ਕਾਰ-ਕੰਟੇਨਰ ਟਰੱਕ ਟੱਕਰ ਵਿਚ ਦੋ ਔਰਤਾਂ ਦੀ ਮੌਤ ਦੋ ਬੱਚਿਆਂ ਸਮੇਤ ਤਿੰਨ ਜ਼ਖ਼ਮੀ

by Jasbeer Singh
February 12, 2026

ਕਾਰ-ਕੰਟੇਨਰ ਟਰੱਕ ਟੱਕਰ ਵਿਚ ਦੋ ਔਰਤਾਂ ਦੀ ਮੌਤ ਦੋ ਬੱਚਿਆਂ ਸਮੇਤ ਤਿੰਨ ਜ਼ਖ਼ਮੀ ਨਵੀਂ ਦਿੱਲੀ, 12 ਫਰਵਰੀ 2026 : ਦਿੱਲੀ ਦੇ ਪੂਰਬ ਵਾਲੇ ਪਾਸੇ ਬਣੇ ਗਾਜੀਪੁਰ ਖੇਤਰ ਵਿਚ ਕਾਰ-ਕੰਟੇਨਰ ਦੀ ਟੱਕਰ ਹੋਣ ਕਾਰਨ ਦੋ ਔਰਤਾਂ ਦੀ ਮੌਤ ਦੇ ਦੋ ਬੱਚਿਆਂ ਸਮੇਤ ਤਿੰਨ ਜ਼ਖ਼ਮੀ ਹੋ ਗਏ ਹਨ। ਕਦੋਂ ਤੇ ਕਿਥੇ ਵਾਪਰਿਆ ਹਾਦਸਾ ਮਿਲੀ ਜਾਣਕਾਰੀ ਅਨੁਸਾਰ ਕਾਰ-ਕੰਟੇਨਰ ਟਰੱਕ ਟੱਕਰ ਸੜਕ ਹਾਦਸੇ ਵਿਚ ਜੋ ਦੋ ਔਰਤਾਂ ਦੀ ਮੌਤ ਤੇ ਦੋ ਬੱਚਿਆਂ ਸਮੇਤ ਤਿੰਨ ਦੇ ਜ਼ਖ਼ਮੀ ਹੋਣ ਦਾ ਸਮਾਚਾਰ ਮਿਲਿਆ ਹੈ ਵਾਲਾ ਸੜਕ ਹਾਦਸਾ ਅੱਜ ਸਵੇਰੇ ਪੂਰਬੀ ਦਿੱਲੀ ਦੇ ਗਾਜ਼ੀਪੁਰ ਇਲਾਕੇ ਵਿੱਚ ਰਾਸ਼ਟਰੀ ਰਾਜਮਾਰਗ-9 `ਤੇ ਦਿੱਲੀ ਨਗਰ ਨਿਗਮ ਟੋਲ ਪਲਾਜ਼ਾ ਨੇੜੇ ਵਾਪਰਿਆ। ਪੁਲਸ ਅਨੁਸਾਰ ਇਹ ਹਾਦਸਾ ਵਿਨੋਦ ਨਗਰ ਡਿਪੋ ਦੇ ਸਾਹਮਣੇ ਟੋਲ ਬੂਥ ਦੇ ਨੇੜੇ ਸਵੇਰੇ 6:43 ਵਜੇ ਵਾਪਰਿਆ । ਕੌਣ ਕੌਣ ਹੈ ਹਾਦਸੇ ਵਿਚ ਜ਼ਖ਼ਮੀ ਦਿੱਲੀ ਦੇ ਗਾਜੀਪੁਰ ਵਿਖੇ ਹੋਏ ਸੜਕ ਹਾਦਸੇ ਵਿਚ ਦੋ ਔਰਤਾਂ ਦੀ ਮੌਤ ਤੇ ਦੋ ਬੱਚਿਆਂ ਸਮੇਤ ਜੋ ਤਿੰਨ ਜਣੇ ਜ਼ਖ਼ਮੀ ਦੱਸੇ ਜਾ ਰਹੇ ਹਨ ਵਿਚ ਕਾਰ ਚਾਲਕ ਦੀਪਾਂਸ਼ੂ ਗਰਗ ਅਤੇ ਦੋ ਬੱਚੇ ਵਿਵਾਨ (5) ਅਤੇ ਵਾਸ਼ੂ (3) ਜ਼ਖ਼ਮੀ ਹਾਲਤ ਵਿੱਚ ਮਿਲੇ ਹਨ । ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ ਜਦਕਿ ਮ੍ਰਿਤਕ ਦੇਹਾਂ ਨੂੰ ਪੋਸਟਮਾਰਟਮ ਲਈ ਲਾਲ ਬਹਾਦੁਰ ਸ਼ਾਸਤਰੀ ਹਸਪਤਾਲ ਦੇ ਲਿਜਾਇਆ ਗਿਆ । ਪੁਲਿਸ ਵੱਲੋਂ ਹਾਦਸੇ ਦੇ ਸਹੀ ਕਾਰਨਾਂ ਦਾ ਪਤਾ ਲਗਾਉਣ ਲਈ ਜਾਂਚ ਕੀਤੀ ਜਾ ਰਹੀ ਹੈ। ਹਾਦਸੇ ਵਿਚ ਮੌਤ ਦੇ ਘਾਟ ਉਤਰ ਗਈਆਂ ਔਰਤਾਂ ਵਿਚ ਕੌਣ ਕੌਣ ਹੈ ਸ਼ਾਮਲ ਪੁਲਸ ਨੇ ਦੱਸਿਆ ਕਿ ਗਾਜ਼ੀਆਬਾਦ ਵੱਲੋਂ ਆ ਰਹੀ ਇੱਕ ਕਾਰ ਟੋਲ ਪਲਾਜ਼ਾ ਦੇ ਨੇੜੇ ਇੱਕ ਕੰਟੇਨਰ ਟਰੱਕ ਨਾਲ ਟਕਰਾ ਗਈ। ਮੌਕੇ `ਤੇ ਪਹੁੰਚੀ ਟੀਮ ਨੇ ਕਾਰ ਵਿੱਚ ਸਵਾਰ ਦੋ ਔਰਤਾਂ ਨੂੰ ਬੇਹੋਸ਼ ਪਾਇਆ । ਉਨ੍ਹਾਂ ਦੀ ਪਛਾਣ ਦੀਪਾਂਜਲੀ (38) ਅਤੇ ਨੀਲਮ ਗਰਗ (55) ਵਜੋਂ ਹੋਈ । ਇੱਕ ਔਰਤ ਕਾਰ ਦੇ ਬਾਹਰ ਪਈ ਮਿਲੀ, ਜਦਕਿ ਦੂਜੀ ਔਰਤ ਕਾਰ ਦੀ ਅੱਗੇ ਵਾਲੀ ਖੱਬੇ ਪਾਸੇ ਦੀ ਯਾਤਰੀ ਸੀਟ `ਤੇ ਫਸੀ ਹੋਈ ਸੀ, ਜਿਨ੍ਹਾਂ ਨੂੰ ਘਟਨਾ ਸਥਾਨ `ਤੇ ਹੀ ਮ੍ਰਿਤਕ ਐਲਾਨ ਦਿੱਤਾ ਗਿਆ ।