Patiala News
ਐੱਨਕੇ ਸ਼ਰਮਾ ਵੱਲੋਂ ਤ੍ਰਿਪੜੀ, ਪਟਿਆਲਾ ਸ਼ਹਿਰ ਤੇ ਘਨੌਰ ’ਚ ਪ੍ਰਚਾਰ
ਅਕਾਲੀ ਉਮੀਦਵਾਰ ਐੱਨ ਕੇ ਸ਼ਰਮਾ ਨੇ ਪਟਿਆਲਾ ਦਿਹਾਤੀ ਹਲਕੇ ਦੇ ਪ੍ਰਮੁੱਖ ਬਾਜਾਰ ਤ੍ਰਿਪੜੀ ਅਤੇ ਪਟਿਆਲਾ ਸ਼ਹਿਰ ਸਮੇਤ ਘਨੌਰ ਦੇ ਮੁੱਖ ਬਾਜ਼ਾਰ ਵਿੱਚ ਵੀ ਇਕੱਲੀ ਇਕੱਲੀ ਦੁਕਾਨ ਤੱਕ ਪਹੁੰਚ ਕਰ ਕੇ ਦੁਕਾਨਦਾਰਾਂ ਤੋਂ ਵੋਟਾਂ ਮੰਗੀਆਂ। ਉਨ੍ਹ੍ਵਾਂ ਕਿਹਾ ਕਿ ਉਹ ਤਿੰਨ ਦਹਾਕਿਆਂ ਤੋਂ ਇੱਕੋ ਪਾਰਟੀ ਅਕਾਲੀ ਦਲ ਨਾਲ ਜੁੜਿਆ ਹੋਇਆ ਜ਼ਮੀਨ ਤੋਂ ਉਠਿਆ ਹੋਇਆ ਇੱਕ ਅਜਿਹਾ ਵਰਕਰ ਹੈ, ਜਿਸ ਨੂੰ ਪਾਰਟੀ ਨੇ ਘਰੋਂ ਸੱਦ ਕੇ ਟਿਕਟ ਦਿੱਤੀ ਹੈ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਸ਼ਹਿਰੀ ਪ੍ਰਧਾਨ ਅਮਿਤ ਰਾਠੀ, ਹਲਕਾ ਇੰਚਾਰਜ ਬਿੱਟੂ ਚੱਠਾ, ਅਮਰਿੰਦਰ ਬਜਾਜ, ਭੁਪਿੰਦਰ ਸ਼ੇਖੂਪੁਰ, ਸ਼੍ਰੋਮਣੀ ਕਮੇਟੀ ਮੈਂਬਰ ਜਸਮੇਰ ਲਾਛੜੂ ਤੇ ਸੁਖਜੀਤ ਬਘੌਰਾ ਸਮੇਤ ਕਈ ਹੋਰ ਆਗੂ ਵੀ ਮੌਜੂਦ ਸਨ। ਸ਼ਰਮਾ ਦਾ ਕਹਿਣਾ ਸੀ ਕਿ ‘ਆਪ’ ਸਰਕਾਰ ਦੇ ਰਾਜ ਵਿੱਚ ਵਪਾਰੀ, ਉਦਯੋਗਪਤੀ, ਰੀਅਲ ਅਸਟੇਟ ਕਾਰੋਬਾਰੀਆਂ ਸਮੇਤ ਆਮ ਆਦਮੀ ਵੀ ਪੀੜਤ ਹੈ। ਇਸ ਮੌਕੇ ਦੁਕਾਨਦਾਰਾਂ ਨੇ ਸ਼ਰਮਾ ਨੂੰ ਭਰੋਸਾ ਦੁਆਇਆ ਕਿ ਉਹ ਪਟਿਆਲਾ ਦੇ ਵਿਕਾਸ ਲਈ ਅਕਾਲੀ ਦਲ ਦੇ ਹੱਕ ਵਿਚ ਭੁਗਤਣਗੇ।
Related Post
Admin
(Chief Editor)
