ਘਨੌਰ ਪੁਲਿਸ ਨੇ 3 ਘੰਟਿਆਂ ਅੰਦਰ ਲੁੱਟ-ਖੋਹ ਦੀ ਵਾਰਦਾਤ ਨੂੰ ਅੰਜ਼ਾਮ ਦੇਣ ਵਾਲੇ ਦੋਸ਼ੀਆਂ ਨੂੰ ਟਰੇਸ ਕਰਕੇ ਭੇਜਿਆ ਸਲਾਖ

by Jasbeer Singh
December 9, 2024

ਘਨੌਰ ਪੁਲਿਸ ਨੇ 3 ਘੰਟਿਆਂ ਅੰਦਰ ਲੁੱਟ-ਖੋਹ ਦੀ ਵਾਰਦਾਤ ਨੂੰ ਅੰਜ਼ਾਮ ਦੇਣ ਵਾਲੇ ਦੋਸ਼ੀਆਂ ਨੂੰ ਟਰੇਸ ਕਰਕੇ ਭੇਜਿਆ ਸਲਾਖਾਂ ਪਿੱਛੇ - ਪੁਲਿਸ ਨੇ ਮੁਲਜ਼ਮਾਂ ਤੋਂ ਬੁਲਟ ਮੋਟਰਸਾਈਕਲ ਅਤੇ ਇੱਕ ਫੋਨ ਕੀਤਾ ਬਰਾਮਦ ਘਨੌਰ, 9 ਦਸੰਬਰ () ਡਾਕਟਰ ਨਾਨਕ ਸਿੰਘ ਆਈ.ਪੀ.ਐਸ ਸੀਨੀਅਰ ਕਪਤਾਨ ਪੁਲਿਸ ਪਟਿਆਲਾ ਦੇ ਦਿਸਾ ਨਿਰਦੇਸਾ ਅਨੁਸਾਰ, ਸ੍ਰੀ ਯੋਗੇਸ ਸਰਮਾ ਆਈ.ਪੀ.ਐਸ ਕਪਤਾਨ ਪੁਲਿਸ ਇੰਨਵੈਸਟੀਗੇਸਨ ਅਤੇ ਹਰਮਨਪ੍ਰੀਤ ਸਿੰਘ ਪੀ.ਪੀ.ਐਸ ਉਪ ਕਪਤਾਨ ਪੁਲਿਸ ਸਰਕਲ ਘਨੌਰ ਦੀਆ ਹਦਾਇਤਾਂ ਅਨੁਸਾਰ ਐਸ.ਆਈ ਸਾਹਿਬ ਸਿੰਘ ਵਿੱਰਕ ਮੁੱਖ ਅਫਸ਼ਰ ਥਾਣਾ ਘਨੌਰ ਨੇ ਮਿਤੀ 05-12-2024 ਨੂੰ ਗੁਰਵਿੰਦਰ ਸਿੰਘ ਪੁੱਤਰ ਬਲਕਾਰ ਸਿੰਘ ਵਾਸੀ ਪਿੰਡ ਭੱਟਮਾਜਰਾ ਨੇ ਹਾਜਰ ਥਾਣਾ ਆ ਕੇ ਇਤਲਾਹ ਦਿਤੀ ਸੀ ਕਿ ਮਿਤੀ 04-12-2024 ਨੂੰ ਮੁੱਦਈ ਮੁੱਕਦਮਾ ਸਮੇਤ ਆਪਣੇ ਪਿੰਡ ਦੇ ਨੰਬਰਦਾਰ ਜਸਵੀਰ ਸਿੰਘ ਨਾਲ ਘਨੌਰ ਤੋਂ ਆਪਣੇ ਘਰ ਨੂੰ ਜਾ ਰਿਹਾ ਸੀ ਤਾ ਜਦੋ ਮੁਦਈ ਬਘੋਰਾ ਮੋੜ ਤੇ ਪੁੱਜਾ ਤਾਂ ਕੁਲਦੀਪ ਸਿੰਘ ਉਰਫ ਪੰਜਾਬੀ ਪੁੱਤਰ ਰੂਪ ਸਿੰਘ ਵਾਸੀ ਹਰੀਪੁਰ ਝੂੰਗੀਆ, ਗੁਰਮੀਤ ਸਿੰਘ ਉਰਫ ਮੀਤਾ, ਦਵਿੰਦਰ ਸਿੰਘ ਉਰਫ ਕਾਕਾ ਪੁੱਤਰਾਨ ਗੁਰਮੇਲ ਸਿੰਘ ਵਾਸੀਆਨ ਰੁੜਕਾ ਨੇ ਮੁਦਈ ਦਾ ਮੋਟਰਸਾਇਕਲ ਰੋਕ ਲਿਆ ਅਤੇ ਮੁਦਈ ਦੀ ਬਾਹ ਤੇ ਸੱਟ ਮਾਰ ਕੇ ਮੁਦਈ ਪਾਸੋ ਬੂਲਟ ਮੋਟਰਸਾਇਕਲ ਨੰਬਰ ਪੀ ਬੀ 11 ਸੀ ਵੀ 1427 ਅਤੇ ਮੁਦਈ ਦਾ ਵਨ ਪਲੱਸ ਫੋਨ ਖੋਹ ਲਿਆ ਜੋ ਮੁਦਈ ਦੇ ਬਿਆਨ ਤੇ ਮੁੱਕਦਮਾ ਨੰਬਰ 129 ਮਿਤੀ 05-12-2024 ਅ/ਧ 304(2),115(2),118(1), 126(2), 3(5) ਬੀ ਐਨ ਐਸ ਥਾਣਾ ਘਨੌਰ ਦਰਜ ਕਰਕੇ ਦੋਸੀਆਨ ਕੁਲਦੀਪ ਸਿੰਘ ਉਰਫ ਪੰਜਾਬੀ ਅਤੇ ਗੁਰਮੀਤ ਸਿੰਘ ਉਰਫ ਮੀਤਾ ਨੂੰ ਮਿਤੀ 05-12-2024 ਨੂੰ ਹਸਬ ਜਾਬਤਾ ਗ੍ਰਿਫਤਾਰ ਕਰਕੇ ਦੋਸੀ ਦਾ ਫੋਨ ਬ੍ਰਾਮਦ ਕੀਤਾ ਗਿਆ ਅਤੇ ਮਿਤੀ 06-12-2024 ਨੂੰ ਦੋਸੀ ਦਵਿੰਦਰ ਸਿੰਘ ਉਰਫ ਕਾਕਾ ਨੂੰ ਗ੍ਰਿਫਤਾਰ ਕਰਕੇ ਉਸ ਪਾਸੋ ਮੁਦਈ ਦਾ ਮੋਟਰਸਾਇਕਲ ਬੂਲਟ ਬ੍ਰਾਮਦ ਕੀਤਾ ਗਿਆ ਦੋਸੀਆਨ ਨੂੰ ਮਿਤੀ 06-12-2024 ਨੂੰ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ 03 ਦਿਨ ਦਾ ਪੁਲਿਸ ਰਿਮਾਡ ਹਾਸਲ ਕੀਤਾ ਗਿਆ ਸੀ।ਜਿਹਨਾ ਦੀ ਅੱਜ ਪੁਲਿਸ ਰਿਮਾਂਡ ਦੀ ਹਿਰਾਸਤ ਖਤਮ ਹੁੰਦੀ ਹੈ ਜਿਹਨਾ ਨੂੰ ਅੱਜ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਕੇਂਦਰੀ ਜੇਲ ਪਟਿਆਲਾ ਬੰਦ ਕਰਾਇਆ ਜਾਵੇਗਾ।