ਓਡੀਸ਼ਾ `ਚ ਅਧਿਕਾਰੀ ਦੇ ਫਲੈਟ ਤੋਂ ਮਿਲੇ 4.27 ਕਰੋੜ ਰੁਪਏ

by Jasbeer Singh
February 26, 2026

ਓਡੀਸ਼ਾ `ਚ ਅਧਿਕਾਰੀ ਦੇ ਫਲੈਟ ਤੋਂ ਮਿਲੇ 4.27 ਕਰੋੜ ਰੁਪਏ ਭੁਵਨੇਸ਼ਵਰ, 26 ਫਰਵਰੀ 2026 : ਭਾਰਤ ਦੇਸ਼ ਦੇ ਸੂਬੇ ਓਡੀਸਾ ਵਿਖੇ ਭ੍ਰਿ਼ਸ਼ਟਾਚਾਰ ਦੇ ਇਕ ਮਾਮਲੇ ਵਿਚ ਇਕ ਅਧਿਕਾਰੀ ਕੋਲੋਂ ਕਰੋੜਾਂ ਰੁਪਏ ਬਰਾਮਦ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਕਿੰਨੇ ਰੁਪਏ ਦੀ ਨਗਦੀ ਬਰਾਮਦ ਹੋਈ ਹੈ ਅਧਿਕਾਰੀ ਦੇ ਘਰੋਂ ਭ੍ਰਿਸ਼ਟਾਚਾਰ ਦੇ ਇਕ ਮਾਮਲੇ `ਚ ਗ੍ਰਿਫ਼ਤਾਰ ਓਡੀਸ਼ਾ ਖਾਨ ਵਿਭਾਗ ਦੇ ਇਕ ਅਧਿਕਾਰੀ ਦੇ ਘਰੋਂ `ਟ੍ਰਾਲੀ ਬੈਗ` `ਚ ਰੱਖੇ ਗਏ ਨੋਟਾਂ ਦੇ ਬੰਡਲਾਂ ਸਮੇਤ ਲੱਗਭਗ 4.27 ਕਰੋੜ ਰੁਪਏ ਦੀ ਨਕਦੀ ਬਰਾਮਦ ਕੀਤੀ ਗਈ । ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਖਾਨ ਉਪ ਨਿਰਦੇਸ਼ਕ ਦੇਵਵਤ ਮੋਹੰਤੀ ਦੇ ਭੁਵਨੇਸ਼ਵਰ ਸਥਿਤ ਫਲੈਟ ਤੋਂ ਇਹ ਨਕਦੀ ਜ਼ਬਤ ਕੀਤੀ ਗਈ । ਅਧਿਕਾਰੀ ਵਿਰੁੱਧ ਵਿਜੀਲੈਂਸ ਵਲੋਂ ਕੀਤਾ ਗਿਆ ਸੀ ਭ੍ਰਿਸ਼ਟਾਚਾਰ ਦਾ ਕੇਸ ਦਰਜ ਅਧਿਕਾਰੀ ਨੂੰ ਚੌਕਸ ਵਿਭਾਗ ਨੇ ਮੰਗਲਵਾਰ ਰਾਤ ਗ੍ਰਿਫ਼ਤਾਰ ਕੀਤਾ ਸੀ, ਜਿਸ ਤੋਂ ਬਾਅਦ ਉਸ ਦੀਆਂ ਜਾਇਦਾਦਾਂ `ਤੇ ਛਾਪੇਮਾਰੀ ਕੀਤੀ ਗਈ । ਵਿਜੀਲੈਂਸ ਡਾਇਰੈਕਟਰ ਯਸ਼ਵੰਤ ਜੇਠਵਾ ਨੇ ਕਿਹਾ ਕਿ ਇਹ ਸੂਬੇ ਵਿਚ ਭ੍ਰਿਸ਼ਟਾਚਾਰ ਵਿਰੋਧੀ ਏਜੰਸੀ ਵੱਲੋਂ ਹੁਣ ਤੱਕ ਦੀ ਸਭ ਤੋਂ ਵੱਡੀ ਰਕਮ ਜ਼ਬਤ ਕੀਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਮੋਹੰਤੀ `ਤੇ 2009 `ਚ ਵੀ ਇਸੇ ਤਰ੍ਹਾਂ ਦੇ ਭ੍ਰਿਸ਼ਟਾਚਾਰ ਦਾ ਮਾਮਲਾ ਦਰਜ ਕੀਤਾ ਗਿਆ ਸੀ ਅਤੇ ਉਨ੍ਹਾਂ ਦੇ ਖਿ਼ਲਾਫ ਮਯੂਰਭੰਜ ਜਿ਼ਲਾ ਦੀ ਇਕ ਅਦਾਲਤ `ਚ ਹੁਣ ਵੀ ਮੁਕੱਦਮਾ ਚੱਲ ਰਿਹਾ ਹੈ।