National
ਸਹਾਰਨਪੁਰ `ਚ ਪੀ. ਐੱਨ. ਬੀ. ਦਾ ਬ੍ਰਾਂਚ ਮੈਨੇਜਰ ਗ੍ਰਿਫ਼ਤਾਰ
ਸਹਾਰਨਪੁਰ `ਚ ਪੀ. ਐੱਨ. ਬੀ. ਦਾ ਬ੍ਰਾਂਚ ਮੈਨੇਜਰ ਗ੍ਰਿਫ਼ਤਾਰ
ਸਹਾਰਨਪੁਰ, 9 ਸਤੰਬਰ 2026 : ਭਾਰਤ ਦੇਸ਼ ਦੀ ਰਾਸ਼ਟਰੀ ਜਾਂਚ ਏਜੰਸੀ (National Investigation Agency) ਐਨ. ਆਈ. ਏ. ਵਲੋਂ ਪੰਜਾਬ ਨੈਸ਼ਨਲ ਬੈਂਕ ਦੇ ਫਰਾਰ ਚੱਲ ਰਹੇ ਬ੍ਰਾਂਚ ਮੈਨੇਜਰ ਨੂੰ ਗ੍ਰਿਫ਼ਤਾਰ (Arrested) ਕਰ ਲਿਆ ਗਿਆ ਹੈ ।
ਕੌਣ ਹੈ ਇਹ ਬ੍ਰਾਂਚ ਮੈਨੇਜਰ
ਮਿਲੀ ਜਾਣਕਾਰੀ ਅਨੁਸਾਰ ਰਾਸ਼ਟਰੀ ਜਾਂਚ ਏਜੰਸੀ (ਐੱਨ. ਆਈ. ਏ.) ਵਲੋਂ ਜੋ ਬੀਤੇ ਦਿਨੀਂ ਪੰਜਾਬ ਨੈਸ਼ਨਲ ਬੈਂਕ ਦੇ ਫਰਾਰ ਚੱਲ ਰਹੇ ਬ੍ਰਾਂਚ ਮੈਨੇਜਰ (Branch Manager) ਨੂੰ ਗ੍ਰਿ਼ਫਤਾਰ ਕਰ ਲਿਆ ਗਿਆ ਹੈ ਦੀ ਪਛਾਣ ਅਮਿਤ ਦੇ ਤੌਰ 'ਤੇ ਹੋਈ ਹੈ । ਦੱਸਣਯੋਗ ਹੈ ਕਿ ਉਕਤ ਬ੍ਰਾਂਚ ਮੈਨੇਜਰ ਪੀ. ਐਨ. ਬੀ. ਦੀ `ਕਰੰਸੀ ਚੈਸਟ`ਵਿਚੋਂ 17.29 ਕਰੋੜ ਰੁਪਏ ਦੀ ਜਾਅਲੀ ਭਾਰਤੀ ਕਰੰਸੀ (Fake Indian currency) ਮਿਲਣ ਦੇ ਮਾਮਲੇ 'ਚ ਫਰਾਰ ਚੱਲ ਰਿਹਾ ਸੀ । ਉਸ 'ਤੇ ਨਕਲੀ ਨੋਟਾਂ ਨੂੰ ਅਸਲੀ ਕਰੰਸੀ ਨਾਲ ਬਦਲਣ ਦੀ ਸਾਜਿ਼ਸ਼ 'ਚ ਅਹਿਮ ਭੂਮਿਕਾ ਨਿਭਾਉਣ ਦਾ ਦੋਸ਼ ਹੈ ।
ਮਾਮਲੇ ਦੀ ਜਾਂਚ ਦੌਰਾਨ ਕੀਤਾ ਜਾ ਚੁੱਕਿਆ ਹੈ ਤਿੰਨ ਨੂੰ ਮੁਅੱਤਲ
ਦੱਸਿਆ ਗਿਆ ਹੈ ਕਿ ਅਮਿਤ ਕੁਮਾਰ ਸਮੇਤ 3 ਬੈਂਕ ਮੁਲਾਜ਼ਮਾਂ 'ਤੇ 'ਕਰੰਸੀ ਚੈਸਟ`'ਚ ਨਕਲੀ ਨੋਟ ਰੱਖਣ ਅਤੇ ਉਸ ਦੇ ਬਦਲੇ ਅਸਲੀ ਨੋਟ ਕੱਢਣ ਦਾ ਦੋਸ਼ ਹੈ । ਮਾਮਲੇ ਦੀ ਜਾਂਚ ਦੌਰਾਨ ਤਿੰਨਾਂ ਬੈਂਕ ਮੁਲਾਜ਼ਮਾਂ ਨੂੰ ਪਹਿਲਾਂ ਹੀ ਮੁਅੱਤਲ ਕੀਤਾ ਜਾ ਚੁੱਕਾ ਹੈ । ਅਮਿਤ ਇਸ ਮਾਮਲੇ 'ਚ ਫਰਾਰ ਚੱਲ ਰਿਹਾ ਸੀ । ਇਸ ਸਬੰਧ 'ਚ ਸਹਾਰਨਪੁਰ ਦੇ ਸਦਰ ਬਾਜ਼ਾਰ ਥਾਣੇ 'ਚ 2 ਮੁਕੱਦਮੇ ਦਰਜ ਕੀਤੇ ਗਏ ਸਨ । ਬਾਅਦ 'ਚ ਰਾਸ਼ਟਰੀ ਜਾਂਚ ਏਜੰਸੀ ਨੇ ਦੋਵਾਂ ਮਾਮਲਿਆਂ ਨੂੰ ਆਪਣੇ ਹੱਥ 'ਚ ਲੈ ਕੇ ਜਾਂਚ ਸ਼ੁਰੂ ਕੀਤੀ ।
