ਦੋਸਤ ਦੀ ਜਨਮ ਦਿਨ ਦੀ ਪਾਰਟੀ `ਚ ਡਾਕਟਰ ਨਾਲ ਕੀਤਾ ਗਿਆ ਜਬਰ-ਜਨਾਹ

by Jasbeer Singh
April 15, 2026

ਦੋਸਤ ਦੀ ਜਨਮ ਦਿਨ ਦੀ ਪਾਰਟੀ `ਚ ਡਾਕਟਰ ਨਾਲ ਕੀਤਾ ਗਿਆ ਜਬਰ-ਜਨਾਹ ਝਾਰਖੰਡ (ਰਾਂਚੀ), 15 ਅਪ੍ਰੈਲ 2026 : ਭਾਰਤ ਦੇਸ਼ ਦੇ ਸੂਬੇ ਝਾਰਖੰਡ ਤੇ ਜਿ਼ਲਾ ਰਾਂਚੀ ਵਿਖੇ ਇਕ ਮਹਿਲਾ ਡਾਕਟਰ ਨਾਲ ਇਕ ਪਾਰਟੀ ਵਿਚ ਜਬਰ ਜਨਾਹ ਕੀਤੇ ਜਾਣ ਦਾ ਸਮਾਚਾਰ ਮਿਲਿਆ ਹੈ। ਕੀ ਹੈ ਪੂਰਾ ਮਾਮਲਾ ਮਿਲੀ ਜਾਣਕਾਰੀ ਮੁਤਾਬਕ ਸੂਬੇ ਝਾਰਖੰਡ ਦੇ ਜਿਲਾ ਰਾਂਚੀ ਵਿਖੇ ਜਨਮ ਦਿਨ ਦੀ ਪਾਰਟੀ `ਚ ਇਕ ਵਿਅਕਤੀ ਨੇ ਪਹਿਲਾਂ ਇਕ ਦੰਦਾਂ ਦੀ ਡਾਕਟਰ ਨੂੰ ਕਥਿਤ ਤੌਰ `ਤੇ ਨਸ਼ੀਲਾ ਪਦਾਰਥ ਪਿਲਾਇਆ ਅਤੇ ਉਸ ਤੋਂ ਬਾਅਦ ਉਸ ਨਾਲ ਜਬਰ-ਜ਼ਨਾਹ ਕੀਤਾ । ਪੁਲਸ ਵਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਇਹ ਘਟਨਾ 9 ਅਪ੍ਰੈਲ ਦੀ ਹੈ, ਜਦੋਂ ਪੀੜ੍ਹਤ ਔਰਤ ਲਾਲਪੁਰ ਥਾਣਾ ਖੇਤਰ ਦੇ ਇਕ ਅਪਾਰਟਮੈਂਟ `ਚ ਆਪਣੇ ਇਕ ਮਿੱਤਰ ਦੀ ਜਨਮ ਦਿਨ ਪਾਰਟੀ `ਚ ਗਈ ਸੀ । ਕੀ ਦੱਸਿਆ ਪੁਲਸ ਨੇ ਪੁਲਸ ਨੇ ਦੱਸਿਆ ਕਿ ਮੇਜ਼ਬਾਨ ਦੇ ਇਕ ਮਿੱਤਰ ਨੇ ਕਥਿਤ ਤੌਰ `ਤੇ ਔਰਤ ਦਾ ਜਿਨਸੀ ਸ਼ੋਸ਼ਣ ਕੀਤਾ । ਲਾਲਪੁਰ ਪੁਲਸ ਥਾਣੇ ਦੇ ਇੰਚਾਰਜ ਅਧਿਕਾਰੀ ਰੂਪੇਸ਼ ਕੁਮਾਰ ਸਿੰਘ ਨੇ ਕਿਹਾ ਕਿ ਪੀੜਤਾ ਦੇ ਬਿਆਨ ਦੇ ਆਧਾਰ `ਤੇ ਅਸੀਂ ਭਾਰਤੀ ਨਿਆਂ ਸੰਹਿਤਾ (ਬੀ. ਐੱਨ. ਐੱਸ.) ਦੀਆਂ ਸਬੰਧਤ ਧਾਰਾਵਾਂ ਹੇਠ ਐਫ. ਆਈ. ਆਰ. ਦਰਜ ਕਰ ਲਈ ਹੈ।