ਕਰੋੜਾਂ ਦੀ ਠੱਗੀ ਦੇ ਮੁਲਜ਼ਮ ਰਵਿੰਦਰਨਾਥ ਸੋਨੀ `ਤੇ ਮੁਕੱਦਮਾ ਦਰਜ

by Jasbeer Singh
December 26, 2025

ਕਰੋੜਾਂ ਦੀ ਠੱਗੀ ਦੇ ਮੁਲਜ਼ਮ ਰਵਿੰਦਰਨਾਥ ਸੋਨੀ `ਤੇ ਮੁਕੱਦਮਾ ਦਰਜ ਕਾਨਪੁਰ, 26 ਦਸੰਬਰ 2025 : 700 ਤੋਂ ਵੱਧ ਲੋਕਾਂ ਨਾਲ ਲੱਗਭਗ 1500 ਕਰੋੜ ਰੁਪਏ ਦੀ ਠੱਗੀ ਮਾਰਨ ਦੇ ਮੁਲਜ਼ਮ ਰਵਿੰਦਰਨਾਥ ਸੋਨੀ ਦੇ ਖਿਲਾਫ ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ. ਡੀ.) ਨੇ ਮਨੀ ਲਾਂਡਰਿੰਗ ਐਕਟ ਤਹਿਤ ਮੁਕੱਦਮਾ ਦਰਜ ਕਰ ਲਿਆ। ਹੈ। ਓਧਰ, ਕਾਨਪੁਰ ਪੁਲਸ ਨੇ ਬੁੱਧਵਾਰ ਨੂੰ ਉਸ ਦੇ ਖਿਲਾਫ 2 ਹੋਰ ਮੁਕੱਦਮੇ ਦਰਜ ਕੀਤੇ, ਜਿਸ ਤੋਂ ਬਾਅਦ ਉਸ ’ਤੇ ਦਰਜ ਮਾਮਲਿਆਂ ਦੀ ਕੁੱਲ ਗਿਣਤੀ 17 ਹੋ ਗਈ ਹੈ। ਸੋਨੀ ਦੇ ਖਾਤਿਆਂ ਤੋਂ ਫਿਲਮ ਅਦਾਕਾਰ ਸੋਨੂੰ ਸੂਦ ਦੇ ਨਾਲ ਲੈਣ-ਦੇਣ ਦੀ ਪੁਸ਼ਟੀ ਦਿੱਲੀ ਨਿਵਾਸੀ ਰਵਿੰਦਰਨਾਥ ਸੋਨੀ ਅਤੇ ਉਸ ਦੀਆਂ ਦੋਵਾਂ ਪਤਨੀਆਂ ਦੀਆਂ ਚੱਲ-ਅਚੱਲ ਜਾਇਦਾਦਾਂ ਦੇ ਸਬੰਧ `ਚ ਈ. ਡੀ. ਨੇ ਕਾਨਪੁਰ ਪੁਲਸ ਤੋਂ ਵਿਸਥਾਰਤ ਜਾਣਕਾਰੀ ਮੰਗੀ ਹੈ। ਪੁਲਸ ਇਸ ਮਾਮਲੇ ਨਾਲ ਜੁੜਿਆ ਵੱਡਾ ਵੇਰਵਾ ਪਹਿਲਾਂ ਹੀ ਈ. ਡੀ. ਨੂੰ ਮੁਹੱਈਆ ਕਰਵਾ ਚੁੱਕੀ ਹੈ। ਜਾਂਚ `ਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਸੋਨੀ ਦੇ ਖਾਤਿਆਂ ਤੋਂ ਫਿਲਮ ਅਦਾਕਾਰ ਸੋਨੂੰ ਸੂਦ ਨਾਲ ਲੈਣ-ਦੇਣ ਦੀ ਪੁਸ਼ਟੀ ਹੋਈ ਹੈ, ਜਦੋਂ ਕਿ ਕਈ ਹੋਰ ਫਿਲਮੀ ਸਿਤਾਰਿਆਂ ਨਾਲ ਉਸ ਦੇ ਸੰਪਰਕ ਦੀ ਵੀ ਜਾਣਕਾਰੀ ਮਿਲੀ ਹੈ। ਆਪਣੀ ਹੀ ਕੰਪਨੀ ਦੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਵੀ ਨਹੀਂ ਛੱਡਿਆ ਜਾਂਚ `ਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਸੋਨੀ ਨੇ ਆਪਣੀ ਹੀ ਕੰਪਨੀ ਦੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਵੀ ਨਹੀਂ ਛੱਡਿਆ । ਬਲਿਊਚਿਪ ਕੰਪਨੀ ਦੀ ਰਿਲੇਸ਼ਨਸ਼ਿਪ ਮੈਨੇਜਰ ਨੇਹਾ ਸਕਸੈਨਾ ਨਾਲ 17 ਲੱਖ ਅਤੇ ਬਿਹਾਰ ਦੇ ਗੋਪਾਲਗੰਜ ਨਿਵਾਸੀ ਐੱਨ. ਆਰ. ਆਈ. ਸੰਦੀਪ ਪਾਂਡੇ ਨਾਲ 6.50 ਕਰੋੜ ਰੁਪਏ ਦੀ ਠੱਗੀ ਕੀਤੀ ਗਈ । ਸਿ਼ਕਾਇਤ ਤੇ ਕੋਤਵਾਲੀ ਥਾਣੇ ਵਿਚ ਕਰ ਲਏ ਗਏ ਹਨ ਮਾਮਲੇ ਦਰਜ ਦੋਵਾਂ ਦੀ ਸਿ਼ਕਾਇਤ `ਤੇ ਕੋਤਵਾਲੀ ਥਾਣੇ `ਚ ਮੁਕੱਦਮੇ ਦਰਜ ਕਰ ਲਏ ਗਏ ਹਨ। ਧਿਆਨਯੋਗ ਹੈ ਕਿ 42.29 ਲੱਖ ਰੁਪਏ ਦੀ ਧੋਖਾਦੇਹੀ ਦੇ ਇਕ ਮਾਮਲੇ `ਚ ਰਵਿੰਦਰਨਾਥ ਸੋਨੀ ਨੂੰ ਦੇਹਰਾਦੂਨ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ । ਇਸ ਤੋਂ ਬਾਅਦ ਐੱਸ. ਆਈ. ਟੀ. ਦੀ ਜਾਂਚ ’ਚ ਉਸ ਵੱਲੋਂ 700 ਤੋਂ ਵੱਧ ਲੋਕਾਂ ਨਾਲ ਲੱਗਭਗ 1500 ਕਰੋੜ ਰੁਪਏ ਦੀ ਠੱਗੀ ਕੀਤੇ ਜਾਣ ਦਾ ਖੁਲਾਸਾ ਹੋਇਆ ।