National
12 ਪ੍ਰਤੀਸ਼ਤ ਤੋਂ ਵਧ ਅਲਕੋਹਲ ਵਾਲੀ ਦਵਾਈਆਂ ਨਹੀਂ ਵਿਕ ਸਕਣੀਆਂ ਡਾਕਟਰ ਦੀ ਪਰਚੀ ਦੇ
12 ਪ੍ਰਤੀਸ਼ਤ ਤੋਂ ਵਧ ਅਲਕੋਹਲ ਵਾਲੀ ਦਵਾਈਆਂ ਨਹੀਂ ਵਿਕ ਸਕਣੀਆਂ ਡਾਕਟਰ ਦੀ ਪਰਚੀ ਦੇ
ਨਵੀਂ ਦਿੱਲੀ, 10 ਜੁਲਾਈ 2026 : ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲਾ (Ministry of Health and Family Welfare) ਵਲੋਂ 12 ਫੀਸਦੀ ਤੋਂ ਵਧ ਅਲਕੋਹਲ ਮਿਕਸ ਦਵਾਈਆਂ (Alcohol Mix Drugs) ਬਿਨਾਂ ਡਾਕਟਰ ਦੀ ਪਰਚੀ ਦੇ ਨਹੀਂ ਵਿਕ ਸਕਣਗੀਆਂ ।
ਕਿਊਂ ਲਿਆ ਗਿਆ ਹੈ ਇਹ ਫ਼ੈਸਲਾ
ਮਿਲੀ ਜਾਣਕਾਰੀ ਅਨੁਸਾਰ ਕੇਂਦਰ ਸਰਕਾਰ (Central Government) ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲਾ ਨੇ ਇਕ ਨੋਟੀਫਿਕੇਸ਼ਨ (Notifications) ਜਾਰੀ ਕਰਕੇ ਸਪੱਸ਼ਟ ਕੀਤਾ ਹੈ ਕਿ ਜਿਨ੍ਹਾਂ ਦਵਾਈਆਂ ਵਿਚ 12 ਫੀਸਦੀ ਤੋਂ ਵੱਧ ਅਲਕੋਹਲ ਮਿਕਸ ਹੋਵੇਗਾ ਉਨ੍ਹਾਂ ਦਵਾਈਆਂ ਦੀ ਖੁੱਲ੍ਹੀ ਵਿਕਰੀ `ਤੇ ਰੋਕ ਲਗਾਉਂਦਿਆਂ ਇਨ੍ਹ੍ਹਾਂ ਦੀ ਖਰੀਦੋ-ਫਰੋਖਤ ਡਾਕਟਰ ਦੀ ਪਰਚੀ 'ਤੇ ਕਰ ਦਿੱਤੀ ਹੈ। ਕੇਂਦਰ ਸਰਕਾਰ ਨੇ ਹੁਣ ਇਹ ਲਾਜ਼ਮੀ ਕਰ ਦਿੱਤਾ ਹੈ ਕਿ 12 ਫੀਸਦੀ ਤੋਂ ਵਧ ਅਲਕੋਹਲ ਮਿਕਸ ਦਵਾਈਆਂ ਡਾਕਟਰ ਦੀ ਪ੍ਰਿਸਕ੍ਰਿਪਸ਼ਨ) ਤੋਂ ਬਿਨਾਂ ਖਰੀਦੀਆਂ ਜਾਂ ਵੇਚੀਆਂ ਨਹੀਂ ਜਾ ਸਕਣਗੀਆਂ । ਦੱਸਣਯੋਗ ਹੈ ਕਿ ਉਕਤ ਫ਼ੈਸਲਾ ਦਵਾਈਆਂ ਦੀ ਗਲਤ ਵਰਤੋਂ ਨੂੰ ਰੋਕਣ ਲਈ ਸਰਕਾਰ ਨੇ ਡਰੱਗਜ਼ ਰੂਲਜ਼-1945 ਵਿੱਚ ਬਦਲਾਅ ਕਰਕੇ ਕੀਤਾ ਹੈ ।
ਪੀਣ ਵਾਲੀਆਂ ਦਵਾਈਆਂ ਨੂੰ ਕੀਤਾ ਗਿਆ ਹੈ ਸ਼ਡਿਊਲ-1 ਵਿਚ ਸ਼ਾਮਲ
ਨਵੇਂ ਨਿਯਮ ਦੇ ਤਹਿਤ ਉਨ੍ਹਾਂ ਸਾਰੀਆਂ ਪੀਣ ਵਾਲੀਆਂ ਦਵਾਈਆਂ ਨੂੰ ‘ਸ਼ਡਿਊਲ 1’ ਕੈਟੇਗਰੀ ਵਿੱਚ ਸ਼ਾਮਲ ਕਰ ਦਿੱਤਾ ਗਿਆ ਹੈ । ਇਨ੍ਹਾਂ ਵਿੱਚ ਐਥਿਲ ਅਲਕੋਹਲ ਦੀ ਮਾਤਰਾ 12 ਫੀਸਦੀ ਤੋਂ ਵੱਧ ਹੁੰਦੀ ਹੈ ਅਤੇ ਜੋ 30 ਮਿਲੀਲੀਟਰ ਤੋਂ ਵੱਡੀ ਬੋਤਲ ਵਿੱਚ ਵੇਚੀਆਂ ਜਾਂਦੀਆਂ ਹਨ । ਮੈਡੀਕਲ ਸਟੋਰਾਂ ਲਈ ਵੀ ਖਾਸ ਹਦਾਇਤਾਂ ਹਨ । ਹੁਣ ਮੈਡੀਕਲ ਸਟੋਰਾਂ (Medical stores) ਨੂੰ ਇਹਨਾਂ ਦਵਾਈਆਂ ਦੀ ਵਿਕਰੀ ਦਾ ਪੂਰਾ ਰਿਕਾਰਡ ਇੱਕ ਵੱਖਰੇ ਰਜਿਸਟਰ ਵਿੱਚ ਰੱਖਣਾ ਹੋਵੇਗਾ ।
Related Post
Admin
(Chief Editor)
