ਪੰਜਾਬ ਸਰਕਾਰ ਨੇ ਪਨਬਸ ਜਲੰਧਰ ਡਿਪ ਪ੍ਰਧਾਨ ਨੂੰ ਕੀਤਾ ਸਸਪੈਂਡ

by Jasbeer Singh
November 29, 2025

ਪੰਜਾਬ ਸਰਕਾਰ ਨੇ ਪਨਬਸ ਜਲੰਧਰ ਡਿਪ ਪ੍ਰਧਾਨ ਨੂੰ ਕੀਤਾ ਸਸਪੈਂਡ ਚੰਡੀਗੜ੍ਹ, 29 ਨਵੰਬਰ 2025 : ਪੰਜਾਬ ਰੋਡਵੇਜ਼ ਦੇ ਕੱਚੇ ਕਾਮਿਆਂ ਦੀ ਚੱਲ ਰਹੀ ਹੜਤਾਲ ਖਿ਼ਲਾਫ਼ ਪੰਜਾਬ ਸਰਕਾਰ ਨੇ ਸਖਤ ਐਕਸ਼ਨ ਲੈਂਦਿਆਂ ਪੱਤਰ ਜਾਰੀ ਕਰਕੇ ਪਨਬਸ ਜਲੰਧਰ ਡਿਪੂ ਦੇ ਪ੍ਰਧਾਨ ਬਿਰਮਜੀਤ ਸਿੰਘ ਨੂੰ ਸਸਪੈਂਡ ਕਰ ਦਿੱਤਾ ਹੈ। ਦੱਸਣਯੋਗ ਹੈ ਕਿ ਸਰਕਾਰ ਵਲੋਂ ਜਾਰੀ ਪੱਤਰ ਗੈਰ-ਕਾਨੂੰਨੀ ਢੰਗ ਨਾਲ ਲਗਾਏ ਗਏ ਧਰਨੇ ਨੂੰ ਲੈ ਕੇ ਪਨਬਸ ਡਿਪੂ-1 ਦੇ ਪ੍ਰਧਾਨ ਬਿਕਰਮਜੀਤ ਸਿੰਘ ਦੀਆਂ ਸੇਵਾਵਾਂ ਸਮਾਪਤ ਕਰ ਦਿੱਤੀਆਂ ਹਨ । ਕੀ ਆਖਿਆ ਗਿਆ ਹੈ ਪੱਤਰ ਵਿਚ ਸਰਕਾਰ ਵਲੋਂ ਜਾਰੀ ਕੀਤੇ ਪੱਤਰ ’ਚ ਆਖਿਆ ਗਿਆ ਹੈ ਕਿ 28 ਨਵੰਬਰ 2025 ਨੂੰ ਬਿਕਰਮਜੀਤ ਸਿੰਘ (ਕੰਡਕਟਰ ਨੰਬਰ ਸੀ. ਟੀ. ਸੀ-06) ਵੱਲੋਂ ਗੈਰ-ਕਾਨੂੰਨੀ ਹੜਤਾਲ ਵਿਚ ਹਿੱਸਾ ਲੈਣ ਕਾਰਨ ਡਿਊਟੀ ਰੂਟਾਂ ਦੇ ਅਨੁਸਾਰ 380 ਕਿਲੋਮੀਟਰ ਦੀ ਡਿਊਟੀ ਮਿਸ ਕੀਤੀ ਗਈ ਅਤੇ ਮੁਕੇਰੀਆਂ-ਜਲੰਧਰ-ਅੰਮ੍ਰਿਤਸਰ-ਜਲੰਧਰ-ਪਠਾਨਕੋਟ ਰੂਟ ’ਤੇ ਪਨਬਸ ਦੀ ਬੱਸ ਸੇਵਾ ਨਾ ਦੇਣ ਦੇ ਕਾਰਨ ਜਨਤਾ ਨੂੰ ਕਾਫ਼ੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ । ਇਸ ਦੌਰਾਨ ਵਿਭਾਗ ਨੂੰ 11 ਹਜ਼ਾਰ 939 ਰੁਪਏ ਦਾ ਵਿੱਤੀ ਨੁਕਸਾਨ ਹੋਇਆ । ਜਦਕਿ 28 ਨਵੰਬਰ 2025 ਨੂੰ ਇਸ ਸਬੰਧ ’ਚ ਨੋਟਿਸ ਜਾਰੀ ਕਰਦੇ ਹੋਏ ਤੁਰੰਤ ਡਿਊਟੀ ’ਤੇ ਹਾਜਰ ਹੋਣ ਦੇ ਹੁਕਮ ਦਿੱਤੇ ਗਏ ਸਨ ਪਰ 29 ਨਵੰਬਰ 2025 ਨੂੰ ਤੁਹਾਡੀ ਡਿਊਟੀ ਰੂਟ ਦੇ ਅਨੁਸਾਰ ਮੁਕੇਰੀਆਂ-ਜਲੰਧਰ-ਅੰਮ੍ਰਿਤਸਰ-ਜਲੰਧਰ-ਪਠਾਨਕੋਟ ਲੱਗੀ ਹੋਈ ਸੀ । ਬਿਕਰਮਜੀਤ ਸਿੰਘ ਨੇ ਗੈਰ-ਕਾਨੂੰਨੀ ਹੜ੍ਹਤਾਲ ਵਿਚ ਹਿੱਸਾ ਲੈ ਕੀਤਾ ਵਿੱਤੀ ਨੁਕਸਾਨ ਅਜਿਹੇ ’ਚ 29 ਨਵੰਬਰ ਨੂੰ ਮੁਕੇਰੀਆਂ ਤੋਂ ਬੱਸ ਨੂੰ ਜਲੰਧਰ ਵਰਕਸ਼ਾਪ ’ਚ ਖੜ੍ਹਾ ਦਿੱਤਾ ਅਤੇ ਬਿਕਰਮਜੀਤ ਸਿੰਘ ਗੈਰ-ਕਾਨੂੰਨੀ ਹੜਤਾਲ ਵਿਚ ਸ਼ਾਮਲ ਹੋ ਗਏ ਅਤੇ ਉਨ੍ਹਾਂ 301 ਕਿਲੋਮੀਟਰ ਦੀ ਡਿਊਟੀ ਮਿਸ ਕਰ ਦਿੱਤੀ । ਇਸ ਦੌਰਾਨ ਬਿਕਰਮਜੀਤ ਸਿੰਘ ਨੇ ਗੈਰ-ਕਾਨੂੰਨੀ ਹੜਤਾਲ ਵਿਚ ਹਿੱਸਾ ਲਿਆ, ਜਿਸ ਕਾਰਨ ਵਿਭਾ ਨੂੰ 9520 ਰੁਪਏ ਦਾ ਵਿੱਤੀ ਨੁਕਸਾਨ ਹੋਇਆ । ਇਸ ਪ੍ਰਕਾਰ ਹੁਣ ਤੱਕ ਤੁਹਾਡੇ ਕਾਰਨ ਕੁਲ 21,459 ਰੁਪਏ ਦਾ ਨੁਕਸਾਨ ਹੋਇਆ ਹੈ। ਸਥਿਤੀ ਨੂੰ ਧਿਆਨ ਵਿਚ ਰੱਖਦਿਆਂ ਵਿਭਾਗ ਅਤੇ ਤੁਹਾਡੇ ਦਰਮਿਆਨ ਹੋਏ ਐਗਰੀਮੈਂਟ ਦੀ ਸ਼ਰਤ ਸੰਖਿਆ 15 ਅਨੁਸਾਰ ਤੁਹਾਡੇ ਵੱਲੋਂ ਕੀਤੇ ਗਏ ਵਿੱਤੀ ਨੁਕਸਾਨ ਅਤੇ ਹੜਤਾਲ ’ਚ ਹਿੱਸਾ ਲੈਣ ਕਾਰਨ ਤੁਹਾਡੀਆਂ ਸੇਵਾਵਾਂ ਖਤਮ ਕੀਤੀਆਂ ਜਾ ਰਹੀਆਂ ਹਨ ।