ਆਪ੍ਰੇਸ਼ਨ `ਕਲੀਨ ਸਵੀਪ’ ਤਹਿਤ ਗ਼ੈਰ-ਕਾਨੂੰਨੀ ਤੌਰ `ਤੇ ਰਹਿ ਰਹੇ 130 ਵਿਦੇਸ਼ੀ ਫੜੇ

by Jasbeer Singh
December 9, 2025

ਆਪ੍ਰੇਸ਼ਨ `ਕਲੀਨ ਸਵੀਪ’ ਤਹਿਤ ਗ਼ੈਰ-ਕਾਨੂੰਨੀ ਤੌਰ `ਤੇ ਰਹਿ ਰਹੇ 130 ਵਿਦੇਸ਼ੀ ਫੜੇ ਨਵੀਂ ਦਿੱਲੀ, 8 ਦਸੰਬਰ 2025 : ਦਿੱਲੀ ਪੁਲਸ ਨੇ ਦਵਾਰਕਾ ਜ਼ਿਲੇ `ਚ ਗ਼ੈਰ-ਕਾਨੂੰਨੀ ਪ੍ਰਵਾਸੀਆਂ ਖਿਲਾਫ ਕਾਰਵਾਈ ਲਈ ਇਕ ਮਹੀਨੇ ਤੱਕ `ਆਪ੍ਰੇਸ਼ਨ ਕਲੀਨ ਸਵੀਪ` ਚਲਾਉਣ ਦੌਰਾਨ 130 ਵਿਦੇਸ਼ੀ ਨਾਗਰਿਕਾਂ ਨੂੰ ਫੜਿਆ ਹੈ। ਉਨ੍ਹਾਂ ਨੂੰ ਉਨ੍ਹਾਂ ਦੇ ਦੇਸ਼ ਵਾਪਸ ਭੇਜਣ ਲਈ ਇਕ ਡਿਟੈਂਸ਼ਨ ਸੈਂਟਰ `ਚ ਭੇਜ ਦਿੱਤਾ ਹੈ। ਇਹ ਜਾਣਕਾਰੀ ਇਕ ਅਧਿਕਾਰੀ ਨੇ ਸੋਮਵਾਰ ਨੂੰ ਦਿੱਤੀ। ਕੌਣ ਕੌਣ ਹੈ ਸ਼ਾਮਲ ਅਧਿਕਾਰੀ ਨੇ ਦੱਸਿਆ ਕਿ ਡਿਟੈਂਸ਼ਨ ਸੈਂਟਰ `ਚ ਭੇਜੇ ਗਏ ਲੋਕਾਂ `ਚ ਨਾਇਜੀਰੀਆ (87), ਆਇਵਰੀ ਕੋਸਟ (11), ਕੈਮਰੂਨ (10), ਘਾਨਾ (10), ਸੇਨੇਗਲ (4), ਲਾਇਬੇਰੀਆ (3), ਸਿਏਰਾ ਲਿਓਨ (2), ਯੁਗਾਂਡਾ (2) ਅਤੇ ਗਿਨੀ (1) ਦੇ ਨਾਗਰਿਕ ਸ਼ਾਮਲ ਹਨ। ਪੁਲਸ ਨੇ ਦੱਸਿਆ ਕਿ ਇਨ੍ਹਾਂ `ਚੋਂ ਕਈ ਲੋਕ ਕਥਿਤ ਤੌਰ `ਤੇ ਵੀਜ਼ਾ ਮਿਆਦ ਖ਼ਤਮ ਹੋਣ ਤੋਂ ਬਾਅਦ ਰਹਿ ਰਹੇ ਸਨ ਜਾਂ ਕਿਰਾਏ ਦੇ ਮਕਾਨਾਂ `ਚ ਗ਼ੈਰ-ਕਾਨੂੰਨੀ ਤੌਰ `ਤੇ ਰਹਿ ਰਹੇ ਸਨ। ਉਨ੍ਹਾਂ ਦੱਸਿਆ ਕਿ ਇਹ ਮੁਹਿੰਮ ਦਵਾਰਕਾ ਦੇ ਸਾਰੇ ਪੁਲਸ ਥਾਣਿਆਂ `ਚ ਚਲਾਈ ਗਈ ।