ਜਾਸੂਸੀ ਦੇ ਦੋਸ਼ ਹੇਠ ਲੇਡੀ ਗੈਂਗਸਟਰ ਸਮੇਤ 3 ਗ੍ਰਿਫਤਾਰ

by Jasbeer Singh
March 23, 2026

ਜਾਸੂਸੀ ਦੇ ਦੋਸ਼ ਹੇਠ ਲੇਡੀ ਗੈਂਗਸਟਰ ਸਮੇਤ 3 ਗ੍ਰਿਫਤਾਰ ਗਾਜ਼ੀਆਬਾਦ, 23 ਮਾਰਚ 2026 : ਪਾਕਿਸਤਾਨ ਲਈ ਦੇਸ਼ ਦੀਆਂ ਸੰਵੇਦਨਸ਼ੀਲ ਸਥਾਨਾਂ ਦੀ ਰੇਕੀ ਅਤੇ ਜਾਸੂਸੀ ਕਰਨ ਵਾਲੇ ਗੈਂਗ ਦੇ 3 ਮੈਂਬਰਾਂ ਨੂੰ ਐੱਸ. ਆਈ. ਟੀ. ਨੇ ਗ੍ਰਿਫਤਾਰ ਕੀਤਾ ਹੈ । ਕੀ ਕੀ ਬਰਾਮਦ ਕੀਤਾ ਗਿਆ ਹੈ ਪਕੜੇ ਗਏ ਮੁਲਜਮਾਂ ਕੋਲੋਂ ਫੜੇ ਗਏ ਮੁਲਜ਼ਮਾਂ `ਚ ਗੈਂਗ ਦਾ ਹੈਂਡਲਰ, ਲੇਡੀ ਗੈਂਗਸਟਰ ਅਤੇ ਇਕ ਨਾਬਾਲਗ ਸ਼ਾਮਲ ਹਨ । ਮੁਲਜ਼ਮਾਂ ਕੋਲੋਂ ਪੁਲਸ ਨੇ 3 ਮੋਬਾਈਲ ਫੋਨ ਬਰਾਮਦ ਕੀਤੇ ਹਨ, ਜਿਨ੍ਹਾਂ `ਚ ਪਾਕਿਸਤਾਨ ਨੂੰ ਭੇਜੀਆਂ ਗਈਆਂ ਭਾਰਤੀ ਸਥਾਨਾਂ ਦੀਆਂ ਵੀਡੀਓ ਅਤੇ ਜੀ. ਪੀ. ਐੱਸ. ਲੋਕੇਸ਼ਨ ਮਿਲੀਆਂ ਹਨ । ਪੁਲਸ ਦਾ ਕਹਿਣਾ ਹੈ ਕਿ ਇਸ ਤੋਂ ਪਹਿਲਾਂ ਜਾਸੂਸੀ ਗੈਂਗ `ਚ ਸ਼ਾਮਲ 5 ਨਾਬਾਲਗਾਂ ਸਮੇਤ 15 ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਜਾ ਚੁੱਕਾ ਹੈ । ਕੀ ਦੱਸਿਆ ਡੀ. ਸੀ. ਪੀ. (ਸਿਟੀ) ਧਵਲ ਨੇ ਡੀ. ਸੀ. ਪੀ. ਸਿਟੀ ਧਵਲ ਜਾਇਸਵਾਲ ਨੇ ਦੱਸਿਆ ਕਿ ਕੌਸ਼ਾਂਬੀ ਪੁਲਸ ਵੱਲੋਂ ਬੀਤੀ 14 ਮਾਰਚ ਨੂੰ ਭੋਵਾਪੁਰ ਪਿੰਡ ਤੋਂ ਸੁਹੇਲ ਮਲਿਕ ਉਰਫ ਰੋਮੀਓ ਅਤੇ ਔਰਤ ਸਾਨੇ ਇਰਮ ਉਰਫ ਮਹਿਕ ਸਮੇਤ ਕੁੱਲ 6 ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਮੁਲਜ਼ਮ ਪੈਸਿਆਂ` ਦੇ ਲਾਲਚ `ਚ ਦੇਸ਼ ਦੇ ਸੰਵੇਦਨਸ਼ੀਲ ਸਥਾਨਾਂ ਦੀਆਂ ਵੀਡੀਓ, ਫੋਟੋਆਂ ਅਤੇ ਜੀ. ਪੀ. ਐੱਸ. ਲੋਕੇਸ਼ਨ ਪਾਕਿਸਤਾਨ `ਚ ਬੈਠੇ ਗੈਂਗ ਲੀਡਰ ਸਰਫਰਾਜ਼ ਉਰਫ ਸਰਦਾਰ ਦੇ ਨੰਬਰ `ਤੇ ਭੇਜ ਰਹੇ ਸਨ।