Haryana News
ਸਕੂਲ ਬਸ ਨੇ ਕਾਰ ਨੂੰ ਬਚਾਉਣ ਦੇ ਚੱਕਰ ਵਿਚ ਮਾਰੀ ਕਾਰਾਂ ਨੂੰ ਟੱਕਰ
ਸਕੂਲ ਬਸ ਨੇ ਕਾਰ ਨੂੰ ਬਚਾਉਣ ਦੇ ਚੱਕਰ ਵਿਚ ਮਾਰੀ ਕਾਰਾਂ ਨੂੰ ਟੱਕਰ
ਪੰਚਕੂਲਾ, 7 ਜੁਲਾਈ 2026 : ਹਰਿਆਣਾ (Haryana) ਦੇ ਸ਼ਹਿਰ ਪੰਚਕੂਲਾ ਵਿਖੇ ਸਕੂਲ ਬਸ (School bus) ਵਲੋਂ ਘਰਾਂ ਦੇ ਬਾਹਰ ਖੜ੍ਹੀਆਂ ਕਾਰਾਂ ਨੂੰ ਟੱਕਰ ਮਾਰ ਦੇਣ ਦਾ ਘਟਨਾਕ੍ਰਮ ਵਾਪਰਨ ਦਾ ਸਮਾਚਾਰ ਹੈ ।
ਕਿਹੜੇ ਸਕੂਲ ਦੀ ਸੀ ਇਹ ਬਸ
ਮਿਲੀ ਜਾਣਕਾਰੀ ਅਨੁਸਾਰ ਪੰਚਕੂਲਾ (Panchkula) ਦੇ ਸੈਕਟਰ-26 ਵਿਚ ਜੋ ਇਕ ਸਕੂਲ ਬਸ ਵਲੋਂ ਘਰਾਂ ਦੇ ਬਾਹਰ ਸੜਕ ਤੇ ਖੜ੍ਹੀਆਂ 6 ਕਾਰਾਂ ਨੂੰ ਟੱਕਰ (Cars collide) ਮਾਰ ਦਿੱਤੀ ਗਈ ਹੈ ਵਿਚ ਜੇਕਰ ਬਸ ਦੀ ਗੱਲ ਕੀਤੀ ਜਾਵੇ ਤਾਂ ਇਹ ਬਸ ਚਿਤਕਾਰਾ ਸਕੂਲ ਦੀ ਦੱਸੀ ਜਾ ਰਹੀ ਹੈ ਤੇ ਇਹ ਬੱਸ ਬੱਚਿਆਂ ਨਾਲ ਭਰੀ ਹੋਈ ਸੀ । ਜਿਸ ਸਮੇਂ ਇਹ ਸੜਕ ਹਾਦਸਾ (Road accident) ਵਾਪਰਿਆ ਉਸ ਸਮੇਂ ਬੱਸ ਵਿਚ ਲਗਭਗ 30 ਬੱਚੇ ਸਵਾਰ ਸਨ । ਹਾਦਸੇ ਤੋਂ ਬਾਅਦ ਮੌਕੇ `ਤੇ ਅਫ਼ਰਾ-ਤਫ਼ਰੀ ਮੱਚ ਗਈ। ਹਾਲਾਂਕਿ ਵੱਡਾ ਹਾਦਸਾ ਹੋਣ ਤੋਂ ਬਚ ਗਿਆ ਤੇ ਸਾਰੇ ਬੱਚਿਆਂ ਦਾ ਬਚਾਅ ਹੋ ਗਿਆ । ਪੁਲਸ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ।
ਸੜਕ ਹਾਦਸੇ ਦਾ ਕੀ ਕਾਰਨ ਦੱਸਿਆ ਬਸ ਡਰਾਈਵਰ ਨੇ
ਘਟਨਾ ਸਮੇਂ ਮੌਕੇ ’ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਟੱਕਰ ਤੋਂ ਬਾਅਦ ਆਸ-ਪਾਸ ਦੇ ਲੋਕ ਮੌਕੇ `ਤੇ ਇਕੱਠੇ ਹੋ ਗਏ । ਘਰਾਂ ਦੇ ਬਾਹਰ ਖੜ੍ਹੀਆਂ ਕਾਰਾਂ ਦੇ ਨੁਕਸਾਨੇ ਜਾਣ ਤੋਂ ਨਾਰਾਜ਼ ਲੋਕਾਂ ਨੇ ਬੱਸ ਚਾਲਕ ਨੂੰ ਮੌਕੇ `ਤੇ ਹੀ ਫੜ ਲਿਆ । ਸੂਚਨਾ ਮਿਲਦੇ ਹੀ ਚੰਡੀ ਮੰਦਰ ਥਾਣਾ ਪੁਲਸ ਘਟਨਾ ਸਥਾਨ `ਤੇ ਪਹੁੰਚ ਗਈ । ਹਾਦਸੇ ਤੋਂ ਬਾਅਦ ਸਕੂਲ ਪ੍ਰਬੰਧਕਾਂ ਨੇ ਬੱਚਿਆਂ ਨੂੰ ਸੁਰੱਖਿਅਤ ਬੱਸ ਵਿੱਚੋਂ ਉਤਾਰਿਆ ਅਤੇ ਦੂਜੀ ਬੱਸ ਦਾ ਪ੍ਰਬੰਧ ਕਰਕੇ ਉਨ੍ਹਾਂ ਨੂੰ ਸਕੂਲ ਭੇਜ ਦਿੱਤਾ । ਬੱਸ ਡਰਾਈਵਰ (Bus driver) ਨੇ ਦੱਸਿਆ ਕਿ ਸਾਹਮਣੇ ਤੋਂ ਆ ਰਹੀ ਇੱਕ ਕਾਰ ਨੂੰ ਬਚਾਉਣ ਦੀ ਕੋਸ਼ਿਸ਼ ਵਿੱਚ ਬੱਸ ਦਾ ਸੰਤੁਲਨ ਵਿਗੜ ਗਿਆ, ਜਿਸ ਕਾਰਨ ਸੜਕ ਕਿਨਾਰੇ ਖੜ੍ਹੀਆਂ ਕਾਰਾਂ ਨਾਲ ਟੱਕਰ ਹੋ ਗਈ ।
Related Post
Admin
(Chief Editor)
