ਮੁੰਬਈ ਹਵਾਈ ਅੱਡੇ `ਤੇ ਕਰੋੜਾਂ ਰੁਪਇਆਂ ਦੇ ਹੀਰਿਆਂ ਸਮੇਤ ਦੋ ਤਸਕਰ ਕਾਬੂ

by Jasbeer Singh
May 15, 2026

ਮੁੰਬਈ ਹਵਾਈ ਅੱਡੇ `ਤੇ ਕਰੋੜਾਂ ਰੁਪਇਆਂ ਦੇ ਹੀਰਿਆਂ ਸਮੇਤ ਦੋ ਤਸਕਰ ਕਾਬੂ ਮੁੰਬਈ, 15 ਮਈ 2026 : ਭਾਰਤ ਦੇਸ ਦੇ ਸੂਬੇੇ ਮਹਾਰਾਸ਼ਟਰ ਦੇ ਮੁੰੁਬਈ ਹਵਾਈ ਅੱਡੇ ਤੇ ਦੋ ਵਿਅਕਤੀਆਂ ਨੂੰ ਜਾਂਚ ਦੌਰਾਨ ਕਰੋੜਾਂ ਰੁਪਏ ਦੇ ਹੀਰਿਆਂ ਸਮੇਤ ਗ੍ਰਿਫ਼ਤਾਰ ਕੀਤੇ ਜਾਣ ਦਾ ਸਮਾਚਾਰ ਹੈ। ਕੀ ਹੈ ਪੂਰਾ ਮਾਮਲਾ ਮਿਲੀ ਜਾਣਕਾਰੀ ਮੁਤਾਬਕ ਡਾਇਰੈਕਟੋਰੇਟ ਆਫ ਰੈਵੇਨਿਊ ਇੰਟੈਲੀਜੈਂਸ ਨੇ ਮੁੰਬਈ ਅੰਤਰਰਾਸ਼ਟਰੀ ਹਵਾਈ ਅੱਡੇ `ਤੇ ਦੋ ਯਾਤਰੀਆਂ ਨੂੰ ਹਿਰਾਸਤ ਵਿੱਚ ਲਿਆ ਅਤੇ ਉਨ੍ਹਾਂ ਤੋਂ 5.70 ਕਰੋੜ ਰੁਪਏ ਦੇ ਹੀਰੇ ਬਰਾਮਦ ਕੀਤੇ। ਇੱਕ ਅਧਿਕਾਰੀ ਨੇ ਕਿਹਾ ਕਿ ਦੋਸ਼ੀਆਂ ਨੇ ਇਹ ਹੀਰੇ ਆਪਣੇ ਸਰੀਰ ਵਿੱਚ ਲੁਕਾਏ ਸਨ । ਉਨ੍ਹਾਂ ਕਿਹਾ ਕਿ ਦੋਵੇਂ ਦੋਸ਼ੀ ਹੀਰਿਆਂ ਦੀ ਤਸਕਰੀ ਬੈਂਕਾਕ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ । ਦੋਵੇਂ ਯਾਤਰੀਆਂ ਨੇ ਡੀ. ਆਰ. ਆਈ. ਅਧਿਕਾਰੀਆਂ ਨੂੰ ਕੀ ਦੱਸਿਆ ਡੀ. ਆਰ. ਆਈ. ਅਧਿਕਾਰੀ ਨੇ ਕਿਹਾ ਕਿ ਛਤਰਪਤੀ ਸਿ਼ਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ `ਤੇ ਫੜੇ ਜਾਣ ਤੋਂ ਬਾਅਦ, ਦੋਵਾਂ ਯਾਤਰੀਆਂ ਨੇ ਜਾਂਚਕਰਤਾਵਾਂ ਨੂੰ ਦੱਸਿਆ ਕਿ ਉਨ੍ਹਾਂ ਨੇ ਆਪਣੇ ਸਰੀਰ ਦੇ ਅੰਦਰ ਦੋ ਕੈਪਸੂਲ ਲੁਕਾਏ ਸਨ । ਉਨ੍ਹਾਂ ਕਿਹਾ ਕਿ ਯਾਤਰੀਆਂ ਨੇ ਬਾਅਦ ਵਿੱਚ ਕੈਪਸੂਲ ਕੱਢ ਦਿੱਤੇ, ਜਿਸ ਤੋਂ 1,624 ਕੈਰੇਟ ਹੀਰੇ ਸਾਹਮਣੇ ਆਏ । ਹੀਰਿਆਂ ਦੀ ਕੀਮਤ ਲਗਭਗ 5.70 ਕਰੋੜ ਰੁਪਏ ਹੈ । ਹੀਰੇ ਕਸਟਮ ਐਕਟ ਦੀਆਂ ਸਬੰਧਤ ਧਾਰਾਵਾਂ ਤਹਿਤ ਜ਼ਬਤ ਕੀਤੇ ਗਏ ਹਨ ਡੀ. ਆਰ. ਆਈ. ਨੇ ਕਿਹਾ ਕਿ ਦੋਵਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਅਤੇ ਉਨ੍ਹਾਂ ਦੇ ਗਿਰੋਹ ਬਾਰੇ ਜਾਣਕਾਰੀ ਇਕੱਠੀ ਕਰਨ ਲਈ ਪੁੱਛਗਿੱਛ ਕੀਤੀ ਜਾ ਰਹੀ ਹੈ । ਅਜਿਹਾ ਲਗਦਾ ਹੈ ਕਿ ਇਹ ਗਿਰੋਹ ਅੰਤਰਰਾਸ਼ਟਰੀ ਮਨੀ ਲਾਂਡਰਿੰਗ ਮਾਮਲਿਆਂ ਵਿੱਚ ਸ਼ਾਮਲ ਹੋ ਸਕਦਾ ਹੈ। ਅਧਿਕਾਰੀ ਨੇ ਦੱਸਿਆ ਕਿ ਹੀਰੇ ਕਸਟਮ ਐਕਟ ਦੀਆਂ ਸਬੰਧਤ ਧਾਰਾਵਾਂ ਤਹਿਤ ਜ਼ਬਤ ਕੀਤੇ ਗਏ ਹਨ ।