ਬੇਕਾਬੂ ਵੈਨ ਦੇ ਤਲਾਬ ਵਿਚ ਡਿੱਗਣ ਕਾਰਨ ਚਾਰ ਵਿਅਕਤੀਆਂ ਦੀ ਹੋਈ ਮੌਤ

by Jasbeer Singh
February 21, 2026

ਬੇਕਾਬੂ ਵੈਨ ਦੇ ਤਲਾਬ ਵਿਚ ਡਿੱਗਣ ਕਾਰਨ ਚਾਰ ਵਿਅਕਤੀਆਂ ਦੀ ਹੋਈ ਮੌਤ ਉਤਰ ਪ੍ਰਦੇਸ਼, 21 ਫਰਵਰੀ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇ਼ਸ਼ ਦੇ ਕਾਨਪੁਰ ਵਿਖੇ ਬੇਕਾਬੂ ਵੈਨ ਦੇ ਤਲਾਬ ਵਿਚ ਡਿੱਗਣ ਕਰਕੇ ਇੱਕੋ ਪਰਿਵਾਰ ਦੇ ਚਾਰ ਮੈਂਬਰਾਂ ਦੀ ਮੌਤ ਹੋ ਗਈ ਹੈ। ਕੌਣ ਕੌਣ ਹਨ ਮ੍ਰਿਤਕਾਂ ਵਿਚ ਮਿਲੀ ਜਾਣਕਾਰੀ ਮੁਤਾਬਕ ਉਤਰ ਪ੍ਰਦੇਸ਼ ਦੇ ਕਾਨਪੁਰ ਵਿਖੇ ਜੋ ਤਾਲਾਬ ਵਿਚ ਵੈਨ ਦੇ ਬੇਕਾਬੂ ਹੋ ਕੇ ਡਿੱਗਣ ਕਾਰਨ ਇੱਕੋ ਪਰਿਵਾਰ ਦੇ ਚਾਰ ਮੈਂਬਰਾਂ ਦੀ ਡੱਬਣ ਕਾਰਨ ਮੌਤ ਹੋ ਗਈ ਹੈ ਵਿਚ ਰਾਜ ਕਿਸ਼ੋਰ, ਉਸ ਦੀ ਪਤਨੀ ਸਨੇਹਲਤਾ ਅਗਨੀਹੋਤਰੀ (55), ਬੇਟੀ ਹਿਮਾਂਸ਼ੂ ਅਗਨੀਹੋਤਰੀ (30) ਅਤੇ ਦੋ ਸਾਲਾ ਦੋਹਤਾ ਸਿ਼ਵ ਅਗਨੀਹੋਤਰੀ ਸ਼ਾਮਲ ਹਨ ਜਦੋਂ ਕਿ ਡਰਾਈਵਰ ਸਮੇਤ ਦੋ ਹੋਰ ਅਜੇ ਵੀ ਲਾਪਤਾ ਹਨ। ਕਿਥੇ ਜਾ ਰਿਹਾ ਸੀ ਪਰਿਵਾਰ ੋਸੂਚਨਾ ਮੁਤਾਬਕ ਉਕਤ ਪਰਿਵਾਰ ਜੋ ਕਿ ਅਰੋਈਆ ਦਾ ਰਹਿਣ ਵਾਲਾ ਹੈ ਕਾਰ ਵਿਚ ਸਵਾਰ ਹੋ ਕੇ ਇਕ ਰਿਸ਼ਤੇਦਾਰ ਦੇ ਤੇਰਵੇਂ ਦੇ ਸਮਾਗਮ ਵਿਚ ਸ਼ਾਮਲ ਹੋਣ ਲਈ ਗਿਆ ਹੋਇਆ ਸੀ ਕਿ ਬੀਤੀ ਦੇਰ ਸ਼ਾਮ ਅਰੋਈਆ ਤੋਂ ਵਾਪਸੀ ਵੇਲੇ ਕਾਰ ਕੰਟਰੋਲ ਗੁਆ ਬੈਠੀ ਤੇ ਇਕੋਦਮ ਤਾਲਾਬ ਵਿਚ ਜਾ ਡਿੱਗੀ। ਕਾਰ ਸਮੇਤ ਤਾਲਾਬ ਵਿਚ ਡਿੱਗੇ ਵਿਅਕਤੀਆਂ ਨੂੰ ਕੱਢਣ ਲਈ ਗੋਤਾਖੋਰਾਂ ਅਤੇ ਪਿੰਡ ਵਾਸੀਆਂ ਦੀ ਮਦਦ ਲਈ ਤੇ ਇਕ ਵਾਰ ਸਾਰਿਆਂ ਨੂੰ ਤੁਰੰਤ ਕੇਂਦਰੀ ਸਿਹਤ ਕੇਂਦਰ ਭੇਜਿਆ ਗਿਆ, ਜਿੱਥੇ ਡਾਕਟਰਾਂ ਨੇ ਬੱਚੇ ਸਮੇਤ ਚਾਰ ਲੋਕਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ।