ਚੇਨਈ `ਚ ਚੋਣ ਕਮਿਸ਼ਨ ਨੇ ਜ਼ਬਤ ਕੀਤੇ ਕਰੋੜਾਂ ਰੁਪਏ ਦੇ ਗਹਿਣੇ

by Jasbeer Singh
March 28, 2026

ਚੇਨਈ `ਚ ਚੋਣ ਕਮਿਸ਼ਨ ਨੇ ਜ਼ਬਤ ਕੀਤੇ ਕਰੋੜਾਂ ਰੁਪਏ ਦੇ ਗਹਿਣੇ ਚੇਨਈ, 28 ਮਾਰਚ 2026 : ਭਾਰਤ ਦੇਸ਼ ਦੇ ਸ਼ਹਿਰ ਚੇਨਈ ਵਿਖੇ ਚੋਣ ਕਮਿਸ਼ਨ ਵਲੋਂ ਕਰੋੜਾਂ ਰੁਪਏ ਦੇ ਗਹਿਣੇ ਇਕ ਕਾਰ ਵਿਚੋਂ ਜਬਤ ਕੀਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਕਿੰਨੇ ਕਰੋੜ ਦੇ ਗਹਿਣੇ ਕੀਤੇ ਗਏ ਹਨ ਜਬਤ ਚੋਣ ਕਮਿਸ਼ਨ ਦੇ ਉੱਡਣ ਦਸਤੇ ਨੇ ਚੇਨਈ ਸ਼ਹਿਰ `ਚ ਵਾਹਨਾਂ ਦੀ ਜਾਂਚ ਦੌਰਾਨ 77 ਕਰੋੜ ਰੁਪਏ ਦੇ ਸੋਨੇ ਅਤੇ ਚਾਂਦੀ ਦੇ ਗਹਿਣੇ ਜ਼ਬਤ ਕੀਤੇ ਹਨ । ਪੁਲਸ ਦੇ ਅਨੁਸਾਰ ਇਹ ਗਹਿਣੇ 26 ਮਾਰਚ ਦੀ ਰਾਤ ਟੀ. ਨਗਰ ਵਿਧਾਨ ਸਭਾ ਖੇਤਰ ਦੇ ਅਸ਼ੋਕ ਨਗਰ ਇਲਾਕੇ `ਚੋਂ ਜ਼ਬਤ ਕੀਤੇ ਗਏ । ਚੋਣ ਕਮਿਸ਼ਨ ਦੇ ਉੱਡਣ ਦਸਤੇ ਨੇ ਵਾਹਨਾਂ ਦੀ ਜਾਂਚ ਦੌਰਾਨ ਇਕ ਵਾਹਨ ਤੋਂ ਲੱਗਭਗ 381 ਕਿਲੋ ਸੋਨੇ ਅਤੇ ਚਾਂਦੀ ਦੇ ਗਹਿਣੇ ਬਰਾਮਦ ਕੀਤੇ । ਕੀ ਦੱਸਿਆ ਪੁਲਸ ਅਧਿਕਾਰੀ ਨੇ ਪੁਲਸ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਵਾਹਨ ਚਾਲਕ ਤੋਂ ਪੁੱਛਗਿੱਛ ਕਰਨ `ਤੇ ਪਤਾ ਲੱਗਾ ਕਿ ਆਮ ਤੌਰ `ਤੇ ਜਿਸ ਵਾਹਨ ਰਾਹੀਂ ਗਹਿਣੇ ਲਿਜਾਏ ਜਾਂਦੇ ਸਨ, ਉਸ ਦਾ ਟਾਇਰ ਫਟ ਗਿਆ ਸੀ, ਇਸ ਲਈ ਗਹਿਣੇ ਨੂੰ ਦੂਜੇ ਵਾਹਨ ਰਾਹੀਂ ਸੁਨਿਆਰੇ ਕੋਲ ਲਿਜਾਇਆ ਜਾ ਰਿਹਾ ਸੀ । ਹਾਲਾਂਕਿ ਮੌਕੇ `ਤੇ ਗਹਿਣਿਆਂ ਨਾਲ ਸਬੰਧਤ ਜਾਇਜ਼ ਦਸਤਾਵੇਜ਼ ਪੇਸ਼ ਨਾ ਕਰ ਸਕਣ ਕਾਰਨ ਪੂਰਾ ਸਾਮਾਨ ਜ਼ਬਤ ਕਰ ਲਿਆ ਗਿਆ ।