ਅਮਰੀਕੀ ਸੈਲਾਨੀ ਕੋਲੋਂ 400 ਮੀਟਰ ਦੀ ਦੂਰੀ ਲਈ 18,000 ਰੁਪਏ ਵਸੂਲੇ

by
January 31, 2026

ਅਮਰੀਕੀ ਸੈਲਾਨੀ ਕੋਲੋਂ 400 ਮੀਟਰ ਦੀ ਦੂਰੀ ਲਈ 18,000 ਰੁਪਏ ਵਸੂਲੇ ਮੁੰਬਈ, 31 ਜਨਵਰੀ 2026 : ਮੁੰਬਈ `ਚ ਇਕ ਅਮਰੀਕੀ ਸੈਲਾਨੀ ਤੋਂ 400 ਮੀਟਰ ਦੀ ਦੂਰੀ ਲਈ 18,000 ਰੁਪਏ ਵਸੂਲਣ ਦੇ ਦੋਸ਼ ਹੇਠ ਇਕ 50 ਸਾਲਾ ਟੈਕਸੀ ਡਰਾਈਵਰ ਦੇਸ ਰਾਜ ਯਾਦਵ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਸੋੋਸ਼ਲ ਮੀਡੀਆ ਤੇ ਪਾਈ ਪੋਸਟ ਤੋਂ ਬਾਅਦ ਮਾਮਲਾ ਆਇਆ ਸਾਹਮਣੇ ਉਸ ਨੇ ਛਤਰਪਤੀ ਸਿ਼ਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਉਕਤ ਸੈਲਾਨੀ ਨੂੰ ਬਿਠਾਇਆ ਤੇ ਹਵਾਈ ਅੱਡੇ ਦੇ ਨੇੜੇ ਇਕ 5-ਸਿਤਾਰਾ ਹੋਟਲ `ਚ ਛੱਡ ਦਿੱਤਾ। ਇਹ ਘਟਨਾ ਸੈਲਾਨੀ ਵੱਲੋਂ ਸੋਸ਼ਲ ਮੀਡੀਆ `ਤੇ ਸ਼ਹਿਰ `ਚ ਆਪਣੇ ਮਹਿੰਗੇ ਸਫਰ ਨੂੰ ਸਾਂਝਾ ਕਰਨ ਤੋਂ ਬਾਅਦ ਸਾਹਮਣੇ ਆਈ । ਅਰਜੇਂਟੀਨੋ ਅਰਿਆਨੋ ਨਾਂ ਦੇ ਇਕ ਸੈਲਾਨੀ ਨੇ `ਐਕਸ` `ਤੇ ਇਕ ਪੋਸਟ `ਚ ਲਿਖਿਆ ਕਿ ਮੈਂ ਮੁੰਬਈ ਪਹੁੰਚਿਆ ਤੇ ਆਪਣੇ ਹੋਟਲ ਲਈ ਟੈਕਸੀ ਕੀਤੀ । ਪੁਲਸ ਨੇ ਤਿੰਨ ਘੰਟਿਆਂ ਅੰਦਰ ਹੀ ਕੀਤੀ ਕਾਰਵਾਈ ਡਰਾਈਵਰ ਤੇ ਇਕ ਹੋਰ ਵਿਅਕਤੀ ਪਹਿਲਾਂ ਮੈਨੂੰ ਇਕ ਅਣਜਾਣ ਥਾਂ `ਤੇ ਲੈ ਗਏ । ਮੇਰੇ ਕੋਲੋਂ 200 ਡਾਲਰ (18,000 ਰੁਪਏ) ਵਸੂਲੇ ਤੇ ਫਿਰ ਮੈਨੂੰ ਹੋਟਲ `ਚ ਛੱਡ ਦਿੱਤਾ ਜੋ ਸਿਰਫ 400 ਮੀਟਰ ਦੂਰ ਹੈ। ਪੁਲਸ ਨੇ ਤੇਜ਼ੀ ਨਾਲ ਕਾਰਵਾਈ ਕੀਤੀ ਤੇ 3 ਘੰਟਿਆਂ ਅੰਦਰ ਹੀ ਯਾਦਵ ਨੂੰ ਗ੍ਰਿਫਤਾਰ ਕਰ ਲਿਆ। ਵਿਦੇਸ਼ੀ ਨਾਗਰਿਕ ਨਾਲ ਸੰਪਰਕ ਨਹੀਂ ਹੋ ਸਕਿਆ। ਦੇਸ ਰਾਜ ਯਾਦਵ ਦੇ ਡਰਾਈਵਿੰਗ ਲਾਇਸੈਂਸ ਨੂੰ ਰੱਦ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਗਈ ਹੈ।