Crime
ਸਾਬਕਾ ਸਰਪੰਚ ਨੂੰ ਸੁਰੱਖਿਆ ਗਾਰਡ ਨੇ ਮਾਰੀ ਗੋਲੀ
ਸਾਬਕਾ ਸਰਪੰਚ ਨੂੰ ਸੁਰੱਖਿਆ ਗਾਰਡ ਨੇ ਮਾਰੀ ਗੋਲੀ
ਕੁਰਾਲੀ, 3 ਅਗਸਤ 2026 : ਪੰਜਾਬ ਦੇ ਫਤਿਹਪੁਰ ਵਿਖੇ ਪੈਂਦੇ ਪਿੰਡ ਸਿਆਲਬਾ (Village Sealba) ਦੇ ਸਾਬਕਾ ਸਰਪੰਚ ਨੂੰ ਇਕ ਸਾਬਕਾ ਫੌਜੀ ਵਲੋਂ ਗੋਲੀ ਮਾਰ (Shoot) ਦਿੱਤੇ ਜਾਣ ਦਾ ਘਟਨਾਕ੍ਰਮ ਵਾਪਰਨ ਦਾ ਸਮਾਚਾਰ ਹੈ ।
ਕੌਣ ਹੈ ਇਹ ਸਰਪੰਚ
ਫਤਿਹਪੁਰ (ਸਿਆਲਬਾ) ਪਿੰਡ ਦੇ ਸਾਬਕਾ ਸਰਪੰਚ (Former Sarpanch) ਰਜਨੀਸ਼ ਬੋਧਾ ਨੂੰ ਇਕ ਸਾਬਕਾ ਫੌਜੀ ਨੇ ਗੋਲੀ ਮਾਰ ਦਿੱਤੀ, ਜਿਸ ਕਾਰਨ ਉਹ ਗੰਭੀਰ ਜ਼ਖਮੀ (Seriously injured) ਹੋ ਗਿਆ । ਉਸ ਨੂੰ ਚੰਡੀਗੜ੍ਹ ਦੇ ਇਕ ਹਸਪਤਾਲ `ਚ ਦਾਖਲ ਕਰਵਾਇਆ ਗਿਆ । ਪੁਲਸ ਨੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ।
ਕੀ ਕਾਰਨ ਰਿਹਾ ਗੋਲੀ ਚਲਾਉਣ ਦਾ
ਪ੍ਰਾਪਤ ਜਾਣਕਾਰੀ ਅਨੁਸਾਰ ਸਾਬਕਾ ਸਰਪੰਚ ਰਜਨੀਸ਼ ਉਰਫ਼ ਬੋਧਾ ਜੋ ਸਿਆਲਬਾ ਬਾਜ਼ਾਰ ਵਿਚ ਜੁੱਤੀਆਂ ਦੀ ਦੁਕਾਨ ਚਲਾਉਂਦਾ ਹੈ ਦਾ ਆਪਣੀ ਦੁਕਾਨ `ਤੇ ਸਾਬਕਾ ਫੌਜੀ ਮਹਿੰਦਰ ਪਾਲ ਜੋ ਕਿ ਮੌਜੂਦਾ ਸਮੇਂ ਵਿਚ ਸੁਰੱਖਿਆ ਗਾਰਡ ਵਜੋਂ ਕੰਮ ਕਰਦਾ ਹੈ ਨਾਲ ਝਗੜਾ ਹੋ ਗਿਆ । ਝਗੜਾ ਇੰਨਾ ਵਧ ਗਿਆ ਕਿ ਮੁਲਜ਼ਮ ਨੇ ਆਪਣੀ ਲਾਇਸੈਂਸੀ ਬੰਦੂਕ ਨਾਲ ਗੋਲੀ ਚਲਾ ਦਿੱਤੀ, ਜਿਸ ਕਾਰਨ ਰਜਨੀਸ਼ ਗੰਭੀਰ ਜ਼ਖਮੀ ਹੋ ਗਿਆ । ਲੋਕਾਂ ਨੇ ਤੁਰੰਤ ਜ਼ਖਮੀ ਰਜਨੀਸ਼ ਨੂੰ ਚੰਡੀਗੜ੍ਹ ਦੇ ਇਕ ਹਸਪਤਾਲ ਪਹੁੰਚਾਇਆ । ਸੂਚਨਾ ਮਿਲਣ `ਤੇ ਮਾਜਰੀ ਥਾਣਾ ਪੁਲਸ ਮੌਕੇ `ਤੇ ਪਹੁੰਚੀ ਅਤੇ ਮਹਿੰਦਰ ਪਾਲ ਨੂੰ ਗ੍ਰਿਫ਼ਤਾਰ (Arrested) ਕਰ ਲਿਆ ।
