ਆਵਾਰਾ ਕੁੱਤੇ ਦੇ ਜਾਨਲੇਵਾ ਹਮਲੇ ਵਿੱਚ 84 ਸਾਲਾ ਔਰਤ ਦੀ ਮੌਤ

by Jasbeer Singh
March 14, 2026

ਆਵਾਰਾ ਕੁੱਤੇ ਦੇ ਜਾਨਲੇਵਾ ਹਮਲੇ ਵਿੱਚ 84 ਸਾਲਾ ਔਰਤ ਦੀ ਮੌਤ ਤ੍ਰਿਸ਼ੂਰ, 14 ਮਾਰਚ 2026 : ਭਾਰਤ ਦੇਸ਼ ਸੂਬੇ ਕੇਰਲ ਦੇ ਤ੍ਰਿਸ਼ੂਰ ਜਿ਼ਲੇ ਦੇ ਵੇਲਾਰਕੱਡ ਖੇਤਰ ਵਿਖੇ ਇਕ ਬਜ਼ੁਰਗ ਔਰਤ ਨੂੰ ਕੁੱਤੇ ਵਲੋਂ ਵੱਢਣ ਤੇ ਮੌਤ ਹੋ ਜਾਣ ਦਾ ਸਮਾਚਾਰ ਮਿਲਿਆ ਹੈ। ਲੋਕਾਂ ਨੇ ਕੁੱਤੇ ਨੂੰ ਲੱਭ ਕੇ ਮਾਰ ਸੁੱਟਿਆ ਕੇਰਲ ਦੇ ਤ੍ਰਿਸ਼ੂਰ ਜਿ਼ਲੇ ਦੇ ਵੇਲਾਰਕੱਡ ਇਲਾਕੇ `ਚ ਇਕ 84 ਸਾਲਾ ਔਰਤ ਕਾਰਥਿਆਨੀ ਦੀ ਇਕ ਆਵਾਰਾ ਕੁੱਤੇ ਵੱਲੋਂ ਜਾਨ ਲੈਣ ਤੋਂ ਬਾਅਦ ਗੁੱਸੇ `ਚ ਆਏ ਸਥਾਨਕ ਵਾਸੀਆਂ ਨੇ ਕੁੱਤੇ ਨੂੰ ਲੱਭ ਕੇ ਮਾਰ ਦਿੱਤਾ । ਪੁਲਸ ਨੇ ਇਹ ਜਾਣਕਾਰੀ ਦਿੱਤੀ । ਪੁਲਸ ਨੇ ਕਿਹਾ ਕਿ ਕਾਰਥਿਆਨੀ ਜੋ ਤੁਰ ਨਹੀਂ ਸਕਦੀ ਸੀ ਤੇ ਕਈ ਸਿਹਤ ਸਮੱਸਿਆਵਾਂ ਕਾਰਨ ਬੈੱਡ `ਤੇ ਲੇਟੀ ਸੀ, `ਤੇ ਸ਼ਾਮ ਨੂੰ ਕੁੱਤੇ ਨੇ ਹਮਲਾ ਕਰ ਦਿੱਤਾ । ਪਸ਼ੂਆਂ ਦੇ ਡਾਕਟਰਾਂ ਵਲੋਂ ਕੀਤੀ ਜਾਵੇਗੀ ਕੁੱਤੇ ਦੇ ਸਰੀਰ ਦੀ ਜਾਂਚ ਹਮਲੇ `ਚ ਗੰਭੀਰ ਰੂਪ `ਚ ਜ਼ਖਮੀਂ ਹੋਈ ਬਜ਼ੁਰਗ ਔਰਤ ਦੀ ਮੌਤ ਹੋ ਗਈ । ਪਸ਼ੂਆਂ ਦੇ ਡਾਕਟਰ ਕੁੱਤੇ ਦੇ ਸਰੀਰ ਦੀ ਜਾਂਚ ਕਰਨਗੇ ਤਾਂ ਜੋ ਇਹ ਪਤਾ ਲਾਇਆ ਜਾ ਸਕੇ ਕਿ ਉਸ ਨੂੰ ਕਿਤੇ ਰੈਬੀਜ਼ ਤਾਂ ਨਹੀਂ ਸੀ ? ਪੁਲਸ ਨੇ ਕਿਹਾ ਕਿ ਕਾਰਥਿਆਨੀ ਤੋਂ ਇਲਾਵਾ ਕੁੱਤੇ ਨੇ ਆਸਪਾਸ ਦੇ 3 ਹੋਰ ਵਿਅਕਤੀਆਂ ਤੇ 3 ਕੁੱਤਿਆਂ `ਤੇ ਵੀ ਹਮਲਾ ਕੀਤਾ ਸੀ ।