ਨਵੀਆਂ ਰਾਹਾਂ ਪ੍ਰੋਜੈਕਟ ਅਧੀਨ ਸਲੱਮ ਏਰੀਏ ਦੇ ਬੱਚਿਆਂ ਲਈ ਆਵਾਜਾਈ ਦੀ ਸਹੂਲਤ ਲਈ ਈ-ਰਿਕਸ਼ੇ ਵੰਡੇ

by Jasbeer Singh
December 26, 2024

ਨਵੀਆਂ ਰਾਹਾਂ ਪ੍ਰੋਜੈਕਟ ਅਧੀਨ ਸਲੱਮ ਏਰੀਏ ਦੇ ਬੱਚਿਆਂ ਲਈ ਆਵਾਜਾਈ ਦੀ ਸਹੂਲਤ ਲਈ ਈ-ਰਿਕਸ਼ੇ ਵੰਡੇ -ਸਲੱਮ ਏਰੀਏ ਦੇ ਗਰੀਬ 35 ਵਿਦਆਰਥੀਆਂ ਨੂੰ ਨੇੜਲੇ ਸਕੂਲਾਂ ਤੱਕ ਮੁਫ਼ਤ ਲੈ ਕੇ ਜਾਣ ਲਈ ਸਹਾਇਤਾ ਮਿਲੀ : ਏ. ਡੀ. ਸੀ. ਅਨੁ‌‌ਪ੍ਰਿਤਾ ਜੌਹਲ ਪਟਿਆਲਾ, 26 ਦਸੰਬਰ : ਪਟਿਆਲਾ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਸਕੂਲ ਸਿੱਖਿਆ ਤੋਂ ਵਾਂਝੇ ਤੇ ਪੜਾਈ ਛੱਡ ਚੁੱਕੇ ਬੱਚਿਆ ਨੂੰ ਮੁੜ ਸਕੂਲਾਂ ਤੱਕ ਪਹੁੰਚਾਉਣ ਦਾ ਟੀਚਾ ਹਾਸਲ ਕਰਨ ਲਈ ਪ੍ਰਾਜੈਕਟ ਨਵੀਆਂ ਰਾਹਾਂ ਸ਼ੁਰੂ ਕੀਤਾ ਗਿਆ ਸੀ, ਇਸ ਤਹਿਤ ਅੱਜ ਦੋ ਈ-ਰਿਕਸ਼ੇ ਵੰਡੇ ਗਏ। ਇੱਥੇ ਜ਼ਿਲ੍ਹਾ ਪ੍ਰੀਸ਼ਦ ਕੰਪਲੈਕਸ ਵਿਖੇ ਇੱਕ ਸਮਾਰੋਹ ਦੌਰਾਨ “ਪੜਨਾ ਹੈ – ਪੜ੍ਹਾਣਾ ਹੈ, ਸਭ ਨੂੰ ਨਾਲ ਲੈ ਕੇ ਜਾਣਾ ਹੈ” ਤਹਿਤ ਵਧੀਕ ਡਿਪਟੀ ਕਮਿਸ਼ਨਰ (ਪੇਂਡੂ ਵਿਕਾਸ) ਅਨੁਪ੍ਰਿਤਾ ਜੋਹਲ ਨੇ ਇਹ ਰਿਕਸ਼ੇ ਪ੍ਰਦਾਨ ਕਰਦਿਆਂ ਦੱਸਿਆ ਕਿ ਐਸ. ਸੀ. ਕਾਰਪੋਰੇਸ਼ਨ ਅਤੇ ਮਾਧਵ ਕੇ. ਆਰ. ਜੀ. ਐਨਵਾਇਰਮੈਂਟਲ ਸੋਲੂਸ਼ਨ ਪ੍ਰਾਇਵੇਟ ਲਿਮੀਟਡ ਪਿੰਡ ਅਕਾਲਗੜ੍ਹ, ਭਾਦਸੋਂ ਵੱਲੋਂ ਸੀ. ਐਸ. ਆਰ. ਫੰਡ ਤਹਿਤ 1 ਲੱਖ 18 ਹਜ਼ਾਰ ਰੁਪਏ ਦੇ ਸਹਿਯੋਗ ਸਦਕਾ 2 ਲੱਖ 36 ਹਜ਼ਾਰ ਰੁਪਏ ਨਾਲ ਖਰੀਦੇ 2 ਈ-ਰਿਕਸ਼ੇ ਲੋੜਵੰਦਾ ਲਾਭਪਾਤਰੀਆਂ ਨੂੰ ਪ੍ਰਦਾਨ ਕੀਤੇ ਗਏ ਹਨ । ਅਨੁਪ੍ਰਿਤਾ ਜੋਹਲ ਨੇ ਲਾਭਪਾਤਰੀਆਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਜਿੱਥੇ ਇਹਨਾਂ ਲਾਭਪਾਤਰੀਆਂ ਨੂੰ ਆਜੀਵਿਕਾ ਦਾ ਨਵਾਂ ਉਪਰਾਲਾ ਮਿਲਿਆ ਹੈ, ਉਥੇ ਸਲੱਮ ਏਰੀਏ ਦੇ ਗਰੀਬ 35 ਵਿਦਆਰਥੀਆਂ ਨੂੰ ਨੇੜਲੇ ਸਕੂਲਾਂ ਤੱਕ ਮੁਫ਼ਤ ਲੈ ਕੇ ਜਾਣ ਲਈ ਸਹਾਇਤਾ ਮਿਲੀ ਹੈ। ਵਧੀਕ ਡਿਪਟੀ ਕਮਿਸ਼ਨਰ (ਪੇਂਡੂ ਵਿਕਾਸ) ਦੁਆਰਾ ਦੱਸਿਆ ਗਿਆ ਕਿ ਹੁਣ ਤੱਕ ਜਿਲ੍ਹਾ ਪ੍ਰਸ਼ਾਸ਼ਨ ਵੱਲੋ 30 ਈ-ਰਿਕਸ਼ੇ ਦਿੱਤੇ ਜਾ ਚੁੱਕੇ ਹਨ। ਇਸ ਮੌਕੇ ਸਰਕਾਰੀ ਐਲੀਮੈਟਰੀ ਸਕੂਲ, ਜ਼ਿਲ੍ਹਾ ਜੇਲ, ਨਾਭਾ ਦੇ ਪ੍ਰਿੰਸੀਪਲ ਅਤੇ ਅਧਿਆਪਕਾਂ ਨੇ ਵਿਸ਼ੇਸ਼ ਤੌਰ ਉਤੇ ਜ਼ਿਲ੍ਹਾ ਪ੍ਰਸ਼ਾਸਨ ਦਾ ਧੰਨਵਾਦ ਕੀਤਾ । ਇਸ ਮੌਕੇ ਮਾਧਵ ਕੇ.ਆਰ.ਜੀ ਦੇ ਨੁਮਾਇੰਦੇ ਜੀ.ਐਮ. ਐਚ.ਆਰ. ਵਿਜੇ ਮੋਹਨ, ਸੀ.ਐਸ.ਆਰ. ਇੰਚਾਰਜ ਗੁਰਮੀਤ ਸਿੰਘ ਤੋ ਇਲਾਵਾ ਡੀ. ਪੀ. ਐਮ. ਰੀਨਾ ਰਾਣੀ, ਜ਼ਿਲ੍ਹਾ ਐਮ. ਆਈ. ਐਮ. ਰਵਿੰਦਰ ਸਿੰਘ, ਬੀ. ਪੀ. ਐਮ. ਵਰੁਨ ਪ੍ਰਾਸ਼ਰ, ਪ੍ਰਿੰਸੀਪਲ ਸੁਮਨ ਲਤਾ ਅਤੇ ਹੋਰ ਵੀ ਮੌਜੂਦ ਸਨ ।