National
ਨਾਬਾਲਗ ਵਿਦਿਆਰਥਣ ਨਾਲ ਬਸ ਡਰਾਈਵਰ ਤੇ ਕੰਡਕਟਰ ਨੇ ਕੀਤਾ ਜਬਰ ਜਨਾਹ
ਨਾਬਾਲਗ ਵਿਦਿਆਰਥਣ ਨਾਲ ਬਸ ਡਰਾਈਵਰ ਤੇ ਕੰਡਕਟਰ ਨੇ ਕੀਤਾ ਜਬਰ ਜਨਾਹ
ਨਵੀਂ ਦਿੱਲੀ, 31 ਅਗਸਤ 2026 : ਭਾਰਤ ਦੇਸ਼ ਦੀ ਰਾਜਧਾਨੀ ਦਿੱਲੀ (Delhi) ਵਿਖੇ ਇਕ ਬਸ ਡਰਾਈਵਰ ਤੇ ਕੰਡਕਟਰ ਵਲੋਂ ਨਾਬਾਲਗ ਵਿਦਿਆਰਥਣ (Minor student) ਨਾਲ ਜਬਰ ਜਨਾਹ (Rape) ਕੀਤਾ ਗਿਆ ਹੈ ।
ਕੌਣ ਹਨ ਇਹ ਦੋਵੇਂ ਜਣੇ
ਮਿਲੀ ਜਾਣਕਾਰੀ ਅਨੁਸਾਰ ਦਿੱਲੀ ਵਿਖੇ ਜੋ ਇਕ ਸਲੀਪਰ ਬਸ ਵਿਚ ਸਵਾਰ ਹੋਈ ਨਾਬਾਲਗ 11ਵੀਂ ਜਮਾਤ ਦੀ ਵਿਦਿਆਰਥਣ ਨਾਲ ਬਸ ਦੇ ਡਰਾਈਵਰ ਤੇ ਕੰਡਕਟਰ ਵਲੋਂ ਜਬਰ ਜਨਾਹ ਕੀਤਾ ਗਿਆ ਹੈ ਵਿਚ ਦੋਹਾਂ ਦੀ ਪਛਾਣ ਡਰਾਈਵਰ ਕੁਲਦੀਪ ਅਤੇ ਕੰਡਕਟਰ ਸੰਦੀਪ ਦੇ ਤੌਰ 'ਤੇ ਹੋਈ ਹੈ । ਦੱਸਣਯੋਗ ਹੈ ਕਿ ਵਿਦਿਆਰਥਣ ਘਰ ਵਾਲਿਆਂ ਤੋਂ ਨਾਰਾਜ ਹੋ ਕੇ ਘਰੋਂ ਬਾਹਰ ਨਿਕਲ ਗਈ ਸੀ ਤੇ ਉਪਰੋਕਤ ਬਸ ਵਿਚ ਜਦੋਂ ਸਵਾਰ ਹੋ ਗਈ ਤਾਂ ਕੰਡਕਟਰ ਨੇ ਅਸ਼ਲੀਲ ਹਰਕਤਾਂ ਕਰਦਿਆਂ ਕਰਦਿਆਂ ਦੋਹਾਂ ਨੇ ਲੜਕੀ ਨਾਲ ਜਬਰ ਜਨਾਹ ਕੀਤਾ ਤੇ ਕਸ਼ਮੀਰੀ ਗੇਟ ਬੱਸ ਅੱਡੇ ਕੋਲ ਰਿੰਗ ਰੋਡ 'ਤੇ ਲੜਕੀ ਨੂੰ ਉਤਾਰ ਕੇ ਫਰਾਰ ਹੋ ਗਏ ।
ਕੀ ਦੱਸਿਆ ਵਿਦਿਆਰਥਣ ਨੇ ਕਸ਼ਮੀਰੀ ਗੇਟ ਪੁਲਸ ਨੂੰ
ਉਪਰੋਕਤ ਵਾਪਰੇ ਜਬਰ ਜਨਾਹ ਵਰਗੇ ਭਿਆਨਕ ਘਟਨਾਕ੍ਰਮ ਦੀ ਪੀੜ੍ਹਤ 16 ਸਾਲਾ ਵਿਦਿਆਰਥਣ ਨੇ ਕਸ਼ਮੀਰੀ ਗੇਟ ਪੁਲਸ ਨਾਲ ਸੰਪਰਕ ਕੀਤਾ ਅਤੇ ਸਮੁੱਚੀ ਘਟਨਾ ਬਾਰੇ ਦੱਸਿਆ । ਜਿਸ 'ਤੇ ਪੁਲਸ ਨੇ ਜਿਥੇ ਬਸ ਡਰਾਈਵਰ ਤੇ ਕੰਡਕਟਰ ਦੋਹਾਂ ਨੂੰ ਗ੍ਰਿਫ਼ਤਾਰ (Arrested) ਕੀਤਾ, ਉਥੇ ਬਸ ਨੂੰ ਵੀ ਆਪਣੇ ਕਬਜੇ ਵਿਚ ਲੈ ਲਿਆ ਹੈ, ਜਿਸਦੀ ਫਾਰੈਂਸਿਕ ਜਾਂਚ ਕੀਤੀ ਜਾ ਰਹੀ ਹੈ । ਪ੍ਰਾਪਤ ਸੂਚਨਾ ਮੁਤਾਬਕ ਦੋਵੇਂ ਜਣੇ ਲੜਕੀ ਨਾਲ ਜਬਰ ਜਨਾਹ ਕਰਦੇ ਵੇਲੇ ਬਸ ਨੂੰ 47 ਕਿਲੋਮੀਟਰ ਤੱਕ ਸੜਕ 'ਤੇ ਦੌੜਾਉਂਦੇ ਰਹੇ। ਪੁਲਸ ਨੇ ਦੋਹਾਂ ਵਿਰੁੱਧ ਕੇਸ ਦਰਜ (Case registered) ਕਰਕੇ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ।
