20 ਰੁਪਏ ਦੇ ਨਕਲੀ ਸਿੱਕਿਆਂ ਦੇ ਕਾਰੋਬਾਰ ਵਿਚ ਸ਼ਾਮਲ ਪੰਜ ਗ੍ਰਿਫਤਾਰ

20 ਰੁਪਏ ਦੇ ਨਕਲੀ ਸਿੱਕਿਆਂ ਦੇ ਕਾਰੋਬਾਰ ਵਿਚ ਸ਼ਾਮਲ ਪੰਜ ਗ੍ਰਿਫਤਾਰ

ਜੀਰਕਪੁਰ, 15 ਸਤੰਬਰ 2026 : ਪੰਜਾਬ ਦੇ ਜਿਲਾ ਮੋਹਾਲੀ ਅਧੀਨ ਆਉਂਦੇ ਸ਼ਹਿਰ ਜੀਰਕਪੁਰ (Zirakpur) ਵਿਖੇ 20 ਰੁਪਏ ਦੇ ਨਕਲੀ ਸਿੱਕਿਆਂ ਦੇ ਕਾਰੋਬਾਰ ਵਿਚ ਸਰਗਨਾਂ ਸਮੇਤ ਪੰਜ ਨੂੰ ਗ੍ਰਿਫ਼ਤਾਰ (Arrested) ਕੀਤਾ ਹੈ ।

ਕਿੰਨੇ ਕਰੋੜ ਦਾ ਕੀਤਾ ਜਾ ਚੁੱਕਿਆ ਹੈ ਕਾਰੋਬਾਰ

ਮਿਲੀ ਜਾਣਕਾਰੀ ਅਨੁਸਾਰ ਜਿਸ ਗਿਰੋਹ ਵਲੋਂ ਹਰਿਆਣਾ ਦੇ ਸੋਨੀਪਤ ਵਿਚ ਮਸ਼ੀਨ ਲਗਾ ਕੇ 20 ਰੁਪਏ ਦੇ ਨਕਲੀ ਸਿੱਕਿਆਂ (Counterfeit coins) ਦਾ ਕਾਰੋਬਾਰ ਕੀਤਾ ਜਾ ਰਿਹਾ ਸੀ ਦੇ ਗਿਰੋਹ ਦੇ ਸਰਗਨਾਂ ਸਮੇਤ ਜਿਨ੍ਹਾਂ ਪੰਜ ਵਿਅਕਤੀਆਂ ਨੂੰ ਅੱਜ ਸਹਾਰਨਪੁਰ ਪੁਲਸ ਵਲੋਂ ਅੱਜ ਜੀਰਕਪੁਰ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਦੇ ਵਲੋਂ ਹੁਣ ਤੱਕ 70 ਕਰੋੜ ਰੁਪਏ ਤੋਂ ਵਧ ਮੁੱਲ ਕੇ ਸਿੱਕੇ ਬਾਜਾਰ ਵਿਚ ਖਪਾਏ ਜਾ ਚੁੱਕੇ ਹਨ ।

ਕਿਹੜੇ ਕਿਹੜੇ ਸੂਬਿਆਂ ਵਿਚ ਜਾਂਦਾ ਸੀ ਪਹੁੰਚਾਇਆ

ਉਕਤ ਗਿਰੋਹ ਦੇ ਪਕੜੇ ਗਏ ਪੰਜ ਮੈਂਬਰਾਂ ਤੋਂ ਕੀਤੀ ਗਈ ਸ਼ੁਰੂਆਤੀ ਪੁੱਛਗਿੱਛ ਦੌਰਾਨ ਪਤਾ ਚੱਲਿਆ ਹੈ ਕਿ ਜਿਥੇ ਹੁਣ ਤੱਕ ਉਹ 70 ਕਰੋੜ ਰੁਪਏ ਤੋਂ ਵਧ ਦੇ 20 ਰੁਪਏ ਦੇ ਨਕਲੀ ਸਿੱਕੇ ਮਾਰਕੀਟ ਵਿਚ ਭੇਜ ਚੁੱਕੇ ਹਨ, ਉਥੇ ਹੀ ਇਹ ਸਿੱਕੇ ਪੰਜਾਬ, ਹਰਿਆਣਾ, ਉਤਰ ਪ੍ਰਦੇਸ ਅਤੇ ਬਿਹਾਰ ਤੱਕ ਪਹੁੰਚਾ ਕੇ ਖਪਾਏ ਜਾਂਦੇ ਸਨ ।

ਕੀ ਕੀ ਬਰਾਮਦ ਕੀਤਾ ਗਿਆ ਹੈ ਗਿਰੋਹ ਕੋਲੋਂ

ਪੁਲਸ ਨੇ ਪਕੜੇ ਗਏ ਮੁਲਜ਼ਮਾਂ ਦੇ ਕਬਜ਼ੇ ਵਿੱਚੋਂ 20 ਰੁਪਏ ਦੇ 6400 ਨਕਲੀ ਸਿੱਕੇ (Counterfeit coins) ਬਰਾਮਦ ਕੀਤੇ ਹਨ, ਜਿਨ੍ਹਾਂ ਦੀ ਕੁੱਲ ਅੰਦਾਜਨ ਕੀਮਤ 1.28 ਲੱਖ ਰੁਪਏ ਹੈ । ਇਸ ਤੋਂ ਇਲਾਵਾ ਕਰੀਬ ਪੰਜ ਲੱਖ ਰੁਪਏ ਮੁੱਲ ਦੇ ਅਧਬਣੇ ਸਿੱਕੇ ਵੀ ਮਿਲੇ ਹਨ । ਸਿੱਕੇ ਤਿਆਰ ਕਰਨ ਲਈ ਵਰਤੀਆਂ ਜਾਣ ਵਾਲੀਆਂ ਛੇ ਮਸ਼ੀਨਾਂ, ਪੰਜ ਲੋਹੇ ਦੀਆਂ ਡਾਈ, ਬਿਨਾਂ ਮੁਹਰ ਵਾਲੀਆਂ 39 ਡਾਈ, ਮੁਹਰ ਲੱਗੀਆਂ 20 ਡਾਈ, ਡਾਈ ਪਾਲਿਸ਼ ਕਰਨ ਵਾਲੀ ਮਸ਼ੀਨ ਅਤੇ ਦੋ ਘਿਸਾਈ ਪੱਥਰਾਂ ਸਮੇਤ ਹੋਰ ਸਾਮਾਨ ਵੀ ਪੁਲਸ ਨੇ ਬਰਾਮਦ ਕੀਤਾ ਹੈ । ਪਕੜੇ ਗਏ ਵਿਅਕਤੀਆਂ ਵਲੋਂ ਸੋਨੀਪਤ ਵਿੱਚ ਇਨ੍ਹਾਂ ਹੀ ਉਪਕਰਣਾਂ ਦੀ ਮਦਦ ਨਾਲ ਨਕਲੀ ਸਿੱਕੇ ਤਿਆਰ ਕੀਤੇ ਜਾ ਰਹੇ ਸਨ । ਪੁਲਸ ਨੂੰ ਮੁਲਜ਼ਮਾਂ ਕੋਲੋਂ 500-500 ਰੁਪਏ ਦੇ 20 ਨੋਟ, ਅੱਠ ਮੋਬਾਈਲ ਫੋਨ ਅਤੇ ਦੋ ਕਾਰਾਂ ਵੀ ਮਿਲੀਆਂ ਹਨ । ਬਰਾਮਦ ਸਾਮਾਨ ਨੂੰ ਜਾਂਚ ਦੇ ਦਾਇਰੇ ਵਿੱਚ ਲਿਆ ਗਿਆ ਹੈ ।

ਕੀ ਦੱਸਿਆ ਪੁਲਸ ਅਧਿਕਾਰੀਆਂ ਨੇ

ਪੁਲਸ ਅਧਿਕਾਰੀ ਐਸ. ਐਸ. ਪੀ. ਅਭਿਨੰਦਨ (S. S. P. Abhinandan) ਦੇ ਦੱਸਣ ਮੁਤਾਬਕ ਸਹਾਰਨਪੁਰ ਪੁਲਸ ਨੂੰ ਸੂਚਨਾ ਪ੍ਰਾਪਤ ਹੋਈ ਸੀ ਕਿ ਬਾਜ਼ਾਰ ਵਿਚ ਨਕਲੀ ਸਿੱਕੇ ਚੱਲ ਰਹੇ ਹਨ, ਜਿਸ ਸਬੰਧੀ ਜਦੋਂ ਜਾਂਚ ਵਿਚ ਲੱਗੀਆਂ ਕੋਤਵਾਲੀ, ਐਸ. ਓ. ਜੀ. ਅਤੇ ਸਰਵਿਲਾਂਸ ਟੀਮਾਂ ਨੇ ਜਾਂਚ ਕੀਤੀ ਤਾਂ ਪਾਇਆ ਕਿ ਗਿਰੋਹ ਵਲੋਂ ਸੋਨੀਪਤ ਵਿਖੇ ਮਸ਼ੀਨਾਂ ਲਗਾ ਕੇ ਕਾਰੋਬਾਰ ਕੀਤਾ ਜਾ ਰਿਹਾ ਹੈ ਅਤੇ ਫਿਰ ਜਿਨ੍ਹਾਂ ਵਿਅਕਤੀਆਂ ਵਲੋਂ ਇਸ ਕਾਰੋਬਾਰ ਨੂੰ ਕੀਤਾ ਜਾ ਰਿਹਾ ਸੀ ਦੇ ਕਿਥੇ ਛੁਪੇ ਹੋਣ ਸਬੰਧੀ ਪਤਾ ਲੱਗਿਆ ਅਤੇ ਜੀਰਕਪੁਰ ਵਿਖੇ ਛਾਪਾ ਮਾਰ ਕੇ ਪਕੜਿਆ ਗਿਆ ।

ਬਰਾਮਦ ਹੋਏ ਰਜਿਸਟਰ ਵਿਚ ਹੈ ਕੀ ਕੀ ਦਰਜ

ਪੁਲਸ ਵਲੋਂ ਗਿਰੋਹ ਦੇ ਮੈਂਬਰਾਂ ਦੀ ਕੀਤੀ ਗਈ ਫੜੋ-ਫੜੀ ਦੌਰਾਨ ਇਕ ਕਾਰਵਾਈ ਰਜਿਸਟਰ ਵੀ ਮਿਲਿਆ ਹੈ, ਜਿਸ ਵਿਚ ਹਿਸਾਬ-ਕਿਤਾਬ ਦਰਜ ਹੈ ਕਿ ਕਿਸ ਵਿਅਕਤੀ ਨੂੰ ਕਿੰਨੇ ਸਿੱਕੇ ਕਦੋਂ ਅਤੇ ਕਿਥੇ ਪਹੁੰਚਾਏ ਗਏ ਹਨ । ਇਸ ਤੋਂ ਇਲਾਵਾ ਪੁਲਸ ਨੂੰ ਇੱਕ ਪੈਡ ਅਤੇ ਚੈੱਕਬੁੱਕ ਵੀ ਮਿਲੀ ਹੈ । ਹੁਣ ਰਜਿਸਟਰਾਂ ਵਿੱਚ ਦਰਜ ਲੈਣ-ਦੇਣ ਅਤੇ ਮੋਬਾਈਲ ਫੋਨਾਂ ਵਿੱਚ ਮੌਜੂਦ ਸੰਪਰਕਾਂ ਦੀ ਜਾਂਚ ਕਰਕੇ ਇਹ ਪਤਾ ਲਗਾਉਣ ਦੀ ਕੋਸਿ਼ਸ਼ ਕੀਤੀ ਜਾ ਰਹੀ ਹੈ ਕਿ ਨਕਲੀ ਸਿੱਕਿਆਂ ਦੀਆਂ ਖੇਪਾਂ ਕਿਹੜੇ ਲੋਕਾਂ ਰਾਹੀਂ ਬਾਜ਼ਾਰ ਤੱਕ ਪਹੁੰਚਾਈਆਂ ਜਾਂਦੀਆਂ ਸਨ ।