ਟੋਰਾਂਟੋ ਦੀ ਅਦਾਲਤ ਨੇ ਭਾਰਤੀ ਵਿਦਿਆਰਥੀ ਦੇ ਕਤਲ ਮਾਮਲੇ ਵਿਚ ਸੁਣਾਈ ਸਜਾ

by Jasbeer Singh
April 22, 2026

ਟੋਰਾਂਟੋ ਦੀ ਅਦਾਲਤ ਨੇ ਭਾਰਤੀ ਵਿਦਿਆਰਥੀ ਦੇ ਕਤਲ ਮਾਮਲੇ ਵਿਚ ਸੁਣਾਈ ਸਜਾ ਟੋਰਾਂਟੋ, 22 ਅਪ੍ਰੈਲ 2026 : ਕੈਨੇਡਾ ਦੇ ਸ਼ਹਿਰ ਟੋਰਾਂਟੋ ਦੀ ਅਦਾਲਤ ਵਲੋਂ ਚਾਰ ਸਾਲ ਪਹਿਲਾਂ ਭਾਰਤੀ ਵਿਦਿਆਰਥੀ ਦੇ ਕਤਲ ਮਾਮਲੇ ਵਿਚ ਕਾਤਲ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਕੀ ਸੀ ਪੂਰਾ ਮਾਮਲਾ ਮਿਲੀ ਜਾਣਕਾਰੀ ਅਨੁਸਾਰ ਟੋਰਾਂਟੋ ਦੀ ਅਦਾਲਤ ਨੇ ਜੋ ਚਾਰ ਸਾਲ ਪਹਿਲਾਂ ਹੋਏ ਇਕ ਭਾਰਤੀ ਵਿਦਿਆਰਥੀ ਦੇ ਕਤਲ ਮਾਮਲੇ ਵਿਚ ਇਕ ਨੌਜਵਾਨ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ ਮਾਮਲੇ ਵਿਚ ਭਾਰਤੀ ਵਿਦਿਆਰਥੀ ਕਾਰਤਿਕ ਵਾਸੁਦੇਵ ਹੈ ਤੇ ਅਦਾਲਤ ਨੇ ਇਸ ਵਿਦਿਆਰਥੀ ਦੇ ਕਤਲ ਮਾਮਲੇ ਵਿਚ ਰਿਚਰਡ ਐਡਵਿਨ ਨੂੰ ਦੋਸ਼ੀ ਮੰਨਦਿਆਂ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ। ਇਹ ਫੈਸਲਾ ਲਗਭਗ ਚਾਰ ਸਾਲਾਂ ਦੀ ਲੰਬੀ ਕਾਨੂੰਨੀ ਲੜਾਈ ਤੋਂ ਬਾਅਦ ਆਇਆ ਹੈ, ਜਿਸ ਨਾਲ ਕਾਰਤਿਕ ਦੇ ਪਰਵਾਰ ਨੂੰ ਕੁੱਝ ਹੱਦ ਤਕ ਸੰਤੋਖ ਮਿਲਿਆ ਹੈ ਕਿ ਨਿਆਂ ਹੋਇਆ ਹੈ । ਕੈਨੇਡਾ ਵਿਖੇ ਕਿਥੇ ਮਾਰੀਆਂ ਗਈਆਂ ਸਨ ਵਿਦਿਆਰਥੀ ਨੂੰ ਗੋਲੀਆਂ ਭਾਰਤ ਦੇ ਗਾਜ਼ੀਆਬਾਦ ਦਾ 21 ਸਾਲਾਂ ਦਾ ਕਾਰਤਿਕ ਵਾਸੁਦੇਵ ਐਮ. ਬੀ. ਏ. ਦਾ ਵਿਦਿਆਰਥੀ ਸੀ ਨੂੰ ਟੋਰਾਂਟੋ ਦੇ ਸ਼ੇਰਬੋਰਨ ਸਬਵੇ ਸਟੇਸ਼ਨ ਦੇ ਬਾਹਰ 7 ਅਪ੍ਰੈਲ 2022 ਉਸ ਨੂੰ 8 ਗੋਲੀਆਂ ਮਾਰੀ ਗਈਆਂ। ਦੋ ਦਿਨ ਬਾਅਦ, ਐਡਵਿਨ ਨੇ ਹੋਰ ਇਕ ਵਿਅਕਤੀ ਇਲਾਇਜਾ ਇਲੀਅਜ਼ਰ ਮਹੇਪਾਥ ਨੂੰ ਵੀ ਮਾਰ ਦਿਤਾ । ਐਡਵਿਨ ਨੇ ਦਲੀਲ ਦਿਤੀ ਕਿ ਉਹ ਮਾਨਸਿਕ ਬੀਮਾਰੀ ਨਾਲ ਪੀੜਤ ਹੈ ਅਤੇ ਇਸ ਲਈ ਉਸ ਨੂੰ ਅਪਰਾਧਕ ਤੌਰ ’ਤੇ ਜ਼ਿੰਮੇਵਾਰ ਨਾ ਮੰਨਿਆ ਜਾਵੇ ਪਰ ਟੋਰਾਂਟੋ ਦੀ ਉੱਚ ਅਦਾਲਤ ਦੀ ਜੱਜ ਜੇਨ ਕੇਲੀ ਨੇ ਇਹ ਦਲੀਲ ਰੱਦ ਕਰ ਦਿਤੀ। ਕਾਰਤਿਕ ਦੇ ਪਰਿਵਾਰ ਨੂੰ ਮਿਲਿਆ ਸਾਲਾਂ ਬਾਅਦ ਇਨਸਾਫ ਅਦਾਲਤ ਨੇ ਸਪਸ਼ਟ ਕੀਤਾ ਕਿ ਐਡਵਿਨ ਨੇ ਬਿਨਾਂ ਕਿਸੇ ਕਾਰਨ ਦੋ ਅਜਨਬੀਆਂ ਨੂੰ ਮਾਰਿਆ ਅਤੇ ਇਹ ਕਤਲ ਪਹਿਲੀ ਡਿਗਰੀ ਦੇ ਕਤਲ ਦੀ ਸ਼੍ਰੇਣੀ ਵਿਚ ਆਉਂਦਾ ਹੈ । ਕਾਰਤਿਕ ਦੇ ਪਰਵਾਰ ਨੇ ਕਿਹਾ ਕਿ ਚਾਰ ਸਾਲ ਦੀ ਕਾਨੂੰਨੀ ਲੜਾਈ ਤੋਂ ਬਾਅਦ ਇਹ ਫੈਸਲਾ ਉਨ੍ਹਾਂ ਲਈ ਬਹੁਤ ਮਹੱਤਵਪੂਰਨ ਹੈ । ਉਨ੍ਹਾਂ ਨੇ ਕਿਹਾ ਕਿ ‘ਕਾਰਤਿਕ ਦੀ ਮੌਤ ਸਾਡੇ ਲਈ ਬੇਹੱਦ ਦੁਖਦਾਈ ਸੀ, ਪਰ ਹੁਣ ਸਾਨੂੰ ਇਹ ਜਾਣ ਕੇ ਕੁੱਝ ਹੱਦ ਤਕ ਸ਼ਾਂਤੀ ਮਿਲੀ ਹੈ ਕਿ ਦੋਸ਼ੀ ਨੂੰ ਉਸ ਦੇ ਅਪਰਾਧ ਲਈ ਸਜ਼ਾ ਮਿਲੀ ਹੈ ।