ਬੈਂਗਲੁਰੂ ਅੱਤਵਾਦੀ ਸਾਜ਼ਿਸ਼ੀ ਮਾਮਲੇ ਵਿਚ ਲਸ਼ਕਰ ਨਾਲ ਜੁੜੇ ਮੁਲਜ਼ਮਾਂ ਖਿਲਾਫ਼ ਚਾਰਜਸ਼ੀਟ ਦਾਇਰ

by Jasbeer Singh
January 3, 2026

ਬੈਂਗਲੁਰੂ ਅੱਤਵਾਦੀ ਸਾਜ਼ਿਸ਼ੀ ਮਾਮਲੇ ਵਿਚ ਲਸ਼ਕਰ ਨਾਲ ਜੁੜੇ ਮੁਲਜ਼ਮਾਂ ਖਿਲਾਫ਼ ਚਾਰਜਸ਼ੀਟ ਦਾਇਰ ਨਵੀਂ ਦਿੱਲੀ, 3 ਜਨਵਰੀ 2026 : ਰਾਸ਼ਟਰੀ ਜਾਂਚ ਏਜੰਸੀ (ਐੱਨ. ਆਈ. ਏ.) ਨੇ ਬੈਂਗਲੁਰੂ 'ਚ 2023 ਦੇ ਇਕ ਮਾਮਲੇ 'ਚ ਪਾਕਿਸਤਾਨ ਸਥਿਤ ਅੱਤਵਾਦੀ ਸੰਗਠਨ ਲਸ਼ਕਰ-ਏ-ਤੋਇਬਾ ਨਾਲ ਜੁੜੇ 3 ਮੁਲਜ਼ਮਾਂ ਖਿਲਾਫ਼ ਚਾਰਜਸ਼ੀਟ ਦਾਇਰ ਕੀਤੀ ਹੈ, ਜਿਨ੍ਹਾਂ 'ਚ ਇਕ ਮਨੋਵਿਗਿਆਨੀ ਵੀ ਸ਼ਾਮਲ ਹੈ। ਅਧਿਕਾਰੀਆਂ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਈ. ਡੀ. ਨੇ ਕੀਤਾ ਸੀ ਤਿੰਨਾਂ ਨੂੰ ਵੱਖ ਵੱਖ ਧਾਰਾਵਾਂ ਤਹਿਤ ਨਾਮਜਦ ਅਧਿਕਾਰੀਆਂ ਅਨੁਸਾਰ ਬੈਂਗਲੁਰੂ ਦੀ ਇਕ ਅਦਾਲਤ 'ਚ ਦਾਖਲ ਦੂਜੀ ਸਪਲੀਮੈਂਟਰੀ ਚਾਰਜਸ਼ੀਟ 'ਚ ਐੱਨ. ਆਈ. ਏ. ਨੇ ਅਨੀਸ ਫਾਤਿਮਾ, ਚਾਨ ਪਾਸਾ ਏ. ਅਤੇ ਨਾਗਰਾਜ ਐੱਸ. ਨੂੰ ਭਾਰਤੀ ਦੰਡਾਵਲੀ (ਆਈ. ਪੀ.. ਐੱਸ.), ਗੈਰ-ਕਾਨੂੰਨੀ ਸਰਗਰਮੀਆਂ (ਰੋਕਥਾਮ) ਕਾਨੂੰਨ, ਵਿਸਫੋਟਕ ਪਦਾਰਥ ਕਾਨੂੰਨ, ਭ੍ਰਿਸ਼ਟਾਚਾਰ ਰੋਕੂ ਕਾਨੂੰਨ ਅਤੇ ਕਰਨਾਟਕ ਜੇਲ ਕਾਨੂੰਨ ਦੀਆਂ ਵੱਖ-ਵੱਖ ਧਾਰਾਵਾਂ ਤਹਿਤ ਨਾਮਜ਼ਦ ਕੀਤਾ ਹੈ । ਮੂਲ ਤੌਰ ਤੇ ਮਾਮਲਾ ਕੀਤਾ ਗਿਆ ਸੀ 2023 ਵਿਚ ਦਰਜ ਇਹ ਮਾਮਲਾ ਮੂਲ ਤੌਰ 'ਤੇ ਬੈਂਗਲੁਰੂ ਸਿਟੀ ਪੁਲਸ ਨੇ ਜੁਲਾਈ 2023 'ਚ ਦਰਜ ਕੀਤਾ ਸੀ । ਇਹ ਉਨ੍ਹਾਂ ਅਪਰਾਧੀਆਂ ਕੋਲੋਂ ਹਥਿਆਰ, ਗੋਲਾ-ਬਾਰੂਦ ਅਤੇ ਡਿਜੀਟਲ ਉਪਕਰਣ ਬਰਾਮਦ ਹੋਣ ਨਾਲ ਜੁੜਿਆ ਸੀ, ਜਿਨ੍ਹਾਂ ਨੇ ਬੈਂਗਲੁਰੂ 'ਚ ਦਹਿਸ਼ਤ ਫੈਲਾਉਣ ਦੀ ਸਾਜ਼ਿਸ਼ ਰਚੀ ਸੀ ਅਤੇ ਉਨ੍ਹਾਂ ਦਾ ਇਰਾਦਾ ਭਾਰਤ ਦੀ ਪ੍ਰਭੂਸੱਤਾ ਤੇ ਸੁਰੱਖਿਆ ਨੂੰ ਨੁਕਸਾਨ ਪਹੁੰਚਾਉਣਾ ਸੀ ।