ਭਾਰੀ ਮੀਂਹ ਨਾਲ ਡਿੱਗੇ ਘਰ ਕਾਰਨ ਮਾਂ ਸਮੇਤ ਤਿੰਨ ਬੱਚਿਆਂ ਦੀ ਮੌਤ

by Jasbeer Singh
May 2, 2025

ਭਾਰੀ ਮੀਂਹ ਨਾਲ ਡਿੱਗੇ ਘਰ ਕਾਰਨ ਮਾਂ ਸਮੇਤ ਤਿੰਨ ਬੱਚਿਆਂ ਦੀ ਮੌਤ ਨਵੀਂ ਦਿੱਲੀ : ਭਾਰਤ ਦੇਸ਼ ਦੀ ਰਾਜਧਾਨੀ ਦਿੱਲੀ ਦਿੱਲੀ ਦੇ ਨਜ਼ਫਗੜ੍ਹ ਵਿਖੇ ਇਕ ਘਰ ਦੇ ਭਾਰੀ ਮੀਂਹ ਨਾਲ ਡਿੱਗਣ ਦੇ ਚਲਦਿਆਂ ਘਰ ਵਿਚ ਮੌਜੂਦ ਰਹਿ ਰਹੇ ਮਾਂ ਤੇ ਤਿੰਨ ਪੁੱਤਰਾਂ ਦੀ ਮੌਤ ਹੋ ਗਈ ਹੈ, ਜਦੋਂ ਕਿ ਘਰ ਵਿਚ ਮੌਜੂਦ ਬੱਚਿਆਂ ਦੇ ਪਿਤਾ ਨੂੰ ਸੱਟਾਂ ਲੱਗੀਆਂ ਹਨ।ਦਿੱਲੀ ਵਿਖੇ ਬੀਤੀ ਰਾਤ ਆਏ ਭਾਰੀ ਮੀਂਤ ਤੇ ਝੱਖੜ ਕਾਰਨ ਜਿਥੇ ਦਰੱਖਤ ਆਦਿ ਜ਼ਮੀਨ ਵਿਚੋਂ ਪੁੱਟੇ ਗਏ, ਉਥੇ ਵੱਡੀ ਗਿਣਤੀ ਵਿਚ ਨੀਵੀਆਂ ਥਾਵਾਂ ਤੇ ਪਾਣੀ ਭਰ ਗਿਆ। ਦਿੱਲੀ ਵਿਖੇ ਪਏ ਭਾਰੀ ਮੀਂਹ ਤੇ ਹਨੇਰੀ ਕਾਰਨ ਜਿਥੇ ਆਮ ਜਨ ਜੀਵਨ ਪੂਰੀ ਤਰ੍ਹਾਂ ਉਥਲ ਪੁਥਲ ਹੋ ਗਿਆ, ਉਥੇ ਦਿੱਲੀ ਹਵਾਈ ਅੱਡਾ ਅਥਾਰਟੀ ਨੇ ਯਾਤਰੀਆਂ ਨੂੰ ਘਰ ਜਾਣ ਤੋਂ ਪਹਿਲਾਂ ਆਪਣੀਆਂ ਉਡਾਣਾਂ ਦੀ ਸਥਿਤੀ ਦੀ ਜਾਂਚ ਕਰਨ ਲਈ ਇੱਕ ਸਲਾਹ ਜਾਰੀ ਕੀਤੀ ਕਿਉਂਕਿ ਤੂਫ਼ਾਨ ਕਾਰਨ ਉਡਾਣਾਂ ਦਾ ਸੰਚਾਲਨ ਪ੍ਰਭਾਵਿਤ ਹੋਇਆ ਹੈ। ਮੌਸਮ ਵਿਭਾਗ ਨੇ ਦਿੱਲੀ ਐਨ. ਸੀ. ਆਰ. ਲਈ ਇੱਕ ਗੰਭੀਰ ਅਲਰਟ ਜਾਰੀ ਕਰਦਿਆਂ ਦੱਸਿਆ ਹੈ ਕਿ ਤੇਜ਼ ਹਵਾਵਾਂ, ਗੜੇਮਾਰੀ ਅਤੇ ਪੂਰੇ ਖੇਤਰ ਵਿੱਚ ਸੰਭਾਵਿਤ ਨੁਕਸਾਨ ਹੋ ਸਕਦਾ ਹੈ, ਜਿਸਦੇ ਚਲਦਿਆਂ ਲੋਕ ਘਰਾਂ ਅੰਦਰ ਰਹਿਣ, ਖਿੜਕੀਆਂ ਅਤੇ ਦਰਵਾਜ਼ੇ ਬੰਦ ਰੱਖਣ, ਬੇਲੋੜੀ ਯਾਤਰਾ ਤੋਂ ਬਚਣ ਅਤੇ ਮੌਸਮ ਦੇ ਹਾਲਾਤ ਵਿਗੜਨ ਦੀ ਸੂਰਤ ਵਿੱਚ ਸੁਰੱਖਿਅਤ ਥਾਵਾਂ `ਤੇ ਜਾਣ ਲਈ ਤਿਆਰ ਰਹਿਣ ਦੀ ਅਪੀਲ ਕੀਤੀ ਗਈ ਹੈ।