ਮੁੰਬਈ `ਚ ਨਸ਼ੀਲੇ ਪਦਾਰਥ ਗਿਰੋਹ ਦਾ ਪਰਦਾਫਾਸ਼

by Jasbeer Singh
May 14, 2026

ਮੁੰਬਈ `ਚ ਨਸ਼ੀਲੇ ਪਦਾਰਥ ਗਿਰੋਹ ਦਾ ਪਰਦਾਫਾਸ਼ ਠਾਣੇ, 14 ਮਈ 2026 : ਭਾਰਤ ਦੇਸ਼ ਦੇ ਸੂਬੇ ਮਹਾਰਾਸ਼ਟਰ ਦੇ ਸ਼ਹਿਰ ਮੁੰਬਈ ਵਿਖੇ ਇਕ ਨਸ਼ੀਲੇ ਪਦਾਰਥਾਂ ਦੇ ਗਿਰੋਹ ਦਾ ਪਰਦਾਫਾਸ਼ ਕੀਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। 100 ਕਰੋੜ ਰੁਪਏ ਦੀ ਡਰੱਗਜ਼ ਬਣਾਉਣ ਦਾ ਕੱਚਾ ਮਾਲ ਜ਼ਬਤ ਮੁੰਬਈ `ਚ ਨਸ਼ੀਲੇ ਪਦਾਰਥਾਂ ਦੇ ਇਕ ਨਿਰਮਾਣ ਨੈੱਟਵਰਕ ਦਾ ਪਰਦਾਫਾਸ਼ ਕਰਦੇ ਹੋਏ ਪੁਲਸ ਨੇ 4 ਲੱਖ ਰੁਪਏ ਮੁੱਲ ਦਾ ਕੱਚਾ ਮਾਲ ਅਤੇ ਰਸਾਇਣ ਜ਼ਬਤ ਕੀਤਾ ਹੈ, ਜਿਸ ਨਾਲ 100 ਕਰੋੜ ਰੁਪਏ ਮੁੱਲ ਦੀ ਮੇਫੇਡ੍ਰੋਨ (ਇਕ ਤਰ੍ਹਾਂ ਦੀ ਡਰੱਗਜ਼ ਤਿਆਰ ਕੀਤੀ ਜਾ ਸਕਦੀ ਸੀ । ਅਧਿਕਾਰੀਆਂ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਪੁਲਸ ਨੇ ਦਾਅਵਾ ਕੀਤਾ ਕਿ ਇਸ ਕਾਰਵਾਈ ਜ਼ਰੀਏ ਸਮੱਗਲਰਾਂ ਦੇ ਉਸ ਮਨਸੂਬੇ `ਤੇ ਪਾਣੀ ਫੇਰ ਦਿੱਤਾ ਗਿਆ ਹੈ, ਜਿਸ ਤਹਿਤ ਬਾਜ਼ਾਰ `ਚ ਭਾਰੀ ਮਾਤਰਾ `ਚ `ਬਨਾਉਟੀ ਨਸ਼ੀਲੇ ਪਦਾਰਥ` ਖਪਾਉਣ ਦੀ ਤਿਆਰੀ ਸੀ । ਕੀ ਦੱਸਿਆ ਪੁਲਸ ਇੰਸਪੈਕਟਰ ਨੇ ਅਧਿਕਾਰੀਆਂ ਅਨੁਸਾਰ ਪਿਛਲੇ ਮਹੀਨੇ ਦੇ ਸ਼ੁਰੂ `ਚ ਮੇਰੇਡ੍ਰੋਨ ਸਮੱਗਲਿੰਗ ਨੈੱਟਵਰਕ ਦੀ ਜਾਂਚ ਆਰੰਭ ਹੋਈ ਸੀ। ਇਸੇ ਕੜੀ `ਚ ਹਾਲ ਹੀ `ਚ ਮੁੰਬਈ ਦੇ ਮਾਲਵਣੀ (ਸਾਮਾਨ ਨਗਰੀ ਅਤੇ ਆਜਮੀ ਨਗਰ) ਅਤੇ `ਗੋਰਾਈ (ਮੌਜ ਮਨੋਰੀ) ਤੋਂ ਰਸਾਇਣ ਅਤੇ ਨਿਰਮਾਣ ਯੰਤਰ ਜ਼ਬਤ ਕੀਤੇ ਗਏ, ਜਿਨ੍ਹਾਂ ਦੀ ਕੁੱਲ ਕੀਮਤ 4 ਲੱਖ ਰੁਪਏ ਹੈ । ਮੀਰਾ ਭਾਇੰਦਰ-ਵਸਈ ਵਿਰਾਰ ਅਪਰਾਧ ਇਕਾਈ ਦੇ ਸੀਨੀਅਰ ਪੁਲਸ ਇੰਸਪੈਕਟਰ ਪ੍ਰਮੋਦ ਬਡਾਖ ਨੇ ਦਾਅਵਾ ਕੀਤਾ ਕਿ ਤਿਆਰ ਉਤਪਾਦ ਦੇ ਰੂਪ `ਚ ਇਨ੍ਹਾਂ ਦਾ ਸੰਭਾਵੀ ਬਾਜ਼ਾਰ ਮੁੱਲ 100 ਕਰੋੜ ਰੁਪਏ ਤੱਕ ਪਹੁੰਚ ਜਾਣਾ ਸੀ ।