ਬ੍ਰਾਡਕਾਸਟ ਇੰਜੀਨੀਅਰ ਦੀ ਹੋਈ ਭੇਦਭਰੇ ਹਾਲਾਤਾਂ ਵਿਚ ਹੋਟਲ ਵਿਚ ਮੌਤ

by Jasbeer Singh
March 31, 2026

ਬ੍ਰਾਡਕਾਸਟ ਇੰਜੀਨੀਅਰ ਦੀ ਹੋਈ ਭੇਦਭਰੇ ਹਾਲਾਤਾਂ ਵਿਚ ਹੋਟਲ ਵਿਚ ਮੌਤ ਮੁੰਬਈ, 31 ਮਾਰਚ 2026 : ਭਾਰਤ ਦੇਸ਼ ਦੇ ਸੂਬੇ ਮਹਾਰਾਸ਼ਟਰਾ ਦੇ ਸ਼ਹਿਰ ਮੰੁਬਈ ਦੇ ਇਕ ਹੋਟਲ ਵਿਚ ਬ੍ਰਾਡਕਾਸਟ ਇੰਜੀਨੀਅਰ ਦੀ ਭੇਦਭਰੇ ਹਾਲਾਤਾਂ ਵਿਚ ਮੌਤ ਹੋ ਜਾਣ ਦਾ ਸਮਾਚਾਰ ਹੈ। ਕੌਣ ਹੈ ਇਹ ਬ੍ਰਾਡਕਾਸਟ ਇੰਜੀਨੀਅਰ ਮਿਲੀ ਜਾਣਕਾਰੀ ਅਨੁਸਾਰ ਮੁੰਬਈ ਦੇ ਜਿਸ ਟ੍ਰਾਈਡੈਂਟ ਹੋਟਲ ਵਿਚ ਆਈ. ਪੀ. ਐਲ. ਦੇ ਮੈਚਾਂ ਲਈ ਬੀ. ਸੀ. ਸੀ. ਆਈ. ਦੇ ਨਾਲ ਬਤੌਰ ਬ੍ਰਾਡਕਾਸਟ ਇੰਜੀਨੀਅਰ ਕੰਮ ਕਰ ਰਹੇ ਜਿਸ ਵਿਦੇਸ਼ੀ ਨਾਗਰਿਕ ਦੀ ਭੇਦਭਰੇ ਹਾਲਾਤਾਂ ਵਿਚ ਮੌਤ ਹੋ ਗਈ ਹੈ ਦਾ ਨਾਮ ਇਯਾਨ ਵਿਲੀਅਮਸ ਲੈਂਗਫੋਰਡ ਦੇ ਤੌਰ ਤੇ ਹੋਈ ਹੈ। ਉਕਤ ਵਿਅਕਤੀ 76 ਸਾਲਾਂ ਦਾ ਦੱਸਿਆ ਜਾ ਰਿਹਾ ਹੈ। ਦੱਸਣਯੋਗ ਹੈ ਕਿ ਉਕਤ ਵਿਅਕਤੀ ਆਈ. ਪੀ. ਐਲ. ਮੈਚ ਦੀ ਕਵਰੇਜ ਦੇ ਸਿਲਸਿਲੇ ਵਿਚ 24 ਮਾਰਚ ਤੋਂ ਹੀ ਉਪਰੋਕਤ ਹੋਟਲ ਵਿਚ ਰੁਕਿਆ ਹੋਇਆ ਸੀ। ਵਿਲੀਅਮਸ ਕਦੋਂ ਵਾਪਸ ਆਏ ਸਨ ਹੋਟਲ ਦੇ ਕਮਰੇ ਵਿਚ ਮਿਲੀ ਜਾਣਕਾਰੀ ਮੁਤਾਬਕ ਉਕਤ 76 ਸਾਲਾ ਵਿਅਕਤੀ ਇਯਾਨ ਵਿਲੀਅਮਤ 29 ਮਾਰਚ ਨੂੰ ਮੈਚ ਤੋਂ ਬਾਅਦ ਆਪਣੇ ਹੋਟਲ ਦੇ ਕਮਰੇ ਵਿਚ ਆ ਗਏ ਸਨ ਤੇ ਅਗਲੇ ਜਦੋਂ ਹੋਟਲ ਦੇ ਰਿਸੈਪਸ਼ਨ ਤੋਂ ਉਨ੍ਹਾਂ ਦੇ ਕਮਰੇ ਵਿਚ ਕਾਲ ਕੀਤੀ ਗਈ ਤਾਂ ਅੱਗੇ ਤੋਂ ਕੋਈ ਵੀ ਜਵਾਬ ਨਾ ਮਿਲਣ ਦੇ ਚਲਦਿਆਂ ਜਦੋਂ ਹੋਟਲ ਸਟਾਫ ਵਲੋਂ ਕਮਰੇ ਦੀ ਜਾਂਚ ਲਈ ਦਰਵਾਜ਼ਾ ਖੋਲ੍ਹਿਆ ਗਿਆ ਤਾਂ ਉਕਤ ਵਿਅਕਤੀ ਜ਼ਮੀਨ ਡਿੱਗਿਆ ਹੋਇਆ ਮਿਲਿਆ। ਜਿਸ ਤੇ ਹੋਟਲ ਦੇ ਡਾਕਟਰ ਨੂੰ ਬੁਲਾ ਕੇ ਜਾਂਚ ਕੀਤੀ ਗਈ ਤਾਂ ਡਾਕਟਰ ਵਲੋਂ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਇਸ ਸਬੰਧੀ ਮੁੰਬਈ ਦੇ ਮਰੀਨ ਡਰਾਈਵ ਪੁਲਸ ਥਾਣੇ ਵਿਖੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਜਿਸਦੀ ਜਾਂਚ ਕੀਤੀ ਜਾ ਰਹੀ ਹੈ।