ਭਾਰਤ 2047 `ਚ ਇਕ ਮਹਾਸ਼ਕਤੀ ਹੋਵੇਗਾ : ਡਾ. ਸੋਮਨਾਥ

by Jasbeer Singh
November 30, 2025

ਭਾਰਤ 2047 `ਚ ਇਕ ਮਹਾਸ਼ਕਤੀ ਹੋਵੇਗਾ : ਡਾ. ਸੋਮਨਾਥ ਦੇਹਰਾਦੂਨ, 30 ਨਵੰਬਰ 2025 : ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਦੇ ਸਾਬਕਾ ਚੇਅਰਮੈਨ ਡਾ. ਐੱਸ. ਸੋਮਨਾਥ ਨੇ ਕਿਹਾ ਕਿ 2047 ਦਾ ਵਿਕਸਤ ਭਾਰਤ ਇਕ ਮਹਾਸ਼ਕਤੀ ਵਜੋਂ ਉਭਰੇਗਾ, ਜਿਸ ਵਿਚ ਪੁਲਾੜ ਤਕਨਾਲੋਜੀ ਅਤੇ ਨਿਰਮਾਣ ਖੇਤਰ ਦਾ ਵੱਡਾ ਯੋਗਦਾਨ ਹੋਵੇਗਾ । ਸੋਮਨਾਥ ਨੇ ਅਖਿਲ ਭਾਰਤੀ ਵਿਦਿਆਰਥੀ ਪ੍ਰੀਸ਼ਦ (ਏ. ਬੀ. ਵੀ. ਪੀ.) ਦੇ 71ਵੇਂ ਸੰਮੇਲਨ ਦਾ ਉਦਘਾਟਨ ਕਰਦਿਆਂ ਕਿਹਾ ਕਿ ਭਾਰਤ ਦੁਨੀਆ ਨੂੰ ਪੁਲਾੜ ਤਕਨਾਲੋਜੀ ਅਤੇ ਨਿਰਮਾਣ ਖੇਤਰ ਵਿਚ ਮੁੱਖ ਸਪਲਾਇਰ ਹੋਵੇਗਾ। ਵਿਗਿਆਨ ਅਤੇ ਅਧਿਆਤਮ ਸਹਿ-ਹੋਂਦ ਵਿਚ ਰਹਿ ਸਕਦੇ ਹਨ : ਸੋਮਨਾਥ ਇਸਰੋ ਦੇ ਸਾਬਕਾ ਮੁਖੀ ਨੇ ਕਿਹਾ ਕਿ ਵਿਗਿਆਨ ਅਤੇ ਅਧਿਆਤਮ ਸਹਿ-ਹੋਂਦ ਵਿਚ ਰਹਿ ਸਕਦੇ ਹਨ, ਜਿਵੇਂ ਵਿਸ਼ਵਾਸ ਅਤੇ ਹਕੀਕਤ ਇਕ-ਦੂਜੇ ਦੇ ਪੂਰਕ ਹਨ। ਇਸ ਸਬੰਧੀ ਉਨ੍ਹਾਂ ਕਿਹਾ ਕਿ ਸਾਡੇ ਰਿਸ਼ੀ-ਮੁਨੀਆਂ ਨੇ ਗਣਿਤ, ਪੁਲਾੜ ਵਿਗਿਆਨ, ਧਾਤੂ ਵਿਗਿਆਨ, ਆਰਕੀਟੈਕਚਰ ਅਤੇ ਮੈਡੀਕਲ ਖੇਤਰ `ਚ ਪੜਚੋਲ ਕੀਤੀ ਅਤੇ ਸਾਡੇ ਅਧਿਆਤਮਿਕ ਵਿਸ਼ਿਆਂ ਵਿਚ ਆਧੁਨਿਕ ਵਿਗਿਆਨ ਦੀਆਂ ਸੂਝਾਂ ਹਨ। ਸੋਮਨਾਥ ਨੇ ਕਿਹਾ ਕਿ ਸਭ ਜਾਣਦੇ ਹਨ ਕਿ ਭਾਰਤ ਅੱਗੇ ਵਧ ਰਿਹਾ ਹੈ ਜਿਸ ਨਾਲ ਲੋਕਾਂ ਵਿਚ ਇਕ ਨਵਾਂ ਭਰੋਸਾ ਉੱਭਰ ਰਿਹਾ ਹੈ।