ਆਈ. ਆਈ. ਟੀ. ਦੀ ਸੇਵਾਮੁਕਤ ਮੁਲਾਜ਼ਮ ਨਾਲ ਹੋਈ ਕਰੋੜਾਂ ਦੀ ਧੋਖਾਦੇਹੀ

by Jasbeer Singh
February 7, 2026

ਆਈ. ਆਈ. ਟੀ. ਦੀ ਸੇਵਾਮੁਕਤ ਮੁਲਾਜ਼ਮ ਨਾਲ ਹੋਈ ਕਰੋੜਾਂ ਦੀ ਧੋਖਾਦੇਹੀ ਮੁੰਬਈ, 7 ਫਰਵਰੀ 2026 : ਇੰਡੀਅਨ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ ਮੁੰਬਈ ਦੀ ਇਕ 74 ਸਾਲਾ ਸੇਵਾਮੁਕਤ ਮੁਲਾਜ਼ਮ ਨਾਲ ਕਰੋੜਾਂ ਰੁਪਏ ਦੀ ਧੋਖਾਧੜੀ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਕਿਵੇਂ ਕੀਤੀ ਗਈ ਧੋਖਾਧੜੀ ਮਿਲੀ ਜਾਣਕਾਰੀ ਅਨੁਸਾਰ ਆਈ. ਟੀ. ਆਈ. ਮੁੰਬਈ ਦੀ ਇਕ ਰਿਟਾਇਰਡ ਮੁਲਾਜਮ ਨਾਲ ਜੋ ਕਰੋੜਾਂ ਦੀ ਧੋਖਾਧੜੀ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ ਦੇ ਚਲਦਿਆਂ 4 ਕਰੋੜ 62 ਲੱਖ ਰੁਪਏ ਦੀ ਧੋਖਾਧੜੀ ਕੀਤੀ ਗਈ। ਰਿਟਾਇਰਡ ਮੁਲਾਜਮ ਨੂੰ ਸੀ. ਬੀ. ਆਈ. ਦੀ ਕਾਰਵਾਈ ਦੀ ਧਮਕੀ ਦਿੱਤੀ ਗਈ ਸੀ, ਜਿਸਦੇ ਚਲਦਿਆਂ ਕੁੱਝ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਵੀ ਕੀਤਾ ਗਿਆ ਹੈ। ਕਿਹੜੇ 2 ਮੁਲਜ਼ਮ ਕੀਤੇ ਗਏ ਹਨ ਗ੍ਰਿਫ਼ਤਾਰ ਜਿਨ੍ਹਾਂ ਵਿਅਕਤੀਆਂ ਨੇ ਆਈ. ਟੀ. ਆਈ. ਦੀ ਰਿਟਾਇਰਡ ਮੁਲਾਜਮ ਨਾਲ ਧੋਖਾਧੜੀ ਕੀਤੀ ਸੀ ਦੀ ਪਛਾਣ ਮੁਲਜ਼ਮਾਂ ਦੀ ਪਛਾਣ ਨਰਿੰਦਰ ਸਿਨ੍ਹਾ ਤੇ ਗੁੰਜਨ ਦੇਵ ਕੁਮਾਰ ਵਜੋਂ ਹੋਈ ਹੈ। ਮੁਲਮਮਾਂ ਨੇ ਕਿਵੇਂ ਕੀਤੀ ਧੋਖਾਧੜੀ ਪੀੜਤਾ ਨੂੰ ਪਹਿਲਾਂ ਇਕ ਵਿਅਕਤੀ ਦੀ ਵੀਡੀਓ ਕਾਲ ਆਈ ਜਿਸ ਨੇ ਆਪਣੀ ਪਛਾਣ ਦੂਰਸੰਚਾਰ ਵਿਭਾਗ ਦੇ ਅਧਿਕਾਰੀ ਵਜੋਂ ਕਰਵਾਈ ਅਤੇ ਉਸ ਤੋਂ ਬਾਅਦ ਇਕ ਹੋਰ ਮੁਲਜ਼ਮ ਜੋ ਆਈ. ਪੀ. ਐੱਸ. ਅਧਿਕਾਰੀ ਵਜੋਂ ਪੇਸ਼ ਹੋਇਆ ਨੇ ਪੀੜਤਾ ’ਤੇ ਆਪਣੇ ਆਧਾਰ ਕਾਰਡ ਦੀ ਵਰਤੋਂ ਕਰਕੇ ਬੈਂਕ ਖਾਤਾ ਖੋਲ੍ਹਣ ਤੇ ਫਿਰ ਉਸ ’ਤੇ 6 ਕਰੋੜ ਰੁਪਏ ਦੀ ਧੋਖਾਦੇਹੀ ਕਰਨ ਦਾ ਦੋਸ਼ ਲਾਇਆ । ਪੀੜ੍ਹਤਾ ਨੂੰ ਦੱਸਿਆ ਗਿਆ ਕਿ ਸੀ. ਬੀ. ਆਈ. ਨੇ ਇਸ ਸਬੰਧੀ ਕੇਸ ਦਰਜ ਕੀਤਾ ਹੈ। ਦਬਾਅ ਹੇਠ ਆਈ ਪੀੜਤ ਔਰਤ ਨੇ ਅਕਤੂਬਰ 2025 ਤੇ ਜਨਵਰੀ 2026 ਅਪਰਾਧੀਆਂ ਵੱਲੋਂ ਪ੍ਰਦਾਨ ਕੀਤੇ ਗਏ ਬੈਂਕ ਖਾਤਿਆਂ `ਚ 4 ਕਰੋੜ 62 ਲੱਖ ਰੁਪਏ ਟ੍ਰਾਂਸਫਰ ਕੀਤੇ।