸ ਅਧਿਕਾਰੀਆਂ ਨਾਲ ਮੌਕੇ `ਤੇ ਪਹੁੰਚੇ ।