Crime
ਉਤਰੀ ਕੈਲੀਫੋਰਨੀਆ ਲਾਇਬ੍ਰੇਰੀ ਵਿਚ ਹੋਈ ਗੋਲੀਬਾਰੀ ਵਿਚ 2 ਦੀ ਮੌਤ
ਉਤਰੀ ਕੈਲੀਫੋਰਨੀਆ ਲਾਇਬ੍ਰੇਰੀ ਵਿਚ ਹੋਈ ਗੋਲੀਬਾਰੀ ਵਿਚ 2 ਦੀ ਮੌਤ
ਕੈਲੀਫੋਰਨੀਆ, 24 ਜੂਨ 2026 : ਵਿਦੇਸ਼ੀ ਮੁਲਕ ਅਮਰੀਕਾ ਦੇ ਸ਼ਹਿਰ ਉਤਰੀ ਕੈਲੀਫੋਰਨੀਆ (Northern California) ਵਿਚ ਬੀਤੀ ਸ਼ਾਮ ਇਕ ਲਾਇਬ੍ਰੇਰੀ ਵਿਚ ਗੋਲੀਬਾਰੀ (Shooting) ਕਾਰਨ ਦੋ ਦੀ ਮੌਤ ਤੇ ਇਕ ਜਖਮੀ ਹੋਇਆ ਹੈ ।
ਕੀ ਆਖਿਆ ਪੁਲਸ ਮੁਖੀ ਨੇ
ਮਿਲੀ ਜਾਣਕਾਰੀ ਅਨੁਸਾਰ ਉਤਰੀ ਕੈਨੀਫੋਰਨੀਆ ਵਿਖੇ ਬਣੀ ਬੱਟ ਕਾਉਂਟੀ ਲਾਇਬ੍ਰੇਰੀ ਦੀ ਚਿਕੋ ਸ਼ਾਖਾ ਵਿਚ ਜੋ ਗੋਲੀਬਾਰੀ ਦੇ ਕਾਰਨ ਦੋ ਲੋਕਾਂ ਦੀ ਮੌਤ (Death) ਹੋ ਗਈ ਤੇ ਇਕ ਬੱਚਾ ਵੀ ਜਖਮੀ (Injured) ਹੋ ਗਿਆ ਹੈ ਦੇ ਮਾਮਲੇ ਵਿਚ ਪੁਲਸ ਨੇ ਭੱਜ ਰਹੇ ਸ਼ੱਕੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ । ਪੁਲਸ ਮੁਖੀ ਬਿਲੀ ਐਲਡਰਿਜ ਨੇ ਕਿਹਾ ਕਿ ਕੱਲ੍ਹ ਸ਼ਾਮ 5 ਵਜੇ ਤੋਂ ਥੋੜ੍ਹੀ ਦੇਰ ਬਾਅਦ, ਪੁਲਿਸ ਨੂੰ ਲਾਇਬ੍ਰੇਰੀ ਦੇ ਅੰਦਰੋਂ ਗੋਲੀਆਂ ਚੱਲਣ ਅਤੇ ਚੀਕਾਂ ਦੀ ਸੂਚਨਾ ਦੇਣ ਲਈ 911 ’ਤੇ ਕਾਲ ਆਈ । ਪੁਲਸ ਤੁਰਤ ਮੌਕੇ ’ਤੇ ਪਹੁੰਚੀ । ਜਦੋਂ ਪੁਲਸ ਲਾਇਬ੍ਰੇਰੀ ਵਿਚ ਦਾਖ਼ਲ ਹੋਈ, ਤਾਂ ਸ਼ੱਕੀ ਪਿਛਲੇ ਦਰਵਾਜ਼ੇ ਰਾਹੀਂ ਭੱਜ ਗਿਆ । ਹਾਲਾਂਕਿ, ਲਾਇਬ੍ਰੇਰੀ ਦੇ ਪਿਛੇ ਤਾਇਨਾਤ ਵਾਧੂ ਸੁਰੱਖਿਆ ਬਲਾਂ ਨੇ ਉਸ ਨੂੰ ਹਿਰਾਸਤ ਵਿਚ ਲੈ ਲਿਆ ।
ਪੁਲਸ ਨੇ ਹਾਲੇ ਤੱਕ ਸ਼ੱਕੀ ਦੀ ਪਛਾਣ ਨਹੀਂ ਕੀਤੀ ਜਾਰੀ
ਉਕਤ ਗੋਲੀਬਾਰੀ ਦੀ ਘਟਨਾ ਵਿਚ ਜ਼ਖਮੀ ਹੋਏ ਇਕ ਬੱਚੇ ਨੂੰ ਹਸਪਤਾਲ ਲਿਜਾਇਆ ਗਿਆ । ਉਸ ਦੀਆਂ ਸੱਟਾਂ ਮਾਮੂਲੀ ਦੱਸੀਆਂ ਜਾ ਰਹੀਆਂ ਹਨ । ਇਲਾਕੇ ਵਿਚ ਸੁਰੱਖਿਆ ਵਧਾ ਦਿਤੀ ਗਈ ਸੀ ਅਤੇ ਲਾਇਬ੍ਰੇਰੀ ਦੇ ਆਲੇ-ਦੁਆਲੇ ਦੀਆਂ ਸੜਕਾਂ ਨੂੰ ਅਸਥਾਈ ਤੌਰ ’ਤੇ ਬੰਦ ਕਰ ਦਿਤਾ ਗਿਆ ਸੀ । ਪੁਲਸ ਨੇ ਅਜੇ ਤੱਕ ਸ਼ੱਕੀ ਦੀ ਪਛਾਣ ਜਾਰੀ ਨਹੀਂ ਕੀਤੀ ਹੈ । ਮ੍ਰਿਤਕਾਂ ਦੇ ਨਾਮ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਸੂਚਿਤ ਕਰਨ ਤੋਂ ਬਾਅਦ ਹੀ ਜਾਰੀ ਕੀਤੇ ਜਾਣਗੇ ।
Related Post
Admin
(Chief Editor)
