ਪਤੀ ਨੇ ਪਤਨੀ ਨੂੰ ਫੋਨ ਤੇ ਹੀ ਤਲਾਕ ਦੇ ਕੇ ਕੀਤਾ ਨੰਬਰ ਬਲਾਕ

by Jasbeer Singh
February 5, 2026

ਪਤੀ ਨੇ ਪਤਨੀ ਨੂੰ ਫੋਨ ਤੇ ਹੀ ਤਲਾਕ ਦੇ ਕੇ ਕੀਤਾ ਨੰਬਰ ਬਲਾਕ ਨਵੀਂ ਦਿੱਲੀ, 5 ਫਰਵਰੀ 2026 : ਭਾਰਤ ਦੇਸ਼ ਦੀ ਰਾਜਧਾਨੀ ਦਿੱਲੀ ਦੇ ਸੁੰਦਰੀ ਨਗਰ ਵਿਖੇ ਪਤੀ ਵਲੋਂ ਪਤਨੀ ਨੂੰ ਫੋਨ ਤੇ ਹੀ ਤਲਾਕ ਦੇ ਕੇ ਫਿਰ ਉਸਦਾ ਨੰਬਰ ਬਲਾਕ ਕਰ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪਤਨੀ ਨੇ ਪੁਲਸ ਨੂੰ ਦਿੱਤੀ ਸਿ਼ਕਾਇਤ ਵਿਚ ਕੀ ਦੱਸਿਆ ਦਿੱਲੀ ਦੇ ਸੁੰਦਰੀ ਨਗਰ ਵਿਖੇ ਜੋ ਇਕ ਪਤੀ ਵਲੋਂ ਆਪਣੀ ਪਤਨੀ ਨੂੰ ਫੋਨ ਤੇ ਹੀ ਤਿੰਨ ਵਾਰ ਤਲਾਕ-ਤਲਾਕ-ਤਲਾਕ ਆਖ ਕੇ ਤਲਾਕ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ ਦੇ ਮਾਮਲੇ ਵਿਚ ਪਤਨੀ ਵਲੋਂ ਪਤੀ ਵਿਰੁੱਧ ਪੁਲਸ ਨੂੰ ਦਿੱਤੀ ਸਿ਼ਕਾਇਤ ਵਿਚ ਦੱਸਿਆ ਕਿ ਕਿਸ ਤਰ੍ਹਾਂ ਉਸਦੇ ਪਤੀ ਨੇ ਵਟਸਐਪ ਕਾਲ ਤੇ ਤਿੰਨ ਵਾਰ ਤਲਾਕ-ਤਲਾਕ-ਤਲਾਕ ਕਿਹਾ ਤੇ ਉਸ ਤੋਂ ਬਾਅਦ ਉਸਦਾ ਨੰਬਰ ਹੀ ਬਲਾਕ ਕਰ ਦਿੱਤਾ। ਨੰਦ ਨਗਰੀ ਪੁਲਸ ਨੇ ਔਰਤ ਦੇ ਬਿਆਨ `ਤੇ ਮੁਸਲਿਮ ਵੁਮੈਨ ਪ੍ਰੋਟੈਕਸ਼ਨ ਆਫ ਰਾਈਟਸ ਆਨ ਮੈਰਿਜ ਐਕਟ 2019 ਦੀ ਧਾਰਾ 4 ਦੇ ਤਹਿਤ ਮੁਕੱਦਮਾ ਦਰਜ ਕਰ ਲਿਆ ਹੈ। ਕਦੋਂ ਹੋਇਆ ਸੀ ਔਰਤ ਦਾ ਵਿਆਹ ਮਿਲੀ ਜਾਣਕਾਰੀ ਅਨੁਸਾਰ ਜਿਸ ਔਰਤ ਨੂੰ ਉਸਦੇ ਪਤੀ ਵਲੋਂ ਫੋਨ ਤੇ ਹੀ ਕਾਲ ਕਰਕੇ ਤਲਾਕ ਦੇ ਦਿੱਤਾ ਗਿਆ ਹੈ ਉਹ 27 ਸਾਲਾ ਦੀ ਹੈ ਤੇ ਸੁੰਦਰ ਨਗਰੀ ਦੀ ਰਹਿਣ ਵਾਲੀ ਹੈ। ਔਰਤ ਦਾ ਨਿਕਾਹ 22 ਅਪ੍ਰੈਲ 2025 ਨੂੰ ਹਾਪੁੜ ਦੇ ਰਹਿਣ ਵਾਲੇ ਆਸਿਫ਼ ਅਲੀ ਨਾਲ ਮੁਸਲਿਮ ਰੀਤੀ-ਰਿਵਾਜਾਂ ਅਨੁਸਾਰ ਹੋਇਆ ਸੀ । ਨਿਕਾਹ ਦੇ ਕੁਝ ਸਮੇਂ ਬਾਅਦ ਹੀ ਘਰੇਲੂ ਵਿਵਾਦਾਂ ਕਰ ਕੇ ਦੋਵਾਂ ਦੇ ਵਿਚਕਾਰ ਅਣਬਣ ਸ਼ੁਰੂ ਹੋ ਗਈ। ਵਿਵਾਦ ਇੰਨਾ ਵਧਿਆ ਕਿ ਕਰੀਬ ਇਕ ਸਾਲ ਪਹਿਲਾਂ ਆਸਿਫ਼ ਆਪਣੀ ਪਤਨੀ ਨੂੰ ਉਸ ਦੇ ਪੇਕੇ ਛੱਡ ਗਿਆ ਅਤੇ ਫਿਰ ਕਦੇ ਵਾਪਸ ਲੈਣ ਨਹੀਂ ਆਇਆ।