ਫਰਜੀ ਡੋਪ ਟੈਸਟ ਕਰਵਾਉਣ ਵਾਲੇ ਰਿਗੋਹ ਦਾ ਖੰਨਾ ਪੁਲਸ ਨੇ ਕੀਤਾ ਪਰਦਾਫਾਸ਼

by Jasbeer Singh
April 1, 2026

ਫਰਜੀ ਡੋਪ ਟੈਸਟ ਕਰਵਾਉਣ ਵਾਲੇ ਰਿਗੋਹ ਦਾ ਖੰਨਾ ਪੁਲਸ ਨੇ ਕੀਤਾ ਪਰਦਾਫਾਸ਼ ਖੰਨਾ, 1 ਅਪ੍ਰੈਲ 2026 : ਪੰਜਾਬ ਦੇ ਪ੍ਰਸਿੱਧ ਸ਼ਹਿਰ ਖੰਨਾ ਵਿਖੇ ਜਾਅਲੀ ਡੋਪ ਟੈਸਟ ਪਾਸ ਕਰਵਾਉਣ ਵਾਲੇ ਗਿਰੋਹ ਦਾ ਖੰਨਾ ਪੁਲਸ ਵਲੋਂ ਪਰਦਾਫਾਸ਼ ਕੀਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਕੌਣ ਕੌਣ ਹਨ ਗਿਰੋਹ ਵਿਚ ਮਿਲੀ ਜਾਣਕਾਰੀ ਮੁਤਾਬਕ ਖੰਨਾ ਪੁਲਸ ਵਲੋਂ ਜੋ ਜਾਅਲੀ ਡੋਪ ਟੈਸਟ ਅਤੇ ਮੈਡੀਕਲ ਰਿਪੋਰਟ ਤਿਆਰ ਕਰਨ ਵਾਲੇ ਜਿਸ ਗਿਰੋਹ ਦਾ ਪਰਦਾ ਫਾਸ਼ ਕਰਦਿਆਂ ਤਿੰਨ ਵਿਚੋਂ ਦੋ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ।ਜਿਨ੍ਹਾਂ ਤਿੰਨ ਦੀ ਅਜਿਹਾ ਕੰਮ ਕਰਨ ਵਿਚ ਸ਼ਮੂਲੀਅਤ ਹੈ ਵਿਚ ਮੰਚਿਤ, ਹਿਮਾਂਸ਼ੂ ਤੇ ਰਮੇਸ਼ ਸ਼ਾਮਲ ਹਨ। ਇਨ੍ਹਾਂ ਤਿੰਨਾਂ ਵਿਚੋਂ ਖੰਨਾ ਪੁਲਸ ਵਲੋਂ ਮੰਚਿਤ ਤੇ ਰਮੇਸ਼ ਪੁਲਸ ਵਲੋਂ ਪਕੜ ਲਏ ਗਏ ਹਨ ਤੇ ਹਿਮਾਂਸ਼ੂ ਹਾਲ ਦੀ ਘੜੀ ਪੁਲਸ ਦੀ ਪਕੜ ਤੋਂ ਬਾਹਰ ਹੈ। ਕੀ ਦੱਸਿਆ ਐਸ. ਐਸ. ਪੀ. ਖੰਨਾ ਨੇ ਪੰਜਾਬ ਪੁਲਸ ਦੇ ਖੰਨਾ ਤੋਂ ਐਸ. ਐਸ. ਪੀ. ਡਾਕਟਰ ਦਰਪਣ ਆਹਲੂਵਾਲੀਆ ਨੇ ਦੱਸਿਆ ਕਿ ਉਕਤ ਗਿਰੋਹ ਦਾ ਮੁਖੀਆ ਮੰਚਿਤ ਹੈ ਜੋ ਕਿ ਖੰਨਾ ਦਾ ਹੀ ਰਹਿਣ ਵਾਲਾ ਵੀ ਹੈ।ਉਨ੍ਹਾਂ ਦੱਸਿਆ ਕਿ ਮੰਚਿਤ ਨੇ ਬੀ. ਬੀ. ਏ. ਕਰਨ ਤੋਂ ਬਾਅਦ ਜਲਦੀ ਪੈਸਾ ਕਮਾਉਣ ਦੇ ਚੱਕਰ ਵਿਚ ਗਿਰੋਹ ਬਣਾ ਲਿਆ ਅਤੇ ਇਸ ਵਿਚ ਲੁਧਿਆਣਾ ਦੇ ਹਿਮਾਂਸ਼ੂ ਅਤੇ ਰਮੇੇਸ਼ ਨੂੰ ਵੀ ਆਪਣੇ ਨਾਲ ਮਿਲਾ ਲਿਆ । ਐਸ. ਐਸ. ਪੀ. ਦਰਪਣ ਨੇ ਦੱਸਿਆ ਕਿ ਐਸ. ਐਮ. ਓ. ਖੰਨਾ ਦੀ ਸਿ਼ਕਾਇਤ ਮਿਲਣ ਤੋ ਬਾਅਦ ਪੁਲਸ ਵਲੋਂ ਗਿਰੋਹ ਵਿਰੁੱਧ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ ਤੇ ਇਨ੍ਹਾਂ ਵਲੋਂ ਜਿਨ੍ਹਾਂ ਜਿਨ੍ਹਾਂ ਦੇ ਸਰਟੀਫਿਕੇਟ ਜਾਂ ਰਿਪੋਰਟਾਂ ਬਣਾਈਆਂ ਗਈਆਂ ਹਨ ਦਾ ਵੀ ਪਤਾ ਲਗਾਇਆ ਜਾ ਰਿਹਾ ਹੈ। ਕੀ ਕੀ ਕਰਦਾ ਸੀ ਗਿਰੋਹ ਜਾਣਕਾਰੀ ਮੁਤਾਬਕ ਉਕਤ ਤਿੰਨ ਵਿਅਕਤੀਆਂ ਤੇ ਆਧਾਰਤ ਗਿਰੋਹ ਖੰਨਾ, ਜਗਰਾਓਂ ਅਤੇ ਲੁਧਿਆਣਾ ਖੇਤਰਾਂ ਦੇ ਲੋਕਾਂ ਨੂੰ ਝਾਂਸੇ ਵਿਚ ਲੈ ਕੇ ਫਰਜੀ ਡੋਪ ਟੈਸਟ ਕਰਵਾ ਕੇ ਸਰਟੀਫਿਕੇਟ ਬਣਾ ਕੇ ਦਿੰਦੇ ਸਨ। ਜਿਸ ਲਈ ਇਨ੍ਹਾਂ ਵਲੋਂ ਐਸ. ਐਮ. ਓ. ਖੰਨਾ ਅਤੇ ਪੰਜ ਤੋਂ ਜਿ਼ਆਦਾ ਡਾਕਟਰਾਂ ਅਤੇ ਸਟਾਫ ਤੇ ਵਿਭਾਗ ਦੀਆਂ ਮੋਹਰਾਂ ਵੀ ਬਣਾਈਆਂ ਹੋਈਆਂ ਸਨ। ਇਥੇ ਹੀ ਬਸ ਨਹੀਂ ਸਰਾਰੀ ਨੌਕਰੀ ਲਈ ਜ਼ਰੂਰੀ ਮੈਡੀਕਲ ਰਿਪੋਰਟ ਵੀ ਫਰਜੀ ਤਿਆਰ ਕਰਕੇ ਦਿੱਤੀ ਜਾਂਦੀ ਸੀ। ਉਕਤ ਦੋਹਾਂ ਕੋਲੋਂ ਜਾਅਲੀ ਮੋਹਰਾਂ, ਡਰਾਈਵਿੰਗ ਲਾਇਸੈਂਸ, ਆਧਾਰ ਕਾਰਡ ਅਤੇ ਹੋਰ ਕਾਗਜ਼ਾਤ ਵੀ ਬਰਾਮਦ ਕੀਤੇ ਗਏ ਹਨ ।