ਬਿਹਾਰ ਦੇ ਬੇਟੇ ਦੀ ਇਰਾਨ-ਇਜ਼ਰਾਈਲ ਜੰਗ ’ਚ ਮੌਤ

by
March 5, 2026

ਬਿਹਾਰ ਦੇ ਬੇਟੇ ਦੀ ਇਰਾਨ-ਇਜ਼ਰਾਈਲ ਜੰਗ ’ਚ ਮੌਤ ਬਿਹਾਰ, 5 ਮਾਰਚ 2026 : ਇਰਾਨ-ਇਜਰਾਇਲ ਵਿਚਾਲੇ ਚੱਲੀ ਰਹੀ ਜੰਗ ਦੌਰਾਨ ਓਮਾਨ ਦੀ ਖਾੜੀ ਵਿਚ ਤੇਲ ਟੈਂਕਰ ਤੇ ਹੋਏ ਹਮਲੇ ਵਿਚ ਬੇਤੀਆ ਦੇ ਰਹਿਣ ਵਾਲੇ ਇਕ ਅਧਿਕਾਰੀ ਦੀ ਮੌਤ ਹੋ ਗਈ ਹੈ। ਕੌਣ ਹੈ ਇਹ ਅਧਿਕਾਰੀ ਮਿਲੀ ਜਾਣਕਾਰੀ ਮੁਤਾਬਕ ਬਿਹਾਰ ਦੇ ਬੇਤੀਆ ਦੇ ਵਸਨੀਕ ਜਿਸ ਵਿਅਕਤੀ ਦੀ ਓਮਾਨ ਦੀ ਖਾੜੀ ਵਿੱਚ ਇੱਕ ਤੇਲ ਟੈਂਕਰ `ਤੇ ਹੋਏ ਭਿਆਨਕ ਹਮਲੇ ਦੌਰਾਨ ਮੌਤ ਹੋ ਗਈ ਹੈ ਦਾ ਨਾਮ ਆਸ਼ੀਸ਼ ਹੈ। ਹਮਲੇ ਵਿਚ ਮੌਤ ਦੇ ਘਾਟ ਉਤਰਿਆ ਆਸ਼ੀਸ਼ ਮਰਚੈਂਟ ਨੇਵੀ ਦਾ ਕੈਪਟਨ ਹੈ ਉਹ ਓਮਾਨ ਜਾਣ ਵਾਲੇ ਤੇਲ ਟੈਂਕਰ ਸਕਾਈ ਲਾਈਟ ਤੇ ਤਾਇਨਾਤ ਸੀ । ਹਮਲੇ ਵਿਚ ਲੱਗੀ ਅੱਗ ਕਾਰਨ ਆਸ਼ੀਸ਼ ਇੰਜਣ ਰੂਮ ਵਿੱਚ ਹੀ ਝੁਲਸ ਗਿਆ । ਲਾਪਤਾ ਮੰਨੇ ਜਾ ਰਹੇ ਆਸ਼ੀਸ਼ ਦੀ ਮੌਤ ਦੀ ਖਬਰ ਨਾਲ ਝੰਜੋੜ ਕੇ ਗਿਆ ਪਰਿਵਾਰ ਪਰਿਵਾਰਕ ਮੈਂਬਰਾਂ ਦੇ ਅਨੁਸਾਰ ਹਮਲੇ ਦੌਰਾਨ ਕੈਪਟਨ ਆਸ਼ੀਸ਼ ਇੰਜਣ ਰੂਮ ਵਿੱਚ ਮੌਜੂਦ ਸੀ। ਮਿਜ਼ਾਈਲ ਦੇ ਡਿੱਗਣ ਤੋਂ ਬਾਅਦ ਜਹਾਜ਼ ਵਿੱਚ ਭਾਰੀ ਅੱਗ ਲੱਗ ਗਈ, ਜਿਸ ਕਾਰਨ ਆਸ਼ੀਸ਼ ਦੀ ਮੌਤ ਹੋ ਗਈ। ਪਿਛਲੇ ਤਿੰਨ ਦਿਨਾਂ ਤੋਂ ਪਰਿਵਾਰ ਉਸ ਦੀ ਸੁਰੱਖਿਆ ਲਈ ਪ੍ਰਾਰਥਨਾ ਕਰ ਰਿਹਾ ਸੀ, ਉਸ ਨੂੰ ਲਾਪਤਾ ਮੰਨ ਰਿਹਾ ਸੀ । ਹਾਲਾਂਕਿ ਦੇਰ ਰਾਤ ਮਿਲੀ ਉਸ ਦੀ ਮੌਤ ਦੀ ਖ਼ਬਰ ਨੇ ਪੂਰੇ ਪਰਿਵਾਰ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ ।