ਅਮਰੀਕਾ 'ਚ 43 ਸਾਲਾਂ ਔਰਤ ਨੇ ਨਾਬਾਲਗ ਨਾਲ ਬਣਾਏ ਜਿਨਸੀ ਸਬੰਧ

by Jasbeer Singh
January 9, 2026

ਅਮਰੀਕਾ 'ਚ 43 ਸਾਲਾਂ ਔਰਤ ਨੇ ਨਾਬਾਲਗ ਨਾਲ ਬਣਾਏ ਜਿਨਸੀ ਸਬੰਧ ਵਾਸ਼ਿੰਗਟਨ, 9 ਜਨਵਰੀ 2026 : ਅਮਰੀਕਾ ਦੇ ਫਲੋਰੀਡਾ 'ਚ ਇਕ 43 ਸਾਲ ਦੀ ਔਰਤ ਨੂੰ ਇਕ 16 ਸਾਲ ਦੇ ਲੜਕੇ ਨਾਲ ਜਿਨਸੀ ਸਬੰਧ ਬਣਾਉਣ ਦੇ ਦੋਸ਼ 'ਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ । ਉਹ ਉਸ ਲੜਕੇ ਦੇ ਪਰਿਵਾਰ ਨੂੰ ਪਹਿਲਾਂ ਤੋਂ ਜਾਣਦੀ ਸੀ। ਇਹ ਪੂਰਾ ਮਾਮਲਾ ਪਿਛਲੇ ਮਹੀਨੇ ਦਸੰਬਰ 'ਚ ਸ਼ੁਰੂ ਹੋਇਆ ਸੀ । ਜਦੋਂ ਲੜਕੇ ਦੀ ਮਾਂ ਨੇ ਉਸ ਦੇ ਮੋਬਾਈਲ 'ਤੇ ਕੁਝ ਵੀਡੀਓ ਦੇਖੀਆਂ, ਤਾਂ ਉਸ ਨੇ ਤੁਰੰਤ ਔਰਤ ਨੂੰ ਪਛਾਣ ਲਿਆ । ਜਾਂਚ ਦੌਰਾਨ ਸਭ ਕੁੱਝ ਸਾਹਮਣੇ ਆਉਣ ਤੇ ਮਹਿਲਾ ਗ੍ਰਿਫ਼ਤਾਰ ਪੁਲਸ ਨੇ ਜਾਂਚ ਕੀਤੀ ਤਾਂ ਕਈ ਵੀਡੀਓਜ਼ ਮਿਲੀਆਂ, ਜਿਨ੍ਹਾਂ 'ਚ ਔਰਤ ਦਾ ਚਿਹਰਾ ਬਿਲਕੁਲ ਸਾਫ਼ ਦਿਖਾਈ ਦੇ ਰਿਹਾ ਸੀ। ਸਭ ਤੋਂ ਪੁਰਾਣੀ ਵੀਡੀਓ 4 ਦਸੰਬਰ ਦੀ ਰਾਤ ਦੀ ਸੀ । ਲੜਕੇ ਨੇ ਵੀ ਪੁਲਸ ਨੂੰ ਦੱਸਿਆ ਕਿ ਵੀਡੀਓ 'ਚ ਉਹ ਖ਼ੁਦ ਹੈ । ਜਦੋਂ ਪੁਲਸ ਨੇ ਮੈਰੀ ਇਬਾਰਾ ਤੋਂ ਪੁੱਛਗਿੱਛ ਕੀਤੀ ਤਾਂ ਉਸ ਨੇ ਕੁਝ ਵੀ ਕਬੂਲ ਨਹੀਂ ਕੀਤਾ ਅਤੇ ਅੱਗੇ ਗੱਲ ਕਰਨ ਤੋਂ ਮਨ੍ਹਾ ਕਰ ਦਿੱਤਾ । ਮੈਰੀ ਇਬਾਰਾ ਨੂੰ 5 ਜਨਵਰੀ 2026 ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਉਸ 'ਤੇ ਨਾਬਾਲਗ ਨਾਲ ਗੈਰ-ਕਾਨੂੰਨੀ ਜਿਨਸੀ ਸਬੰਧਾਂ ਦਾ ਕੇਸ ਚੱਲ ਰਿਹਾ ਹੈ।