ਜਾਦੂ-ਟੂਣੇ ਦੇ ਸ਼ੱਕ `ਚ ਇਕ ਵਿਅਕਤੀ ਦਾ ਕੁੱਟ-ਕੁੱਟ ਕੇ ਕਤਲ

by Jasbeer Singh
May 21, 2026

ਜਾਦੂ-ਟੂਣੇ ਦੇ ਸ਼ੱਕ `ਚ ਇਕ ਵਿਅਕਤੀ ਦਾ ਕੁੱਟ-ਕੁੱਟ ਕੇ ਕਤਲ ਕਟਕ, 21 ਮਈ 2026 : ਭਾਰਤ ਦੇਸ਼ ਦੇ ਸੂਬੇੇ ਓਡੀਸਾ ਦੇ ਜਿਲਾ ਕਟਕ ਵਿਖੇ ਇਕ ਵਿਅਕਤੀ ਨੂੰ ਕਈ ਵਿਅਕਤੀਆਂ ਨੇ ਘਰੋਂ ਘਸੀਟ ਕੇ ਕੁੱਟ-ਕੁਟ ਕੇ ਮੌਤ ਦੇ ਘਾਟ ਉਤਾਰਨ ਦਾ ਘਟਨਾਕ੍ਰਮ ਵਾਪਰਿਆ ਹੈ। ਕੀ ਹੈ ਪੂਰਾ ਮਾਮਲਾ ਓਡੀਸ਼ਾ ਦੇ ਕਟਕ ਜ਼ਿਲੇ ਵਿਚ ਭੀੜ ਨੇ ਇਕ ਵਿਅਕਤੀ ਨੂੰ ਉਸਦੇ ਘਰੋਂ ਘਸੀਟ ਕੇ ਬਾਹਰ ਕੱਢਿਆ, ਉਸ ’ਤੇ ਕਾਲਾ ਜਾਦੂ ਕਰਨ ਦਾ ਸ਼ੱਕ ਪ੍ਰਗਟਾਉਂਦੇ ਕਤਲ ਕਰ ਦਿੱਤਾ ਅਤੇ ਫਿਰ ਸਬੂਤ ਮਿਟਾਉਣ ਲਈ ਉਸਦੀ ਲਾਸ਼ ਨੂੰ ਸਾੜ ਦਿੱਤਾ। ਇਸ ਮਾਮਲੇ ਵਿਚ 25 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਸਿ਼ਕਾਇਤਕਰਤਾ ਨੇ ਸਿ਼ਕਾਇਤ ਵਿਚ ਕੀ ਦਾਅਵਾ ਕੀਤਤਾ ਸਿ਼ਕਾਇਤ ਵਿਚ ਸ਼ਵੇਤਾ ਬੇਹਰਾ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਦੇ ਪੁੱਤਰ, ਟਿਕੀਮਾ ਬੇਹਰਾ ਨੂੰ ਤਲਮੁੰਡਲੀ ਪਿੰਡ ਵਿਚ ਭੀੜ ਨੇ ਘਰੋਂ ਕੱਢ ਕੇ ਬੇਰਹਿਮੀ ਨਾਲ ਪਿੱਟਿਆ, ਜਿਸ ਕਾਰਨ ਉਸਦੀ ਮੌਤ ਹੋ ਗਈ । ਪਿਤਾ ਨੇ ਦੋਸ਼ ਲਗਾਇਆ ਕਿ ਸਬੂਤ ਮਿਟਾਉਣ ਲਈ ਉਸਦੀ ਲਾਸ਼ ਨੂੰ ਸਾੜ ਦਿੱਤਾ ਗਿਆ । ਉਨ੍ਹਾਂ ਦੱਸਿਆ ਕਿ 7 ਸਾਲ ਪਹਿਲਾਂ ਪਤਨੀ ਵੱਲੋਂ ਛੱਡ ਦਿੱਤੇ ਜਾਣ ਤੋਂ ਬਾਅਦ ਟਿਕੀਮਾ ਬੇਹਰਾ ਪਿੰਡ ਵਿਚ ਆਪਣੇ ਭਰਾ ਅਤੇ ਭਰਜਾਈ ਨਾਲ ਰਹਿ ਰਿਹਾ ਸੀ। ਦੂਜੇ ਪਾਸੇ, ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ਵਿਚੋਂ ਇਕ ਨੇ ਪੁੱਛਗਿੱਛ ਦੌਰਾਨ ਆਪਣਾ ਜੁਰਮ ਕਬੂਲ ਕਰ ਲਿਆ ਹੈ ।